Biblia Todo Logo
Bìoball air-loidhne

- Sanasan -




Malakiya 2:8 - Bhibhiliya Nya Guage

8 Aholu enu mu di ndreya ndzilani, mu tshunganisa va nya gutala khu sihevbudzo sanu; mu tshungunula gidzumeledzwano nyi giridego ni Levhi, a ngu ganela Pfhumu Nungungulu nya Tshivba Yatshavbo.

Faic an caibideil Dèan lethbhreac




Malakiya 2:8
34 Iomraidhean Croise  

Muphasi nya mhamba Uriya, a di vbaha giluvelo a gira satshavbo kha nga idzo a nga leletedwago khidzo khu mufumeli Akazi nari Dhamasiko; muphasi nya mhamba Uriya, a di gira kharalo, mufumeli Akazi na si gu wuyi khu Dhamasiko.


Pfhumu Nungungulu wangu, U nga va divaleli, kholu va nyenyeziside thumo wa vaphasi nya mhamba, gumogo ni gidzumeledzwano nya wuphasi wa na Levhi.


Kha nyi hambani ni sileletelo sago, kholu uwe u ngu nyi hevbudza.


Kholu nyi landriside dzindzila dza Pfhumu Nungungulu, gima kha nya wugela Nungungulu wangu.


Muthu a gu zundzwa khu kotani nya guti gwaye, aholu muthu nya guvivbedwe khu monyo, va na hembuludwa.


Ndreyani ndzilani momo, hambanani ni gindzilana gyogyo, mu nga hi embelini gambe khu oyu a Agidego wa Israyeli.


Hi ndragide milayo ya Pfhumu Nungungulu ni gu ganela malipha, hi dzi duside ga Nungungulu wathu, hi thumisa gigaha ni wuwugeli, hi ganela malipha ma tadego myonyoni gwathu.


Kholu vathangeli nya vathu vava va kanganyisi, ni avo va thangedwago khavo, va na mbembiswa.


Uwe Pfhumu Nungungulu u gitumbo gya Israyeli! Vatshavbo va gu digago va na thedwa dzitshoni; malina ya avo va hambanago ni uwe ma na lowa phalani nya vafi; kholu va hambanide ni Pfhumu Nungungulu, a gu nambo nya mati nya womi.


Pfhumu Nungungulu a ngu ganela kharati, khuye: A na vadwe muthu wule a tumbago muthu kwawe, a dzi seketela avbo nya givangwa nya nyama ni novba, monyo waye na wuri hwindzo ni Pfhumu Nungungulu!


Kholu vathu vangu va nyi divade, vaya vbisela libani vanungungulu nya sifananiso; si va tshunganisa ndzilani gwawe va thega va diga ndzila yawe ya gale, gasi va ndreya va gimbila khu dzindzila dza khabini nyamba lulama;


Vaphasi nya mhamba kha va wudzisa gilo, khavo: Womo hayi Pfhumu Nungungulu? Vahevbudzi nya nayo kha va khathala khu eni, vathangeli va di nyi wugela, vaprofeti va di profeta khu lina la Bhahali, va landrisela vanungungulu nyamba phasa gilo.


Vaphasi vaye nya mhamba va gu hambanisa nayo wangu, ni gunyenyezisa sombo sangu nya guage; kha va kodzi gu hambanisa igyo nya guage nigyo nya gunyenyeze, ambari gu hambanisa igyo nya gulolele nigyo nya guage, kha va khathali khu litshigu langu nya Sabhadho; khu guralo, nyi ngu nyenyeziswa vbakari gwawe.


Khu guralo, va na Levhi va nga dzi pambulago ni Eni va hongola hwindzo, gikhati Israyeli a nga dzi ndreyisago a legalega aya hwindzo ni Eni, va landrisela sifananiso sawe, va di rwala vabune guvivba gwawe.


Kholu va thumide na vari ni sifananiso sawe, va wuya va thumela va na Israyeli, va va tshunganisa va thega guvivbani; khu kotani nya isoso, Pfhumu Nungungulu a ngu ganela kharati, khuye: Nyi di sambanya na nyi khusedzide mandza gukheni, avo va na rwala nandru nya wuvivbi wawe.


Gu diga nya yimbe mithumo yago nya wuyeyisi, u reside va nya mayigo nyamba hana wugwera, va si khathaligo khu Eni, va ta bela wulangani gwangu nya miphaso, gasi va nyenyezisa nyumbani gwangu, gikhati mu ningelago guhodza, mafura ni novba; khu kharato enu mu di fanyani gidzumeledzwano gyangu khu guvivba gwanu gwatshavbo.


Vathu vangu va pfhungumudwe, khu gumbana mapimo. Kholu uwe u bombide guti, eni neni kha nyi gu vbweti, u khala muphasi nya mhamba mbeli gwangu, kholu u hambanide ni nayo wa Nungungulu wago, eni neni nyi na divala khu sanana sago.


A gumba gira kharato, a na nyenyezisa melego waye vbakari ga valongo vaye. Eni kheni Pfhumu Nungungulu nyi mu hathidego.”


Vaprofeti vawe kha va phasi gilo, va mwalo githawo, vathu nya wundzundzwane; vaphasi vawe nya mhamba, va nyenyeziside wulanga nya miphaso, va wegedza nayo.


Pfhumu Nungungulu a ngu ganela ga vaphasi nya mhamba, khuye: Gyanana gi ngu gola babe waye ni githumi nigyo gi ngu ninga githawo ga mune waye; eni nya gu bani nyiri babe wanu, khu gevbini githawo mu nyi ningago?


Gidzumeledzwano gyangu naye, a diri gya womi ni gurula, nyi di mu ninga gasi a nyi ninga githawo. Uye a di nyi ninga githawo a bwelo khavbo a ndrendremela khu kotani nya lina langu.


Khu guralo, u na mu embela, khuwe: Nyi ngu gira naye gidzumeledzwano nya gurule.


Gi na khala avbo gwaye; ni ga situgulwana saye, gidzumeledzwano nya wuphasi nya mhamba kala gupindruga, kholu simamide gu yeyedza githawo ga Nungungulu waye, a girela gutsetseledwa nya sighoho sa na Israyeli.”


Gwadi gumba hodza nyama, ni gumba sela wadwa, ni gumba gira gilo wa gu dziti gukhuwe gi na tshunganedzisa ndriyago a thega gighohoni.


Vandriyangu, dzi woneleni gasi a si manegi ni moyo vbakari gwanu, nya monyo nya guvivbe ni gumba khodwa a ndreya a diga Nungungulu a vbanyago.


A diri gighoho nya gikhongolo gya madzaha yaya mahoni ga Pfhumu Nungungulu, kholu avo va di si ningi githawo miningelo yi giredwago Pfhumu Nungungulu.


Mu nga girini kharati, vanavangu; sitiviso si vbohago avbo gwangu na si gu ganela khu enu, khandri sadi. Mwa gu dzuwungela vathu va Pfhumu Nungungulu.


Khu kotani nya isoso, upwani esi a ganelago Pfhumu Nungungulu wa Israyeli, wari, khuye: Eni nyi di ganede ga ndranga ya babe wago ni ndranga yago, gukheni va na nyi thumela kha nga vaphasi nya mhamba kala gupindruga. Olu Pfhumu Nungungulu a ngu ganela, khuye: Kha si na simama. Kholu avo va nyi zundzago, nyi na va zundza neni, aholu avo va nyi kanyisago va na thedwa dzitshoni.


Lean sinn:

Sanasan


Sanasan