Malakiya 3:5 - Bhibhiliya Nya Guage

⁵ Nyi nata wonega vbakari gwanu gasi guta lamula, nyi na khala fakazi yile nya guwone gwadi ni gu wugela valoyi, sibhayi, ni vale va sambanyago malipha; nyi tsayisa ni vale va kanganyisago sithumi, va tshanisa dzinoni, sigulungu, ni valuveli, vale va si nyi ningigo githawo, a ngu ganela Pfhumu Nungungulu nya Tshivba Yatshavbo.

Malakiya 3:5 Iomraidhean Croise

Genesi 20:11

Abrahama a di hakha, khuye: “Eni nyi di pimisa khu monyoni gwangu kheni, khu lisine tigoni momu gu mwalo githawo ga Nungungulu, va na nyi songa khu gufela mwangadzi wangu.

Genesi 42:18

Khu litshigu nya wuraru Josefa a di va embela, khuye: “Girani esi mu na vbanya, kholu eni nyi ngu thava Nungungulu;

Nehemiya 5:15

Aholu vafumeli va fumidego khu hwane gwangu, va di gurumedza vathu khu gu va hengisa gikhaba, va va dzegela guhodza ni wadwa, ambari gambe va nga bani va va hengisa magumana mipimo nya parata, ni sithumi sawe, si di va tshanisa niso. Aholu eni kha nya thuma isoso, kholu nyi gu ni githawo ni Nungungulu.

Joba 31:12

Sighoho sesi sa gu fanana ni nilo wu vbisago, kala wu mbembisa, gu dagarela ni thomba yangu yatshavbo.

Joba 7:2

Kha nga khumbi yi vbiswago khu lihani yi vbweta mutsa, ni githumi gi khedziselago litshigu nya guhakhiswe gwaye.

Dzindzimo 36:1

Muthu nya guvivbe a gu fumbela magana nya gighoho monyoni gwaye; mahoni gwaye mwalo githawo ni Nungungulu.

Dzindzimo 81:8

Vathu vangu, yingisani milayo yangu, nyi di hadza gu tsaka nari gupwani wa gu nyi yingisa uwe Israyeli.

Dzindzimo 96:13

mbeli ga Pfhumu Nungungulu atago, kholu a nguta, ata lamula litigo; a na lamula litigo ni vathu khu gululama, gukhedza khu gutumbega gwaye.

Dzindzimo 98:9

mbeli ga Pfhumu Nungungulu, kholu uye a nguta ata lamula litigo, a na lamula litigo khu nayo, ni mahundzu khu gululama gwaye

Ekisodha 1:17

Aholu vasingalagadzi va di gu thava Nungungulu, kha va nga gira esi va nga rumwago khu mufumeli wa Egipito, va di diga sanana nya sikhwathana si vbanya.

Ekisodha 18:21

Uwe hatha vbakari nya vathu vatshavbo, vama nya gukari nya vadi ni lisine, va thavago Nungungulu, vama va tumbegidego, va si dzumeligo gurengeledwa, u va vega kha nga vathangeli nya likhumi mazana, nya lizana, nya livbandre magumi ni nya likhumi.

Ekisodha 20:7

U nga hagani khu lina la Pfhumu Nungungulu wago, kholu Pfhumu Nungungulu kha na nga diga gu tsayisa oyu a haganago khu lina Laye umo nyamba vbwetega.

Ekisodha 22:20

Oyu a phaselago vambe vanungungulu vbavbandze ga Pfhumu Nungungulu basi, a na fuviswe.

Mavingu 16:6

Muthu a gu ni wuhindzi ni gutumbega, a na handzwa sighoho saye, avo va ningago githawo Pfhumu Nungungulu, va na duga ndzilani nya guvivbe.

Mavingu 8:13

Uye a thavago Pfhumu Nungungulu, a gu nyenya silo nya guvivbe; nyi ngu nyenyana ni matshandza, gu dzi khusedza, dzindzila nya guwegele, ni magana nya gunyenyeze.

Isaya 57:3

Aholu hidzimelani avba, enu sanana nya valoyi, enu livelego nya sibhayi ni maphuphulu.

