Marko 10:29 - Bhibhiliya Nya Guage

²⁹ Jesu a di phindrula, khuye: “Khu lisine nyi ngu mi embelani gukheni: Mwalo uye a digidego ndranga yaye, vandriyaye nya vama ni vanyamayi, mayi ni babe waye ni sanana khu kotani yangu ni Ivhangeli,

Marko 10:29 Iomraidhean Croise

Genesi 45:20

“Mu nga garadzegi khu kotani nya sipeto sanu, kholu esi si guromo nya sadi tigoni ga Egipito si na lumba enu.”

Matewu 10:18

mu na yiswa mbeli ga vafumeli ni dzipfhumwana khu kotani yangu, mufela guya fakaza mahoni gwawe ni mahoni nya mahedheni.

Matewu 19:29

Gasi watshavbo wule a nga digago ndranga, vandruye, nya vama ni vanyamayi, babe, mayi, mwangadzi, sanana ni sipeto khu kotani nya lina langu, a na si mana na si engedzedwe lizana dzinyondro, bwelo khavbo a mana guvbanya nya gupindruge.

Matewu 6:33

Aholu, guphela dwanelani Mufumo wa Nungungulu ni gugola gwaye; gasi simbe mu na ningwa khu gu engedzedwa.

Marko 8:35

Kholu, oyu a dwanelago gu vbanyisa womi waye a na wu luza; gasi oyu a luzago womi waye khu kotani yangu ni Ivhangeli, a na wu vbanyisa.

Luka 18:29

Uye a di khuye: “Khu lisine nyi ngu mi embelani nya gukheni: Mwalo a digago ndranga, mwangadzi, vandriyaye, vavelegi mwendro sanana khu kotani nya Mufumo wa Nungungulu,

1 Vakorinto 9:23

Nya gu gira satshavbo sesi khu kotani nya Ivhangeli khu gu dwanela gu hakha makategwa nya Ivhangeli.

Gutuledwa 2:3

“U na ni gutimisela, u tshanisekide khu kotani nya lina langu, ambari ulo khwa rereka.