Marko 10:52 - Bhibhiliya Nya Guage

⁵² Khavbo avbo, Jesu a di gi embela, khuye: “Indra, gukhodwa gwago gu gu vbanyiside.” Gikhumu gi di dzegela gu tulega maho gi gu landrela Jesu.

Marko 10:52 Iomraidhean Croise

Dzindzimo 146:8

Pfhumu Nungungulu a ngu tula maho sikhumu, a gu wusa avo va vbelago tshivba; Uye a ngu gola vale va lulamidego.

Dzindzimo 33:9

Kholu uye a di ganela, si girega satshavbo; uye a ruma, satshavbo si girega.

Isaya 35:5

Khavbo avbo, maho nya sikhumu ma na tulega ni sivbwiri si na tulega dzindzeve sipwa.

Matewu 11:5

Sikhumu si ngu wona, sikhurubwa si ngu gimbila, va nya sokono va ngu agiswa, sivbwiri si ngu pwa, vafi va ngu wuga, Mahungu nya Yadi ma ngu hevbudzwa sisiwana.

Matewu 12:22

Khavbo avbo, va di mu resela moyo a nga bani ari ni liphuvbo nya guvivbe nari gikhumu, ni wududu. Jesu a di mu hawulugisa, a dzegela gu wona ni gu ganela.

Matewu 15:28

Khu kharato, Jesu a di mu hakha, khuye: “Nyamayi, gukhodwa gwago gukhongolo! Gu na girege kha nga guhaladza gwago.” Gukhugela gikhati gile nyamahegyane waye a di hawuluga.

Matewu 21:14

Ndrani mule nya Nyumba ya Nungungulu a di tedwa khu sikhumu ni sikhurubwa, a gu si vbanyisa.

Matewu 8:3

Jesu na mu handzegide mandza, a di mu embela, khuye: “Nyi ngu dzina, hawuluga!” Mudwali wule a di dzegela gu hawuluga.

Matewu 9:22

Jesu na thendregedzide, a di mu khedza, khuye: “Mwanangu, tiya, gukhodwa gwago gu gu vbanyiside.” Gikhati gile kamwe, nyamayi wule a di dzegela gu hawuluga.

Marko 1:31

Na mu yede, a diya mu phara khu libogo a gu mu wusa. Khavbo avbo, feveri yi di dzegela guvbindra, a gu wuga a va sayisa.

Marko 5:34

Uye a di mu embela, khuye: “Mwanangu, gukhodwa gwago gu gu vbanyiside. Indra khu gurula, madwali yago ma hawulugide.”

Marko 8:25

A di mu kuha nyaluphye maho khu mandza; mwama a di dzegela gu wona gwadi vatshavbo khu hwindzo, a gu hawulugisa guralo.

Luka 7:50

Jesu a di embela nyamayi wule, khuye: “Gukhodwa gwago gu gu vbanyiside. Indra khu gurula.”

Luka 9:48

“Muthu watshavbo a na hakhago gyanana nya nga egi khu lina langu, kheni a nyi hakhago. Gasi uye a nyi hakhago, a gu hakha wule a nga nyi rumelago. Kholu wule a dzi sodzisago ngudzu vbakari gwanu, uyoyo khuye a gu khongolo.”

Johane 9:32

Gima ni gima gu si pwali gupwani womo a nga nga tula maho gikhumu nya mavelego.

Johane 9:39

Jesu, khuye: “Eni nyi dzude mafuni kha nga mulamuli, gasi vale va si wonigo va wone; ni gu vale va wonago va khale sikhumu.”

Mithumo 26:18

Eni nyi ngu gu rumela guya va tula maho yawe gasi va duga gidemani, va ta guwonegelani; va duga wugumbini wa Sathane, va ta ga Nungungulu, va khodwa gwangu va fela gu divaledwa sighoho sawe, va hakha thomba yi lulamisedwego vbakari nya sihathwa, khu gukhodwa Gwangu.’