Malakiya 2:11 - Bhibhiliya Nya Guage

¹¹ Va na Judha kha va tumbega gilo. Va giride manyala tigoni ga Israyeli ni Jerusalema; kholu va na Judha va nyenyeziside Wulanga nya guage wa Pfhumu Nungungulu, owu a wu golago, kholu a dzeganide ni vanyamayi va khozelago vambe vanungungulu va vbavbandze.

Malakiya 2:11 Iomraidhean Croise

Gutuledwa 21:8

Gasi va nya wugara, ni mahedheni, ni sighohi, ni sighevenga, ni sibhayi, ni dzindroyi, ni va nya malipha, va nya wunyanga, vatshavbo va dongisedwe wulanga wawe tsivani nya nilo ni solufa, a gu gufa nya wuvili.”

Hoseya 6:7

Avo va pide gidzumeledzwano kha nga Adhamu, va si tumbegi avbo gwangu.

Ezekiyeli 22:11

Moyo nya avo a ngu bhaya ni mwangadzi wa muakelane waye, mumbe a gira guvivba ni ngadzamwane waye, vambe va gurumedza gu hengela malawu ni ndriyaye nya nyamahegyane, gyanana gya babe waye.

Ezekiyeli 18:13

A fiyarisa na gu lirela bhindzu ni guvelegisa. Muthu nya nga yoyo, a ngu yela guvbanya, gani? Ahihi, kha na vbanya! Khu kotani nya mithumo yatshavbo yoyo nya guvivbe, khu lisine a nafa, uye mune kamwe a na rwala nandru nya gufe gwaye.”

Jeremiya 7:10

Khu hwane nya ugo, mu nguta emani mbeli gwangu, nyumbani momu yi ranwago khu lina langu mu ganela, khenu: Hi vbanyisidwe! Khu hwane mu nga gu simama gu girani manyala yatshavbo yaya?

Jeremiya 2:3

Gikhati gyogyo Israyeli a diri vathu va phasedwego Nungungulu gambe a diri mihandro nya guhegule nya guvbwere gwaye, vatshavbo va nga bani va mi sasela, va di gu dzi vangela nandru, va thegedwa khu libango; a ngu ganela Pfhumu Nungungulu.

Dzindzimo 106:28

Va di khozela gambe nungungulu nya gupwani khu Bhahali-Peyori, va hodza dzimhamba dza vanungungulu nya gufe.

Ezira 10:2

Khavbo avbo, Sekaniya, mwamana wa Jeyeli, moyo nya sanana sa Elamo, a di embela Ezira, khuye: “Ethu hi ghohede Nungungulu wathu khu gu dzega vanyamayi nya mambe mafumbu nya mayigo yaya, ambari khu kharato gu nga guromo gutumba ga va na Israyeli.

Ezira 9:12

Gasi olu, enu mu nga lowodzisini sanana sanu nya sagadzyana ga sanana sawe nya sikhwathana, ni sagadzyana sawe mu nga lowodzini sanana sanu nya sikhwathana, gima mu nga vbweti gurula ni wuwadi avbo gwawe gasi mu kodza gu mana tshivba, nya guhodze thomba nya litigo lolo, mu kodza gu tshiyela sanana sanu kha nga thomba nya gupindruge ga livelego lanu.

Valamuli 3:6

va di lowola vanyamayi va vbakari nya mayigo yaya, avo navo va lowodzisa vanyamahegyane vawe ga madzaha ya tigoni mule, ni gu khozela vanungungulu vawe.

Dhewuteronome 14:2

Kholu mu vathu va agidego mahoni ga Pfhumu Nungungulu wanu, gambe Pfhumu Nungungulu a mi hathide vbakari nya mayigo yatshavbo ya mafuni, gasi mu khale vathu Vaye.

Levhi 20:26

Agani mahoni gwangu, kholu Eni Pfhumu Nungungulu nyi agide, gambe nyi mi hathide vbakari nya mayigo, gasi mu khala vathu vangu.

Malakiya 1:1

Magana nya gulemele ya Pfhumu Nungungulu nya gutsayise va na Israyeli ma nga tago khu ga muprofeti Malakiya.

Jeremiya 3:10

Ndriyaye Judha, nyamba tumbega, kha dzi kodza gu wuya gwangu khu monyo waye watshavbo, aholu a di nyi kanganyisa, a ngu ganela Pfhumu Nungungulu.