Marko 1:24 - Bhibhiliya Nya Guage

²⁴ “Ginani hi nga gu ghohelago, Jesu wa Nazareta, wa gu tela guta hi mbembisa? Nyi ngu guti khuwe mani: Khuwe Gihathwa gya Nungungulu.”

Marko 1:24 Iomraidhean Croise

Dzindzimo 16:10

Kholu khu na diga guvbanya gwangu phalani nya vafi; khu na diga gihathwa gyago gifa.

Ekisodha 14:12

Ina khandriso esi hi nga gu embela tigoni ga Egipito gani, gikhati hi nga khethu: Hi dige hi thumela Vagipiti. Kholu a diri tshukwana gu thumela Vagipiti guvbindra gu ta fela giwulani.”

Dhaniyeli 9:24

Gu vegidwe livbandre na mavili magumi dzisemana (70) gikhati a gi dongisedego gasi gu tshudzisa vathu vago ni lidhoropa lago nya gukatege mugighohoni gumogo ni guvivba gwatshavbo, gasi va kodze gu tsetseledwa sighoho, gasi gu reswa gululama kala gupindruga, gasi gi tadzisege giwoniso nya wuprofeti wowu, ni gu todza Wulanga nya Guage Ngudzu.

Matewu 2:23

Iyo a ngaya khalago dhoropani ga Nazareta. Gu di tadzisega, kharati, iso si nga ganedwago khu vaprofeti, khavo: “A na ranwa Munazarenu.”

Matewu 8:29

Avo va di gulumela, khavo: “Ginani hi nga gu ghohela, Mwamana wa Nungungulu? U tede guta hi tshanisela ginani, na gi si gu vbohi gikhati gyakone?”

Marko 1:23

Nyumbani mule nya nombelo, a di romo muthu moyo a nga bani ari ni liphuvbo nya guvivbe, li di ganela khu tshivba, khilo:

Marko 1:25

Aholu Jesu a di li kawuka, khuye: “Degula, duga ga muthu yoyo.”

Marko 10:47

na pwide gupwani khu Jesu wa Nazareta a vbindrago, a di khusa lito a lomba, khuye: “Jesu, mwamana wa Dhavhidhe, nyi pwele wusiwana.”

Marko 14:67

Nyamahegyane, na wonide Pedro na gu wora nilo, a di mu khedza gwadi khuye: “Uwe nuwe u diri ni Jesu Munazarenu.”

Marko 16:6

Aholu Lidzaha li di va embela, khilo: “Mu nga thavi, khandri mwa guvbweta Jesu wa Nazareta, oyu a nga khokhothedwago. Wugide, mwalo avba. Wonani wulanga va nga bani va mu vegide avbo.

Marko 5:7

a khusedza lito a ganela khu tshivba, khuye: “Ginani nyi nga gu ghohela, uwe Jesu, Mwamana wa Nungungulu a guromo Ndzadzini? Nyi ngu gu lomba khu lina la Nungungulu gukheni u nga nyi tshanisi!”

Luka 1:35

Ngilozi yi di mu hakha, khiyo: “Liphuvbo nya Guage li na gu tshigela; tshivba ya Uye a guromo vbatshani ngudzu yi na gu fenengedza. Khu kharato, Gyanana nya gukatege gi na velegwago gi na ranwa Mwamana wa Nungungulu.

Luka 24:19

Jesu a di va wudzisa, khuye: “Gasi ginani gi nga giregago?” Va di mu embela, khavo: “Iso si nga dugelelago Jesu wa Nazareta, muprofeti nya sigiro ni magana nya tshivba mahoni ga Nungungulu ni mahoni nya vathu vatshavbo.

Luka 4:34

“Ginani hi nga gu ghohela, Jesu wa Nazareta? Wa gu tela guta hi mbembisa, gani? Eni nyi ngu guti gwadi gukheni: Khuwe Gihathwa gya Nungungulu.”

Luka 8:28

Na wonide Jesu, a di dzi thesa migondroni gwaye, na gu gulumela khu tshivba, khuye: “Ginani nyi nga gu ghohela, Jesu, Mwamana wa Nungungulu a Khusegidego ngudzu? Nya gu lomba gukheni u nga nyi tshanisi.”

Luka 8:37

Vathu vatshavbo va tigoni ga Gerazi, va di mu lomba gu a khuge tigoni gwawe, kholu va di tade khu hwanga. Jesu a di bela ngalavani a gu khuga khu vbale.

Johane 6:69

Ethu hi ngu khodwa, gumogo ni gu dziti gukhethu uwe khuwe Gihathwa gya Nungungulu.”

Mithumo 2:27

Kholu khu na nga diga hefemulo wangu kovani nya lufu gambe khu na nga dzumedzisa gihathwa gyago gi wona guhina.

Mithumo 24:5

Hi wonide gukhethu oyu mwama vivbide. Khuye a wusago pfilupfilu ga Vajudha va mayigo yatshavbo. Khuye khongolo nya tsawa nya Vanazarenu.

Mithumo 3:14

Mu dangide muthu nya guage ni muthu nya gululame, mu gu lomba gu tshuledwa gighevenga.

Mithumo 4:27

Khidzo khu lisine, Pontiyo Pilato ni Herodhi, gumogo ni va nya mayigo ni mahundzu yatshavbo ya Israyeli va hengede gumogo dhoropani momu, va gu wugela githumi gyago nya gukatege, Jesu u nga mu todzago mafura nya wufumu,

Jakobe 2:19

Uwe u ngu khodwa ga Nungungulu moyo basi, gani? U ngu gira gwadi; ambari nayo maphuvbo nya guvivbe ma ngu khodwa, ma ndrendremela.

1 Johane 2:20

Aholu, enu mu todzidwe Liphuvbo la wule a Agidego. Khu guralo, mwatshavbo mu ngu siti satshavbo.

Gutuledwa 3:7

Lovela ngilozi ya libandla la Filadhelifiya, khuwe: “Wule a agidego, a gu uye nya lisine, a gu ni pfhungulo ya Dhavhidhe, wule nya gu a gu tula mwalo a segago, a gu sega mwalo a tulago, wari, khuye: