Marko 1:35 - Bhibhiliya Nya Guage

³⁵ Ni mambagugya, a di khuga a gu hongola giwulani, gasi guya gira nombelo.

Marko 1:35 Iomraidhean Croise

Dzindzimo 109:4

Va gu nyi bweledzela lihaladzo langu khu livengo, aholu eni nyi ngu gira nombelo.

Dzindzimo 5:3

Pfhumu Nungungulu, vbadzimindrutunu u napwa lito langu, vbadzimindrutunu, nyi ngu gu bikela nombelo wangu, nyi khevisela phindrulo yago.

Matewu 14:13

Jesu, na pwide esi, a di bela ngalavani a khuga khu vbale a gu hongola wulangani nya giwula, gu nga bani guri hwindzwana; aholu vathu, na va dzitide, va di mu landra khu mawundru, gukhugela madhoropani gwawe.

Matewu 14:23

Na vbanganide gidzemo, a di gwela gigomoni, gasi guya lombelela enga. A di pfoledwa khu lidambo vbale, nari uye enga.

Marko 1:36

Simoni ni ava a nga bani ari navo, va di gimbila va mu vbweta.

Luka 5:16

Aholu uye a di thava a gu hongola giwulani, aya gira nombelo.

Luka 6:12

Khu matshigu yale, Jesu a di gwela mugigomoni, gasi guya gira nombelo. A di pilekelana wutshigu watshavbo na gu lombelela ga Nungungulu.

Johane 4:34

Jesu a di va embela, khuye: “Guhodza gwangu khu gu gira guhaladza ga wule a nga nyi rumelago ni gu gira mithumo yaye.

Johane 6:15

Jesu, na dzitide gukhuye va di vbweta guta mu gira mufumeli, a di khuga nyaluphye, enga, a gu gwela gigomoni.

Vaefeso 6:18

Lombelelani gikhati gyatshavbo nyamba garala khu tshivba nya Liphuvbo nya Guage; mu lindrela khu gutimisela ni gutumbega. Lombelelani vakhodwa vatshavbo nya libandla la Nungungulu.

Vafilipi 2:5

Gu vbwetega mavbanyelo yanu ma fanana ni mavbanyelo ya Kristo Jesu.

Vahebheru 5:7

Matshigu a nga vbanya mafuni, Jesu a di gira milombelo khu gugaradzega ni gu lila ga Nungungulu a gu ni tshivba nya gu mu vbulugise gufani. Milombelo yaye yi di hakhwa, kholu a diri muthu nya gukhathalele Nungungulu.