Malakiya 3:6 - Bhibhiliya Nya Guage

⁶ Kholu eni Pfhumu Nungungulu, kha nyi vbindrugedzi mawonelo; khiso si nga gira gu enu sanana sa Jakobe mu si mbembiswi.

Malakiya 3:6 Iomraidhean Croise

Genesi 15:18

Litshigu lolo la limwedo, Pfhumu Nungungulu a di gira pwanano ni Abrama, khuye: “Nyi ngu ninga litigo leli sanana sago, gukhugela Egipito kala tsongoni nya wukhongolo wa Ewufrate.

Genesi 15:7

Pfhumu Nungungulu a di mu embela, khuye: “Eni kheni Pfhumu Nungungulu. Kheni nyi nga gu dusa khu dhoropani ga Uri, tigoni gwa Vakalidhiya, nyi fela guta gu ninga litigo leli li khala thomba yago.”

Genesi 22:16

khiyo: “Nyi ngu sambanya khu lina langu furi gu ganela Pfhumu gukheni, olu u giridego kharati, u si feleli gu nyi ninga mwanago, gyanana gyago nya gimwegyo basi,

Dzindzimo 102:26

Satshavbo si na vbindra, aholu uwe u na simama u tiya; satshavbo si na hagala kha nga dzingandzu, u na si tshiphisa kha nga guambala, iso si na mwalalega.

Dzindzimo 102:27

Aholu uwe khuwe kamwe wa moyo, myaga yago yi mwalo mahegiso.

Dzindzimo 102:28

Sanana sa vathu vago, si na vbanya na si tiyide, ni situgulwana sawe si na tiyiswa mbeli gwago.

Dzindzimo 103:17

Aholu, wuhindzi wa Pfhumu Nungungulu, wu ngu simama kala gupindruga ga vale va mu ningago githawo, gululama gwaye gu ngu wonega kala ga situgulwana sawe;

Dzindzimo 78:38

Aholu Nungungulu khu wuhindzi waye, a di va tsetselela sighoho sawe a si va mbembisi, gikhati nya gingi thindrekiside likhulo laye, a si va gorogeli khu giviti.

Dzindzimo 78:57

Kha va tumbega, va di mu wugela, kha nga vababe vawe, va di penga kha nga giholoma, nya gukhwandrwe khu wulaho nya guwegele.

Isaya 41:13

Kholu eni, Pfhumu Nungungulu wago, nyi ngu gu phara khu libogo lago la nyamudye, nyi gu embela, kheni: U nga thavi, eni nyi ngu gu phasa.

Isaya 44:6

Pfhumu Nungungulu, Mufumeli wa va na Israyeli, ni Mudzegisi wawe, Nungungulu nya Tshivba Yatshavbo, a ngu ganela kharati, khuye: “Eni kheni nya guphele ni guhegisa, vbavbandze ga Eni, mwalo mumbe Nungungulu.

Isaya 46:4

Kala gugumbani gwanu, Eni nyi na simama nyiri eni kamwe, kala mu buga dzinvi eni nyi na simama nyi mi sayisa. Nyi si giride, gambe nyi nga na gu simama gu si gira; nyi na mi wugarela nyi mi vbanyisa.

Jeremiya 32:27

“Wona nya gukhuwe Eni Pfhumu Nungungulu nya vathu vatshavbo; ina gyomo gilo nyi tandrwago khigyo gu gira, gani?”

Dhaniyeli 6:26

Nyi ngu lova khwepa yoyu gasi nyi rumela malangani gwatshavbo nya mufumo wangu, gu vathu va na ndrendremele va thava Nungungulu wa Dhaniyeli. Kholu uye Nungungulu a vbanyago a ngu simama kala gupindruga; mufumo waye wu mwalo mahegiso, gufuma gwaye gwa gu simama kala gupindruga.

Hoseya 11:9

Kha nyi na dusa guthisa nya likhulo langu, kha nyi na engedza gambe gu sasela Efrayimi, kholu eni nyi Nungungulu, kha nyiri muthu, nyi Agide vbakari gwago; kha nyi dzi digi nyi fumedwa khu likhulo.

Habhakuka 1:12

Uwe Pfhumu Nungungulu wangu, Gihathwa gyangu, gasi khu khugeli guhegulani kala gupindruga, gani? Ethu gima kha hi na ngafa. Uwe Pfhumu Nungungulu, u va vegede gulamudwa, uwe u gu Giwindri gyathu u va emisede gutsayiswa.

Mitengo 23:19

Nungungulu kha liphi kha nga muthu; gambe kha vbindrugedzi mawonelo, kha nga gyanana nya muthu. Gasi khandri Uye a ganedego bwelo khavbo a si gira, gani? A tumbisa, a tadzisa gitumbiso gyaye, gani?

Varoma 5:10

Uye Nungungulu, na hi ngari valala vaye a hi wonego na hi lulamide khu kotani nya gufe ga Kristo, hi ngu khodwa gukhethu, ngudzungudzu olu, hi tshanganisidwego naye, hi na vbanyiswa khu womi wa Mwanaye.

Vafilipi 1:6

Nyi ngu tumba gukheni uye Nungungulu a phedego gwanu thumo waye nya wadi, a na wu londrowodza kala li gu vboha litshigu la Kristo Jesu.

Vahebheru 13:8

Jesu Kristo khuye wa moyo, wa vbanova, wa muhuno, ni wa gikhati gyatshavbo.

Vahebheru 6:18

Khu kharato, silo sivili si si kodzigo gu vbindrugedza: Gitumbiso ni gisambanyo. Ga esi silo, Nungungulu kha dzi kodzi gu hi senga. Kharato, ethu hi tumbago uye hi ngu dzipwa na hi gu tiyisedwa khu gutumba hi ningidwego.

Jakobe 1:17

Satshavbo nya sadi hi hakhidego ni giningwa nya gululame sa guta khu ndzadzini. Satshavbo sa guta khu ga Babe, Muvangi nya satshavbo si wenengedzago ndzadzini. Uye kha vbindrugedzi, gambe gi mwalo gwaye gi yeyedzago gu vbindrugedza.

Gutuledwa 1:8

Pfhumu Nungungulu wari, khuye: “Kheni Alfa ni Omega! Wule a gu Uye, a nga bani ari Uye, wule a na tago; a gu uye Nungungulu nya Tshivba Yatshavbo.”

Gutuledwa 22:13

Eni kheni Alfa ni Omega! Oyu nya Guhegule ni uye nya Guhegise. Guphela ni Guhegisa.

1 Samuweli 15:29

Wudhumo wa Israyeli wu mwalo malipha ambari gu vbindrugedza, kholu khandri muthu nya gukhuwe a na dzi laya.”