Marko 1:32 - Bhibhiliya Nya Guage

³² Na li pfode lidambo, va di mu yisela vadwali vatshavbo ni va nya maphuvbo nya guvivbe.

Marko 1:32 Iomraidhean Croise

Matewu 4:24

Ndruma yaye yi di phalalega ni Siriya gwatshavbo. Va di mu resela vatshavbo avo va nga bani vari ni madwali ni dzingumbe nya dzingi ni simbe sigaradzo; avo va nga bani vari ni maphuvbo nya guvivbe, va nya guhandruga ni va nya sitshira, ni sikhurubwa. A di va hawulugisa vatshavbo.

Matewu 8:16

Ni silambo, va di mu yisela vathu nya vangi va nga bani vari ni madwali ni vatshavbo va nga bani na vari ni maphuvbo nya guvivbe gasi uye, khu magana yaye, a di ma tutumisa, gumogo ni gu hawulugisa vadwali.

Matewu 8:17

Gasi gu tadzisega, kharati, iso si nga ganedwago khu muprofeti Isaya, nya gukhuye: “Uye dzegide madwali yathu, a gu rwala wuvi wathu.”

Marko 1:21

Va di bela dhoropani ga Kafarinawume. Na li vbohide litshigu nya Sabhadho, Jesu a di bela nyumbani nya nombelo a phela gu hevbudza.

Marko 1:31

Na mu yede, a diya mu phara khu libogo a gu mu wusa. Khavbo avbo, feveri yi di dzegela guvbindra, a gu wuga a va sayisa.

Marko 3:2

Vatshavbo va di khusa maho va mu khedza, gasi gu mu wona mwendro a na mu hawulugisa khu litshigu nya Sabhadho, vafela gu mu rwega nandru.

Luka 4:40

Na li hwide, vatshavbo avo va nga bani vari ni vadwali nya dzingumbe nya guhambanelane va di va resa gwaye. A di handzega mandza ga moyo ni moyo wawe, a va hawulugisa.

Luka 4:41

Ga vangi vakone ma di duga maphuvbo nya guvivbe, na ma gulumela, khayo: “Uwe u Mwamana wa Nungungulu!” Aholu uye a di ma kawuka ni gu ma degudza, kholu ma di gu muti nya gukhayo khuye Kristo.