Malakiya 2:6 - Bhibhiliya Nya Guage

⁶ Khanani gwaye gu diromo nayo nya lisine, khu kanani gwaye, gima kha ga nga duga silo nya guvivbe; nyi di gimbila naye khu gurula ni gululama a di ndreyisa nya vangi ndzilani nya guwegele.

Malakiya 2:6 Iomraidhean Croise

Genesi 17:1

Abrama a diri ni livbandre na mama magumi ni livbandre na mina (99) myaga nya guvelegwe gwaye, Pfhumu Nungungulu a di dzi wonegisa gwaye a gu mu embela, khuye: “Eni kheni Nungungulu nya Tshivba Yatshavbo. Gimbila mbeli gwangu nu lulamide.

Genesi 6:9

Aya khu matimo ya Nowa. Matshiguni gwaye, Nowa a diri uye basi muthu nya lisine nya gululame mafuni, a di gu landrisa gugola ga Nungungulu gikhati gyatshavbo.

Dzindzimo 119:142

Gululama gwago gu vbelede kala gupindruga, ni nayo wago wu tiyide lisineni.

Dzindzimo 119:151

Uwe Pfhumu Nungungulu, u womo vbafuvbi ngudzu, milayo yago yatshavbo yi tiyide.

Dzindzimo 37:30

Khu kanani ga muthu nya gululame ga gu duga magana nya guti, ni lidimi laye la gu ganela iso si lulamidego.

Dzindzimo 37:37

Khedzisa muthu a vbeledego u wona muthu nya gululame; kholu muthu nya gurule a na mana vatugulu.

Mavingu 5:2

Khu kharato, u na kodza gu mana mano nya yadi, khu kanani gwago, gu na duga mapimo nya yadi.

Jeremiya 23:22

Aholu nari pwani va di landrisa gugola gwangu, na va tiviside vathu magana yangu, gasi va vbindrugedze mavbanyelo yawe nya guvivbe va wuya ndzilani nya gululame.

Dhaniyeli 12:3

Va nya gugengela, va na ngangamela gu fanana ni damboni, ni avo va ndrindrelago nya vangi guya gululamani, va na fanana ni dzinyeledzi kala gupindruga.

Hoseya 4:6

Vathu vangu va pfhungumudwe, khu gumbana mapimo. Kholu uwe u bombide guti, eni neni kha nyi gu vbweti, u khala muphasi nya mhamba mbeli gwangu, kholu u hambanide ni nayo wa Nungungulu wago, eni neni nyi na divala khu sanana sago.

Matewu 22:16

Va di rumela vapizane vawe, gumogo ni va na Herodhi, gasi guya mu wudzisa, khavo: “Muhevbudzi, hi ngu dziti nya gukhethu u muthu nya lisine, ni gukhethu u ngu hevbudza ndzila ya Nungungulu kha nga idzo li lombago khidzo lisine; khu thavi muthu, kholu khu khedzi giemo nya muthu.

Marko 12:14

Na va vbohide, va di khavo: “Muhevbudzi, hi ngu dziti nya gukhethu u muthu nya lisine, khu thavi muthu kholu khu khedzi giemo nya muthu, aholu wa gu hevbudza ndzila ya Nungungulu, kha nga idzo li lombago khidzo lisine. Hi na ni fanelo nya gulivbe khupho ga Sezari mwendro hi mwalo? Hi livba, mwendro hi nga livbi?”

Luka 1:6

Vatshavbo va vavili va di lulamide mahoni ga Nungungulu; va di gu landrisa milayo ni siguruvedzo sa Pfhumu khu ndruda yatshavbo, guvbanyani gwawe, gima kha va manwa vari ni gihoso.

Luka 20:21

Ava va diya mu wudzisa, khavo: “Muhevbudzi, hi ngu dziti nya gukhethu u ngu hevbudza nya dzadi, khu hatheli vathu; wa gu hevbudza ndzila ya Nungungulu kha nga idzo li lombago khidzo lisine.

Mithumo 26:18

Eni nyi ngu gu rumela guya va tula maho yawe gasi va duga gidemani, va ta guwonegelani; va duga wugumbini wa Sathane, va ta ga Nungungulu, va khodwa gwangu va fela gu divaledwa sighoho sawe, va hakha thomba yi lulamisedwego vbakari nya sihathwa, khu gukhodwa Gwangu.’

Dhewuteronome 33:10

U hevbudzide Jakobe gululama gwago ni nayo wago va na Israyeli; va di gu vegela libani dzithonvuni gwago, ni miningelo nya guvbiswe, vbagiluvelotunu gwago.

Dhewuteronome 33:8

Ga Levhi, a di khuye: Uwe Nungungulu, ningela Tumimi yago ni Hurimi yago, ga muthu nya gutumbege, U mu lingidego wulangani wa Masaha u nga ganedzisana naye matini ya Meribha;

Dhewuteronome 33:9

wule U nga embelago babe ni mayi waye, khuwe: Gima nyi si gu mi woni; ni vandriyaye kha nga vati, uye a si khathaleligo sanana saye, kholu vegedzide magana yago ni gu landrisa gidzumeledzwano gyago.

Gutuledwa 14:5

Khanani gwawe gima kha ga manega, wupembi, va tumbegide mbeli nya mufumo wa Nungungulu.

1 Samuweli 2:12

Sanana sa Eli, si diri sanana nya guvivbedwe khu monyo; si di si khathali khu Pfhumu Nungungulu;