Malakiya 2:10 - Bhibhiliya Nya Guage

¹⁰ Ina hatshavbothu hi mwalo babe moyo basi, gani? Ina khandruye Nungungulu wamoyo a hi vangidego, gani? Khu ginani hi venganago khu gyathu, hi nyenyezisa gidzumeledzwano gya vakokwe vathu?

Malakiya 2:10 Iomraidhean Croise

Nehemiya 13:29

Pfhumu Nungungulu wangu, U nga va divaleli, kholu va nyenyeziside thumo wa vaphasi nya mhamba, gumogo ni gidzumeledzwano nya wuphasi wa na Levhi.

Joba 31:15

Ina Uye a nyi wumbidego ndrani ga mayi wangu khandruye saye a wumbidego avo navo, gani? Khandruye wa moyo a hi wumbidego ethu hatshavbo, gani?

Dzindzimo 100:3

Dzitini gukhenu Pfhumu khuye Nungungulu; Khuye a nga hi gira, ethu ha gu lumba uye; hi vathu vaye ni tshambi waye.

Ekisodha 19:4

Enu mu si wone esi nyi giridego ga Vagipiti, ni edzi nyi mi rwadego khidzo khu dzimbapi nya lighama nyi gu mi wuyisa avbo gwangu.

Ekisodha 19:5

Olu mwa gu yingisani lito langu, mu vegisa gidzumeledzwano gyangu, mu na khala thomba yangu vbakari nya mayigo yatshavbo, kholu litigo latshavbo la gu lumba Eni.

Ekisodha 24:3

Mosi a di wuya a ta embeledzela vathu magana yatshavbo a nga ganelago Pfhumu Nungungulu, ni sileletelo satshavbo; vathu va di hakha khu lito limwedo, khavo: “Ethu hi na landrisa magana yatshavbo aya a ganedego Pfhumu Nungungulu.”

Ekisodha 24:7

A di dzega libhuku nya gidzumeledzwano a hevbula na gu pwidwa khu vathu, avo va hakha, khavo: “Satshavbo esi Pfhumu Nungungulu a ganedego, ethu hi na si gira ni gu si yingisa.”

Isaya 43:1

Gasi olu, Pfhumu Nungungulu, oyu a nga gu vangago, uwe Jakobe, bwelo khavbo a wumba uwe Israyeli, a ngu ganela kharati, khuye: “U nga thavi, kholu eni nyi gu dzegiside, nyi gu ranide khu lina lago, uwe u wangu.

Isaya 43:15

Eni kheni Pfhumu, Gihathwa gyanu, Muvangi wa Israyeli, ni Mufumeli wanu.

Isaya 43:7

kholu vatshavbo va ranwago khu lina langu, avo nyi va vangidego gasi va khala wudhumo wangu, kheni nyi va wumbidego nyi bwelo khavbo nyi va gira.”

Isaya 44:2

Pfhumu Nungungulu a nga gu girago, a gu wumbidego gukhugela ndrani ga mayi wago, uye a gu phasago, a ngu ganela kharati, khuye: “U nga thavi, uwe Jakobe, githumi gyangu, uwe Jesurumi nyi gu hathidego.

Isaya 51:2

wonani babe wanu Abrahama ni Sara, a gu uye a mi velegidego; kholu khuye basi nyi mu ranidego bwelo khavbo nyi mu kategisa ni gu andrisa livelego laye.

Isaya 63:16

Aholu uwe khuwe Babe wathu, ambari Abrahama na si hiti, ni Jakobe a si khathali khu ethu; Uwe Pfhumu Nungungulu, khuwe Babe wathu; U Mudzegisi wathu, gukhugela guhegulani, khilo lina lago ilolo.

Isaya 64:7

Olu mwalo ni muthu moyo a lombelelago khu lina lago, gambe mwalo ni moyo a hidzimelago vbafuvbi gwago; kholu u ngu hi sihela khovbe yago, u ngu hi mbembisa khu kotani nya guvivbe gwathu.

Isaya 64:8

Gasi olu, uwe Pfhumu Nungungulu, Uwe khuwe Babe wathu, ethu hi libumba, uwe khuwe muwumbi wathu; ethu hatshavbo hi thumo nya mandza yago.

Jeremiya 31:9

Va na wuya na va gu lila, nyi na va hetedza na nyi gu va bavbula marongo, nyi na va yisa mitsongoni nya mati khu ndzila nya gululame, mwalo a na tshunganelago; kholu Eni nyi womo kha nga babe wa Israyeli, ni Efrayimi khuye matiwula yangu.

Ezekiyeli 33:24

Mwamana wa muthu, vathu va vbanyago marumbini mule ga na Israyeli, va gu ganela, khavo: Abrahama a diri moyo basi; aholu, manide litigo leli; gasi ethu hi gu vangi, khu lisine hi na hakha litigo kha nga thomba.

Malakiya 1:6

Pfhumu Nungungulu a ngu ganela ga vaphasi nya mhamba, khuye: Gyanana gi ngu gola babe waye ni githumi nigyo gi ngu ninga githawo ga mune waye; eni nya gu bani nyiri babe wanu, khu gevbini githawo mu nyi ningago?

Malakiya 2:11

Va na Judha kha va tumbega gilo. Va giride manyala tigoni ga Israyeli ni Jerusalema; kholu va na Judha va nyenyeziside Wulanga nya guage wa Pfhumu Nungungulu, owu a wu golago, kholu a dzeganide ni vanyamayi va khozelago vambe vanungungulu va vbavbandze.

