Malakiya 3:7 - Bhibhiliya Nya Guage

⁷ Gukhugela matshiguni ya vakokwe vanu, mu hambanide ni sileletelo sangu mu si si landrisi; olu wuyani gwangu, eni nyi na wuya gwanu, a ngu ganela Pfhumu Nungungulu nya Tshivba Yatshavbo; aholu enu mu nga gukhenu: “Hi na wuya mawuyelo muni?”

Malakiya 3:7 Iomraidhean Croise

Nehemiya 9:26

Ambari khu guralo, va di bomba, va gu wugela va si gu yingisi, va gu pfhurarela va si landrisi Nayo wago. Va di songa vaprofeti vago, avo va nga bani va va embela gasi va vbindrugedza mavbanyelo va bwelela avbo gwago, va bwelo khavbo va gira gunyenyeza nya gukhongolo.

Isaya 65:2

Litshigu latshavbo nyi khusedzide mandza yangu, gasi gu rana vathu vava nya guyeyise, va gimbilago khu ndzila nya guwegele, va landrisela silo si godwago khu myonyo yawe.

Jeremiya 16:11

U na va hakha kharati, khuwe: Pfhumu Nungungulu a ngu ganela kharati, khuye: Khu kotani ya vababe vanu va nyi digidego va landrela vambe vanungungulu nyamba phasa gilo, va va khozela ni gu va thumela, va noga mbeli gwawe, va hambaniside nayo wangu va nyi pfhurarela.

Jeremiya 16:12

Khu guralo, mu dzi nyenyeziside guvbindra vababe vanu, wonani nya gukhenu muthu ni muthu a gu landrisa iso si godwago khu monyo waye nya guvivbe a si dzumeli gu nyi yingisa.

Jeremiya 3:22

Vbindrugedzani mu wuya eno gwangu enu sanananu nyamba tumbega, eni nyi na mi vbanyisa madwali nya gukanyise gwanu.” Avo va di hakha, khavo: Hi womo avba; kholu uwe khuwe Pfhumu Nungungulu wathu.

Jeremiya 7:25

Gukhugela litshigu va nga dugago khilo vababe vanu khu tigoni ga Egipito, kala muhuno, khu litshigu ni litshigu nyi mi rumede sithumi sangu nya vaprofeti.

Jeremiya 7:26

Aholu kha mwa nga nyi yingisa, ambari gu nyi ninga githawo; mu di bangisa mihungo yanu, mu gira guvivba nya guvbindre ugo ga va vababe vanu.

Ezekiyeli 2:3

Uye a di nyi embela, khuye: “Mwamana wa muthu, nyi ngu gu rumela ga va na Israyeli, vathu nya guyeyise, va nyi wugedego; avo gumogo ni vababe vawe, kala na muhuno va nga gu nyi wugela.

Ezekiyeli 20:13

Aholu va na Israyeli va nyi kanyiside giwulani, va si landrisi sileletelo sangu, va hambana ni milayo yangu, gasi khu gu yi landrisa, va di hadza guvbanyiswa khiyo; gambe, va nyenyeziside dzisabhadho dzangu; khu guralo, nyi va embede gukheni nyi na guhula likhulo langu vbatshani gwawe, gasi nyi va mbembisa giwulani.

Ezekiyeli 20:21

Aholu sanana niso si di nyi wugela, si si landrisi sileletelo sangu, ambari gu sayisa milayo yangu, iyo va nga vbweta gu vbanyiswa khiyo, avo va nyenyeziside dzisabhadho dzangu; khu kotani nya isoso nyi nga ganela kheni nyi na guhula likhulo langu vbatshani gwawe giwulani, nyi wusa khorodza yangu.

Ezekiyeli 20:28

Kholu avbo nyi nga va resago ga litigo nyi va tumbiside gu va ninga, gikhati va nga wona vbale gigomo nya gulaphe, mwendro simbo nya khongolo, va di ya gira avbo miphaso yawe, va di gira miningelo yi nga bani yi wusa likhulo langu, va di gu bikela libani ni miningelo yawe nya mawadwa.

Ezekiyeli 20:8

Aholu avo va di nyi kanyisa, va si dzumeli gu nyi yingisa; mwalo a nga dzumela gu diga sifananiso nya gunyenyeze sa Egipito; khu guralo, eni nyi di va embela kheni nyi na guhula vbatshani gwawe likhulo langu, gasi gu landrisa khorodza yangu gwawe tigoni ga Egipito.

Hoseya 14:1

Uwe Israyeli, wuya ga Pfhumu Nungungulu wago. Kholu u thesidwe khu sighoho sago.

Zakariya 1:3

Khu guralo, uwe va embele, khuwe: Pfhumu Nungungulu nya Tshivba Yatshavbo, a ngu ganela kharati, khuye: Wuyani gwangu, a ngu ganela Pfhumu Nungungulu nya Tshivba Yatshavbo, eni neni nyi na wuya gwanu, a ngu ganela Pfhumu Nungungulu nya Tshivba Yatshavbo.

Malakiya 1:6

Pfhumu Nungungulu a ngu ganela ga vaphasi nya mhamba, khuye: Gyanana gi ngu gola babe waye ni githumi nigyo gi ngu ninga githawo ga mune waye; eni nya gu bani nyiri babe wanu, khu gevbini githawo mu nyi ningago?

Malakiya 3:13

“Enu mu ganede magana nya guthise avbo gwangu,” a ngu ganela Pfhumu Nungungulu; aholu enu mu na ganela, khenu: Gasi ginani hi ganedego nya gu Gu wugele?

Matewu 23:27

Yuyu va nya libangonu, vapfhadzi, vahevbudzi nya Nayo ni Vafarisi, kholu mu ngu fanana ni marowo ma gu ni phembe nya guage, ma mburisedwa gwadi khu vbavbandze, nari gu khu ndrani ma tade khu marambo ni mahine.

Luka 15:16

A di dogorela gu tadza girumbu khu iso si nga bani si gu hodzwa khu dzikhumba, aholu kha nga ningwa khu muthu.

Varoma 10:21

Aholu na gu thula Israyeli, Isaya, a di khuye: “Matshigu yatshavbo Eni nyi thawuludzide libogo langu, ga vathu nyamba khodwa ni gumba yingela.”

Varoma 10:3

Kholu kha va pimi ndzila ya Nungungulu a ningago khiyo vathu gululama mahoni gwaye. Avo va gu dzi garadza khu magirelo yawe, aholu va diga gulandra ndzila yi vegisidwego khu Nungungulu.

Varoma 7:9

Gyomo gikhati eni nyi nga vbanya nyambana Nayo. Aholu gikhati wu nga dugago Nayo, gighoho gi di phela gu vbanya,

Dhewuteronome 31:20

Gikhati nyi na va bedzago ga litigo eli nyi li sambanyedego ga vababe vawe, litigo li gogago mahwe ni wulombe, mu na ya hodza mu khura, gambe mu naya ena. Aholu va na phela guya khozela vambe vanungungulu, va nyenya Eni, va hambanisa gidzumeledzwano gyangu.

Jakobe 4:8

Hidzimelani vbafuvbi ga Nungungulu, uye nuye a na mi hidzimelela. Hambani mandza, enu sighohi! Agisani myonyo yanu, enu vapfhadzi.