Jeremiya 23:10

Kholu litigo li tade khu wubhayi, gambe la gu lila khu kotani nya sighoho, wuhaviseloni gu bangide nyambana mwasi, sirengo kha si nga gu hodza gilo; vathu va gu tutumela gu gira silo nya guvivbe, va dzi gira dzindrena khu sighoho.

Jeremiya 27:10

Kholu va gu mi embela malipha, gasi mu vbagedwa mu yiswa hwindzo ni litigo lanu, gasi Eni nyi na mi phalalegisa tigoni gwanu mu mbembisedwa muphelo.

Jeremiya 27:9

Khu guralo, mu nga yingiseni vaprofeti vanu, valoli vanu nya dzisolo, valori vanu nya dzindroro, dzinyanga dzanu gumogo ni va nya gufemba ni va nya wuloyi vanu, va gu ganela gwanu, khavo: Mu nga thumelini mufumeli wa Bhabhiloni.

Jeremiya 29:23

kholu va nga girago silo nya gulolele ga va na Israyeli, va bhaya ni vagadzi va vaakelane vawe ni gu dzi gira vaprofeti vangu, va ganela khu lina langu nari malipha, na nya sa va ruma gilo; satshavbo soso nyi ngu siti, gambe kheni fakazi yakone.” A ngu ganela Pfhumu Nungungulu.

Jeremiya 42:5

Avo va di hakha Jeremiya, khavo: “Pfhumu Nungungulu, a na khale fakazi nya lisine ni gu tumbega mbeli gwathu, ha gumba landrisa esi Pfhumu Nungungulu wago, a na gu rumelago gu hi tivisa!

Jeremiya 5:2

Ambari sawe va gu ganela, khavo: “Hi ngu sambanya khu lina la Pfhumu Nungungulu a vbanyago.” Va gu sambanya malipha.

Jeremiya 5:29

Ina kha nyi yeli gu tsayisa silo sesi, gani? A ngu ganela Pfhumu Nungungulu; ina kha nyi yeli gu dzi phodzela ga vathu nya nga ava, gani?

Levhi 19:13

U nga bi mwendro gudzega gilo gya muthu kwanu. U nga hweli gulivba githumi gyago u khala ni hakhelo yaye kala limbe litshigu.

Levhi 20:10

Mwama a gu bhaya ni mwangadzi wa mwama kwawe, mwama ni nyamayi vale va nga bhayana, khu wuvili wawe va na songwe.

Levhi 20:27

Mwama mwendro nyamayi a na dzi ningedzelago guphasela dzinguluve, ni gulola dzisolo mwendro wutumbe; va na pfarwa khu siwindri. Novba wawe wu na thegela vbatshani gwawe.”

Levhi 20:6

Muthu ayago ga vanyasikwembu, ni va nya gulola dzisolo, a dzi ningedzela gukhodwa ga silo soso, Eni nyi na mu wugela nyi mu fuvisa vbakari ga va na gyawe.

Mikeya 1:2

Upwani enu mayigo yatshavbo, tulani dzindzeve mu yingise, uwe litigo ni satshavbo si guromo umo, Mune Pfhumu Nungungulu, a na khale fakazi vbakari gwanu, Uye Pfhumu gukhugela khu nyumbani gwaye nya gukatege.

Habhakuka 1:12

Uwe Pfhumu Nungungulu wangu, Gihathwa gyangu, gasi khu khugeli guhegulani kala gupindruga, gani? Ethu gima kha hi na ngafa. Uwe Pfhumu Nungungulu, u va vegede gulamudwa, uwe u gu Giwindri gyathu u va emisede gutsayiswa.

Zakariya 11:12

Eni nyi di va embela, kheni: “Mwa gu wona gukhenu yomo fanelo, nyi livbeni tengo nya thumo wangu, aholu mwa gu wona na yiri mwalo fanelo, basi, digani.” Avo va di pima tengo nya thumo wangu, va nyi livba magumararu (30) singerengere nya parata.

Malakiya 1:6

Pfhumu Nungungulu a ngu ganela ga vaphasi nya mhamba, khuye: Gyanana gi ngu gola babe waye ni githumi nigyo gi ngu ninga githawo ga mune waye; eni nya gu bani nyiri babe wanu, khu gevbini githawo mu nyi ningago?

