Malakiya 2:3 - Bhibhiliya Nya Guage

³ Nyi na tsayisa situgulwana sanu, nyi gwiringela khovbeni gwanu, swanyi nya sirengo mu nyi luvago khiso, mu na dzudzugwa vbavbandze gumogo ni swanyi nya mibuzo yanu.

Malakiya 2:3 Iomraidhean Croise

1 Dzipfhumu 14:10

Wona nya gukhuwe, nyi na wusa libango nyumbani ga Jerobhowamo. Nyi na wandra mandzani ga Jerobhowamo, vathu vatshavbo nya vama nya vakhongolo navo nya vadugwana, dzikhumbi navo nya gutshulege tigoni ga Israyeli, nyi na vbiyela situgulwana satshavbo sa nyumbani ga Jerobhowamo, gukhwatshi ndzilo yi vbiyedwago hiyo bhi.

Joba 20:7

uye a na hina gu fanana ni ndzilo yaye kala gupindruga, ni vale va mu wonego va na khavo: “Gasi olu womo hayi!”

Dzindzimo 47:5

Nungungulu gwede vbakari nya dzihuwa nya litsako, Pfhumu Nungungulu vbakari nya gudzume nya pundru.

Dzindzimo 83:10

U nga va mbembisa dhoropani ga Eni-Dhori; sirumbi sawe si hinidego mafuni.

Ekisodha 29:14

Aholu nyama nya gimombyana, ni lidowo lakone, ni swanyi wakone u na ya si vbisa vbavbandze nya lizumbo. Eyi i mhamba nya guhandze sighoho.

Jeremiya 8:2

ma ta anegwa ma vetwa khu lihani ni ngima ni mabutho yatshavbo ya ndzadzini, a gu esi va na Israyeli va nga si gola ni gu si thumela, iso va nga si landriselago ni gu si vbweta ni gu si khozela. Gima kha si na roledwa ambari gu kembedwa, si na khala kha nga ndzilo vbatshani nya mafu.

Joyele 1:10

Va sasede lithembwe, litigo lomo gililoni, kholu va ghohetede tirigu, wadwa nya dosi nya dziuvha, mafura kha ma manegi gambe.

Joyele 1:17

Mbewu yi hinide vbavbatshi nya mafu, sisangala si tshade nyambana gilo ni sithathe si pfhungumudwe, kholu tirigu yi bangide.

Levhi 26:16

eni nyi na mi girani esi: Nyi na mi rumela sigaradzo nya guthise, gikhohola ni gindrendrewane, si ta mi vbedza tshivba maho yanu ni womi wanu; mu na lima mu yala mahala dzimbewu dzanu, dzi ta hodzwa khu valala vanu.

Nahume 3:6

Nyi na gu pategela khu ndzilo, nyi gu thela dzitshoni, nyi gu gira u khala gihegiso.

Malakiya 2:9

Khu guralo, eni neni nyi mi giride vathu nya gunyenyeze ni givalo mbeli ga vathu vatshavbo, kholu mu ngamba gimbila khu dzindzila dzangu, aholu mu gira gihathela gutshamuselani nya nayo wangu.

Luka 14:35

Kha wu ngu gu phasa gilo, ambari gu nonisa wulime, mwendro gu wu gira gitoromu. Wa gu dzudzugwa. Uye a gu ni dzindzeve nya guyingise, a napwe!”

1 Vakorinto 4:13

va gu hi tsorodzela, ethu ha gu va hakha khu gwadi. Ni olu, ethu ha gu wonwa kha nga ndzilo nya litigo, kha nga vathu nya gunyenyeze guvbindra vathu vatshavbo.

Dhewuteronome 28:38

Mahangeni gwago u na yala dzimbewu nya dzingi; aholu uwe u na vbwera dzidugwana, kholu dzi na bani dzi hodzidwe khu dzimbera.