Marko 11:23 - Bhibhiliya Nya Guage

²³ Kholu Khu lisine nyi ngu mi embelani gukheni, muthu a gu embela gigomo gegi khuye siguga khavba uya thegela phwani, na si kanakani monyoni gwaye, aholu a khodwa gukhuye esi a ganelago si na girega, khu lisine furi si na girega kharalo.

Marko 11:23 Iomraidhean Croise

Dzindzimo 37:4

Vega ga Pfhumu Nungungulu gutsaka gwago, uye a na gu ninga gugola nya monyo wago.

Matewu 14:13

Jesu, na pwide esi, a di bela ngalavani a khuga khu vbale a gu hongola wulangani nya giwula, gu nga bani guri hwindzwana; aholu vathu, na va dzitide, va di mu landra khu mawundru, gukhugela madhoropani gwawe.

Matewu 17:20

Jesu a di va hakha, khuye: “Khu kotani nya gukhodwe gwanu a gu gudugwanana. Khu lisine nyi ngu mi embelani, kheni: Gukhodwa gwanu gwa gu fanana ni mbewu nya ginapi, mu na rumani gigomo gegi, khenu: ‘Siguga khavba uya khala vbale’; gi na mi yingisani. Khu kharato, gimwalo gi na mi tandrago.

Matewu 21:21

Jesu a di hakha, khuye: “Khu lisine nyi ngu mi embelani, kheni: Mwa gu khodwani, nyamba kanakana, kha mu na gira basi esi nyi nga girago nguyu yoyu, aholu mwa gu ruma gigomo gegi, khenu: ‘Siguga khavbovbo, indra uya dzi dumwega phwani’, gu na girega kamwe.

Luka 17:6

Pfhumu a di va hakha, khuye: “Nari pwani mu na ni gukhodwa gu fananago ni thanga nya ginapi, mu di hadza gu embela riva yoyu, khenu: ‘Kunuga avba uya dzi tsitsa phwani,’ uwo riva wu na mi yingisani.

Johane 14:13

Ni gevbini mu na lombago khu lina langu, nyi na mi girelani, gasi Babe afela gu dhumiswa khu Mwanaye.

Johane 15:7

Mwa gu khala ni eni, ni gu landrisani magana yangu, satshavbo iso mu na lombago mu na ningwa.

1 Vakorinto 13:2

Ambari nyiri ni giningwa nya gutshumayele mahungu ya Nungungulu, ni guti satshavbo, ni gupima misihalo yatshavbo, ni gukhodwa gwatshavbo nya gu dzi kodze gu sigula sigomo, nyambana lihaladzo, kha nyiri wa gilo.