Malakiya 2:7 - Bhibhiliya Nya Guage

⁷ Kholu likana la muphasi nya mhamba, li fanede gu sayisa guti, gambe vathu va lirede gupwa nayo khu kanani gwaye, kholu uye ngilozi ya Pfhumu Nungungulu nya Tshivba Yatshavbo.

Malakiya 2:7 Iomraidhean Croise

2 Dzipfhumu 16:11

Muphasi nya mhamba Uriya, a di vbaha giluvelo a gira satshavbo kha nga idzo a nga leletedwago khidzo khu mufumeli Akazi nari Dhamasiko; muphasi nya mhamba Uriya, a di gira kharalo, mufumeli Akazi na si gu wuyi khu Dhamasiko.

2 Dzipfhumu 16:16

Muphasi nya mhamba Uriya a di gira satshavbo kha nga idzo a nga leletedwago khidzo khu mufumeli Akazi.

2 Dzikoronika 30:22

Ezekhiya a di ganela magana nya gutiyisela ga vatshavbo va na Levhi va nga bani na vari ni wugengeli nya gimbidzise gwadi thumo wa Pfhumu Nungungulu; va di hodza miningelo nya buzo ndrani nya livbandre na mavili matshigu, na va gu ningela miphaso nya gurule, va rungudza Pfhumu Nungungulu wa vababe vawe.

2 Dzikoronika 31:4

A di leletela vathu va vbanyago Jerusalema, gasi va ningela fanelo ya vaphasi nya mhamba ni ya va na Levhi; gasi va kodza gu dzi agisa va landrisa Nayo wa Pfhumu Nungungulu.

Ezira 7:10

Kholu Ezira a di dongisede monyo waye a dzi ningela gu vbweta Nayo wa Pfhumu Nungungulu, a wu landrisa, ni gu hevbudza tigoni ga Israyeli, sileletelo ni lisine laye.

Ezira 7:25

Uwe Ezira, khu wugengeli wa Nungungulu wago u gu nawo, emisa vakhedziseli ni valamuli va kodza gu lamula vathu vatshavbo va guromo khisikheyi nya tsongo, u emisa vathu va mitigo milayo ya Nungungulu wago; avo va si mitigo mu va hevbudza.

Mavingu 5:2

Khu kharato, u na kodza gu mana mano nya yadi, khu kanani gwago, gu na duga mapimo nya yadi.

Muhevbudzi 5:5

I tshukwana gumba dzi girela gifungo, guvbindra gu gira gifungo u si gi landrisi.

Isaya 42:19

Khu mani a gu gikhumu kha nga githumi gyangu, mwendro givbwiri, kha nga girumwa gyangu nyi gi rumelago? Khu mani a gu gikhumu kha nga wule a phasedwego gwangu, mwendro givbwiri kha nga githumi gya Pfhumu Nungungulu?

Isaya 44:26

Aholu nyi ngu tiyisa magana ya githumi gyangu, nyi landrisa makungo ya sirumwa sangu, kheni nyi ganelago ga lidhoropa la Jerusalema, kheni: “Vathu va na bwelela va ta khala umo, nyi embela madhoropa ya Judha, kheni: Ma na vbahedzwa;” nyi na wusedza marumbi yawe.

Jeremiya 15:19

Khu guralo, Pfhumu Nungungulu a ngu ganela kharati, khuye: “Wa gu dzi laya, u wuya eno gwangu, nyi na gu hakha u ta khala mbeli gwangu; wa gu ganela silo nya lisima u hambana niso nya guvivbe, uwe u na khala kha nga likana langu, vathu va na wuya iyo gwago, khandri uwe u na gu bwelelago iyo gwawe.

Jeremiya 18:18

Vathu va di ganela, khavo: “Hongoleni hi hunga gikungo nya guwugele Jeremiya; kholu kha gi na fuva gihevbudzo nya nayo wa muphasi nya mhamba, ni wusingalagadzi wa mugengeli, ambari magana ya muprofeti; hongoleni hiya mu paya khu malito yathu, hi nga khathali khu magana yaye.”

Jeremiya 2:8

Vaphasi nya mhamba kha va wudzisa gilo, khavo: Womo hayi Pfhumu Nungungulu? Vahevbudzi nya nayo kha va khathala khu eni, vathangeli va di nyi wugela, vaprofeti va di profeta khu lina la Bhahali, va landrisela vanungungulu nyamba phasa gilo.

Ezekiyeli 22:26

Vaphasi vaye nya mhamba va gu hambanisa nayo wangu, ni gunyenyezisa sombo sangu nya guage; kha va kodzi gu hambanisa igyo nya guage nigyo nya gunyenyeze, ambari gu hambanisa igyo nya gulolele nigyo nya guage, kha va khathali khu litshigu langu nya Sabhadho; khu guralo, nyi ngu nyenyeziswa vbakari gwawe.

Ezekiyeli 7:26

Yi nata tshanisa vbatshani nya tshanisa, guta hwanga vbatshani nya hwanga, va vbweta giwoniso khu ga muprofeti ni gihevbudzo nya Nayo khu ga muphasi nya mhamba, va na gi hamuga, ni madhota ma na hamuga wusingalagadzi.