Malakiya 2:14

Gambe mu nga gu wudzisana, khenu: “Khu ginani?” Kholu Pfhumu khade fakazi vbakari gwago ni mwangadzi nya wudzaha wago, oyu uwe u ngamba tumbega gwaye, ambari a nga bani ari uye mubangaladzi wago ni nyamayi u hungidego naye gidzumeledzwano nya dzegano.

Malakiya 2:17

Enu mu reride Pfhumu Nungungulu khu magana yanu; gambe mu nga guganela, khenu: “Hi mu reride khu ginani?” Kholu mu ganelago, khenu: Muthu watshavbo a ghohago a ngu golega mahoni ga Pfhumu Nungungulu, ni gukhenu, a ngu nengedziswa khu vathu vovo; mwendro avbo mu wudzisago, khenu: “Womo hayi Nungungulu nya gulamule?”

Luka 23:40

Aholu gimbe, na gi khuside lito, gi di mu kawuka, khigyo: “Ina uwe khu thavi Nungungulu. Olu u nga lamuledwa gu songwa naye, gani?

Varoma 3:8

Khu ginani hi si ganeligo khethu: “Hongoleni hi gira guvivba gasi guta nya sadi.” Kha nga va hi singedzago khavo khiso hi hevbudzago. Vathu vovo va na tsayiswa khu edzi gu vbwetegago khidzo.

Dhewuteronome 15:13

Gikhati u na mu tshulago, u nga mu digi a hongola nyambana gilo mandzani gwaye.

Dhewuteronome 18:10

A nga manegi vbakari gwanu ni moyo nya gugire phaso khu guvbisa mwamana waye mwendro nyamahegyane waye niloni, gambe a nga manegi oyu nya guthumise wunyanga, ni gulola dzisolo, va nya gufemba ni wuloyi;

Dhewuteronome 24:17

U nga hambanisi dzifanelo dza muluveli ni khulungu; gambe u nga hakhi guambala ga noni kha nga gilo nya guphariswe khu mangava.

Dhewuteronome 27:19

Libango ga wule a hambanisago fanelo ya muluveli, ya khulungu ni ya malile. Vathu vatshavbo va na hakha, khavo: “Amen!”

Dhewuteronome 5:11

U nga hagani khu lina la Pfhumu Nungungulu wago, umo nyamba vbwetega, kholu Pfhumu kha na nga diga gu tsayisa wule a haganago khu lina laye.

1 Vatesalonika 4:6

Ga silo sesi, kha gu vbwetegi na moyo a girela guvivba ndriyaye gukhodwani, ambari gu mu supha. Nga olu hi mi embedego ni gu mi tivisani, Pfhumu a ngu tsayisa satshavbo sighoho isoso.

Vahebheru 13:4

Lipango li na ningwe githawo khu vathu vatshavbo. Vama ni vagadzi vawe va na tumbane khu gyawe. Nungungulu a na lamula va nya gugira wuphuphulu ni vale va girago wubhayi.

Jakobe 5:12

Aholu, ga satshavbo, enu vandriyangu, mu nga sambanyi khu ndzadzini, ambari khu mafu, ambari khu gimbe gilo. Ganelani basi, khenu: “Ina,” a gu bani ari ina; khenu “Ahihi,” a gu bani ari ahihi, gasi mu si ningwi nandru.

Jakobe 5:4

Kha mu hakhisi vathu va thumago marembweni gwanu. Upwani gudilela gwawe, dzihuwa dza vale va nga thuma guvbwera, dzi vbohide kala dzindzeveni ga Pfhumu Nungungulu, nya Tshivba Yatshavbo.

Gutuledwa 21:8

Gasi va nya wugara, ni mahedheni, ni sighohi, ni sighevenga, ni sibhayi, ni dzindroyi, ni va nya malipha, va nya wunyanga, vatshavbo va dongisedwe wulanga wawe tsivani nya nilo ni solufa, a gu gufa nya wuvili.”

Gutuledwa 22:15

Va na tshala vbavbandze dzimbwa, dzindroyi, va nya wubhayi, va nya gu khozela sikwembu ni vanungungulu nya malipha, sighevenga ni vatshavbo vale va golago ni gu thuma mithumo ya malipha.