Marko 1:13 - Bhibhiliya Nya Guage

¹³ Iyo a ngaya khalago magumana matshigu vbakari nya sirengo nya likhabi na gu lingwa khu Sathane, dzingilozi dza Nungungulu dzi di mu thumela.

Marko 1:13 Iomraidhean Croise

Ekisodha 24:18

Mosi a di bela vbakari nya lipfhi a gu lita vbatshani nya gigomo. Mosi a di ya khala gigomoni gipimo nya magumana matshigu, wutshigu ni mihani.

Ekisodha 34:28

Mosi a di khala vbafuvbi ni Pfhumu Nungungulu magumana matshigu wutshigu ni mihani, a hala nyamba hodza gilo, nyamba sela mati, a di lovetela vbasiwindritunu magana nya gidzumeledzwano, a gu milayo nya likhumi.

Matewu 26:53

Wa gu pimisa nya gukhuwe nya gu tandrwa khu gu lomba ga Babe wangu gu a nyi rumela nugunugu likhumi na sivili sikwata nya dzingilozi, ni gu vbindrisa, gani?

Matewu 4:1

Khavbo avbo, a di dzegwa khu Liphuvbo, li mu yisa giwulani, gasi aya lingwa khu Sathane.

Luka 4:1

Jesu a di khuga khu Joridhani, na tade khu Liphuvbo nya Guage. Liphuvbo li di mu gimbidzisa a gu hongola giwulani,

Dhewuteronome 9:11

Guvbelani nya magumana matshigu, wutshigu ni mihani, Pfhumu Nungungulu a di nyi ninga sileti sivili nya giwindri, sileti nya gidzumeledzwano.

Dhewuteronome 9:18

Nyi diya dzi thesa gambe mbeli ga Pfhumu Nungungulu, nga gikhati nya guhegule, nyi vbedza magumana matshigu, wutshigu ni mihani, nyamba hodza guhodza, nyamba sela mati, khu kotani nya sighoho sanu mu si giridego mahoni ga Pfhumu Nungungulu, mu gira silo nya gunyenyeze.

Dhewuteronome 9:25

Khu guralo, nyi di khidzima mbeli ga Pfhumu Nungungulu, nyi dzi vega vbavbatshi magumana matshigu, wutshigu ni mihani kholu, Pfhumu Nungungulu a di nyi embede gukhuye a ngu vbweta gu mi mbembisa.

1 Thimoti 3:16

Sihalo nya gukhodwe hi ganelago khuwo, khu lisine, khongolo: “Uye a di dzi gira muthu, a wonwa na lulamide khu Liphuvbo la Nungungulu a wonwa khu dzingilozi dza Nungungulu, a huweledwa ga va nya mayigo, a hakhwa mafuni gwatshavbo, va khodwa gwaye mafuni a dhumiswa khu Nungungulu.”

Vahebheru 4:15

Muphasi wathu nya khongolo nya mhamba a ngu dzi kodza gu hi pwela wusiwana nya sighoho sathu, kholu, uye nuye lingidwe kha nga ethu, aholu, gima kha ghoha.