Dhaniyeli 11:33

Vbakari gwawe, vale vatigo, va na hevbudza nya vangi, aholu khu gikhati nya gukari, va na sasedwa khu matshari ni nilo, va yiswa wugumbitunu, ni gu wandredwa silo sawe.

Hoseya 4:6

Vathu vangu va pfhungumudwe, khu gumbana mapimo. Kholu uwe u bombide guti, eni neni kha nyi gu vbweti, u khala muphasi nya mhamba mbeli gwangu, kholu u hambanide ni nayo wa Nungungulu wago, eni neni nyi na divala khu sanana sago.

Levhi 10:11

gu vbwetega mu hevbudza sanana satshavbo sa Israyeli milayo yile Pfhumu Nungungulu a va ningidego khu mandzani ga Mosi.”

Sofoniya 3:4

Vaprofeti vawe kha va phasi gilo, va mwalo githawo, vathu nya wundzundzwane; vaphasi vawe nya mhamba, va nyenyeziside wulanga nya miphaso, va wegedza nayo.

Agewu 1:13

Khavbo avbo, Agewu, girumwa gya Pfhumu Nungungulu, a di ganela ga vathu gukhedza khidzo a nga rumedwago khidzo khu Pfhumu Nungungulu, khuye: “Eni nyi womo vbakari gwanu, a ngu ganela Pfhumu Nungungulu.”

Zakariya 7:3

ni guya wudzisa ga vaphasi nya mhamba va nga bani va romo Nyumbani ga Pfhumu Nungungulu nya Tshivba Yatshavbo ni ga vaprofeti, khavo: “Ina hi ngu yela gu lila ni gu hala khu ngima nya livbandre, kha nga idzo hi tago na hi gu gira myaga yatshavbo, gani?”

Malakiya 3:1

Pfhumu Nungungulu nya Tshivba Yatshavbo a ngu ganela, khuye: “Wonani nyi ngu rumela ngilozi yangu gasi guta dongisela ndzila mbeli gwangu; Pfhumu mu mu dilelago a na bela khu guvbiredza nyumbani gwaye, ni ngilozi nya gidzumeledzwano hi yi virelago gu reswa, yi ngu vboha.”

Mitengo 27:21

Uye a na ya ema mbeli ga muphasi nya mhamba, Eleyazari; muphasi nya mhamba a na wudzisa khu uye ga Pfhumu Nungungulu khu gulola solo nya guage, khu guleleta nya Urimi; khuye a na ningago lito nya gu va duga, khuye gambe a na ningago lito gukhuye va bele, uye gumogo ni va na Israyeli ni tshangano watshavbo.”

Johane 13:20

Khu lisine, nyi ngu mi embelani, kheni: Oyu a hakhago wule nyi na mu rumelago, kheni a nyi hakhago; uye a nyi hakhago, a ngu hakha wule a nyi rumedego.”

Johane 20:21

A di va embela nyaluphye, khuye: “Gurula gu na khale ni enu. Kha nga idzo a nga nyi rumelago khidzo Babe, eni neni nyi ngu mi rumani.”

Mithumo 16:17

A di phela gulandrisela Pawulo ni ethu, na gu huwelela, khuye: “Vathu vava sithumi sa Nungungulu a guromo vbatshani ngudzu, va gu mi tivisa ndzila nya guvbanyise.”

2 Vakorinto 5:20

Khu guralo, ethu hi sirumwa sa Kristo, Nungungulu khuye a ganelago gwanu khu eni. Hi ngu mi khongotelani khu lina la Kristo: Tshanganani ni Nungungulu.

Vagalatiya 4:14

Nyi diri gilemedzo nya gikhongolo gwanu khu kotani nya madwali yangu. Ambari ulo enu gima kha mwa nyi kanyisa mwendro gu nyi nyenya. Aholu mu di nyi hakha kha nga ngilozi ya Nungungulu, ni gukhwatshi khu Jesu Kristo wurumba waye.

Dhewuteronome 21:5

Khu hwane, vaphasi vatshavbo nya mhamba, a gu va na Levhi, va na duga vaya wulanga wowo, kholu khavo va hathidwego khu Pfhumu Nungungulu wago, gasi va mu thumela ni gu kategisa vathu khu lina la Pfhumu Nungungulu, gambe magana yawe khayo ma gu na ni fanelo nya gulamule mevbini ni mevbini mahungu nya gu vbenyisane ni gubayisana.

Dhewuteronome 24:8

Dzi wonele ga tungu nya sokono, dzi garadze khu gu landrisa satshavbo u na hevbudzwago khu vaphasi nya mhamba va na Levhi; kha nga idzo nyi va leletedego khidzo, zama gu si gira.

1 Vatesalonika 4:8

Khu guralo, oyu a si yingeligo milayo yeyi, khandri a gu yeyisa muthu, aholu, a gu yeyisa Nungungulu, a mu ningago Liphuvbo nya Guage.

1 Samuweli 2:17

A diri gighoho nya gikhongolo gya madzaha yaya mahoni ga Pfhumu Nungungulu, kholu avo va di si ningi githawo miningelo yi giredwago Pfhumu Nungungulu.