Malakiya 2:8

Aholu enu mu di ndreya ndzilani, mu tshunganisa va nya gutala khu sihevbudzo sanu; mu tshungunula gidzumeledzwano nyi giridego ni Levhi, a ngu ganela Pfhumu Nungungulu nya Tshivba Yatshavbo.

Matewu 10:21

Ndruye a na songa ndriyaye; babe a songisa mwanaye; sanana si na wugela vavelegi si va songa.

Matewu 22:16

Va di rumela vapizane vawe, gumogo ni va na Herodhi, gasi guya mu wudzisa, khavo: “Muhevbudzi, hi ngu dziti nya gukhethu u muthu nya lisine, ni gukhethu u ngu hevbudza ndzila ya Nungungulu kha nga idzo li lombago khidzo lisine; khu thavi muthu, kholu khu khedzi giemo nya muthu.

Matewu 3:9

Mu nga dzi pembi sanu, khenu: ‘Hi na ni babe Abrahama!’ Kholu, nyi ngu mi embelani gukheni, Nungungulu a ngu dzi kodza gu tumbulugisa sanana sa Abrahama khu musiwindrini momu.

Luka 1:73

ni gu alakanya gisambanyo a nga girago ga babe wathu Abrahama,

Luka 3:8

Nonedzani mihandro yi yeyedzago gu vbindrugedza mavbanyelo; mu nga dzi pembi sanu, khenu: Ethu hi na ni babe Abrahama. Dzitini nya gukhenu Nungungulu a ngu dzi kodza gu vbindrugedza siwindri sesi si khala sanana sa Abrahama.

Johane 8:39

Va di mu phindrula, khavo; “Babe wathu khu Abrahama!” Aholu, Jesu, khuye: “Nari pwani mu sanana sa Abrahama na mu gu landra mithumo ya Abrahama.

Johane 8:41

Enu mwa gu gira mithumo ya babe wanu.” Avo va di khavo: “Kha ha velegedwa wubhayini. Hi na ni Babe moyo basi a gu Nungungulu.”

Johane 8:53

Ina uwe u khongolo guvbindra babe wathu Abrahama, a ngafago? Ni vaprofeti va fudego navo? Gasi wa gu dzi gira mani uwe?”

Johane 8:56

Babe wanu Abrahama tsakide khu gu lirela gu wona litshigu langu; na li wone a di nengela.”

Mithumo 17:24

Nungungulu a vangidego mafu ni satshavbo esi si guromo mafuni, a gu uye Pfhumu ya ndzadzini ni mafuni. Kha khali dzinyumbani nya gugirwe khu mandza nya vathu.

Mithumo 17:25

Gambe kha thumedwi khu mandza nya vathu nga khwatshi a gu keneledwa khu gilo, kholu khuye a ningago ga vatshavbo guvbanya ni guhefemula ni silo satshavbo.

Mithumo 17:26

Khu ga melegi wa moyo, tumbulugiside mahundzu yatshavbo nya vathu, gasi ma vbahe mafuni gwatshavbo; a kabanisa dzinango, a gu vega mivbingano nya guvbahe umo vathu.

Mithumo 7:2

Sitefane a di mu hakha, khuye: “Vandriyangu ni vababe vangu, yingisani! Nungungulu nya wudhumo a dzi wonegiside ga babe wathu Abrahama na ngo gu vbanya Mesopotamiya, na si gu ruri aya khala Harani,

Mithumo 7:26

Khu mindru gakone a di hidzimela a wona vavili nya sanana sa na Israyeli na va gu dwana, a di zama gu va avbula, khuye: ‘Vathunu, enu mu va na ndruye ni ndruye! Khu ginani mu sanisanago khu gyanu?’

Varoma 4:1

Hi na khethu ginani khu babe wathu Abrahama, a gu nyapandre wathu khu tumbunugo? Ginani gi nga mu dugelelago?

Varoma 9:10

Silo sesi kha sa dugelela Sare ekha, si dugelede nuye Rabheka a nga velega sanana sivili nya mavbaha ni kokwe wathu Isaki.

1 Vakorinto 8:6

Gasi ethu ha guti gukhethu womo Nungungulu moyo basi, a gu Babe ni muvangi nya silo satshavbo; ethu ha gu vbanyela uye. Gambe yomo Pfhumu Mweyo basi, Jesu Kristo. Silo satshavbo si vangidwe khu tshivba yaye, ni ethu hi womo khu kotani gwaye.

Vaefeso 4:25

Khu kharato, nyenyani malipha; muthu ni muthu a na ganele lisine ga muthu kwawe, kholu ethu hatshavbo hi sivbango nya givili gimwegyo.

Vaefeso 4:6

Womo Nungungulu moyo basi, Babe wa vatshavbo, a fumago ga vatshavbo, a thumago khu vatshavbo, a vbanyago ga vatshavbo.

1 Vatesalonika 4:6

Ga silo sesi, kha gu vbwetegi na moyo a girela guvivba ndriyaye gukhodwani, ambari gu mu supha. Nga olu hi mi embedego ni gu mi tivisani, Pfhumu a ngu tsayisa satshavbo sighoho isoso.

Vahebheru 12:9

Vavelegi vathu nya giwuthu va di gu hi kawuka, ethu hi di va ninga githawo. Ina hi mwalo fanelo nya guyingele khu githawo ngudzu Babe wathu nya liphuvbo, gasi hi mane guvbanya, gani?

Josuwa 24:3

Khu guralo, nyi di dzega babe wanu Abrahama tshatugo nya tsongo wa Joridhani, nyi mu yisa vbakari nya litigo latshavbo la Khanani, nyi mu andrisela gambe livelego laye, khu gu mu ninga Isaki.