Malakiya 1:7 - Bhibhiliya Nya Guage

⁷ Enu mwa gu resani guhodza gwanu nya gunyenyeze vbagiluvelotunu gwangu gambe mu nga gu wudzisani, khenu: Hi di gi nyenyezisa khu ginani? Ina mwa gu pima gukhenu meza ya Pfhumu Nungungulu gilo nyamba phasa gilo, gani?

Malakiya 1:7 Iomraidhean Croise

Ezekiyeli 41:22

Gu diromo giluvelo nya mapulango gi nga bani giri ni mikono miraru gulapha guya vbatshani, wubambe, gi diri ni mikono mivili; dzikhona, gidzigaredzo gyaye, gumogo ni dzindzari dzaye, si diri nya mapulango; mwama a di nyi embela, khuye: “Eyi khu meza yi guromo mbeli ga Pfhumu Nungungulu.”

Ezekiyeli 44:16

Avo basi khavo va na belago nyumbani gwangu nya guage, va hidzimela vbamezatunu gwangu, gasi gu nyi thumela, va landrisa sileletelo sangu.

Levhi 2:11

Miningelo yatshavbo nya dzimbewu u na bikelago ga Pfhumu Nungungulu gu vbwetega nyambana mela, u nga pati gilo gi gu na ni mela, mwendro wulombe umo nya miningelo yi vbisedwago Pfhumu Nungungulu.

Levhi 21:6

Va na khale vathu va phasedwego Nungungulu wawe, va nga nyenyezisi lina la Nungungulu, kholu khavo va ningelago miphaso nya guvbiswe ni eyi nya sibaba ga Pfhumu Nungungulu. Khu guralo, gu vbwetega vari vathu va agidego.

Levhi 21:8

Mu wone kha nga muthu a agidego kholu khuye a bikelago guhodza nya miphaso ga Nungungulu wago. Muthu a agidego mahoni gwanu, kholu Eni Pfhumu Nungungulu nyi mi agisago, nyi agide.

Levhi 3:11

Muphasi nya mhamba a na vbisa satshavbo vbatshani nya giluvelo. Ogu guhodza nya ningelo nya phaso wu vbisedwago Pfhumu Nungungulu.

Malakiya 1:12

Aholu enu mwa gu nyenyezisa giluvelo gyangu avbo mu ganelago, khenu: Meza ya Pfhumu Nungungulu gilo nyamba phasa gilo, silo mu phaselago khiso, guhodza nya gunyenyeze.

Malakiya 1:13

Mu engedza gambe, khenu: Hi garade khu satshavbo sesi, aholu mu simama gumba nyi ningani githawo, a ngu ganela Pfhumu Nungungulu nya Tshivba Yatshavbo. Mwa gu nyi reselani sirengo nya gubidwe, nya guhase niso nya gudwale mu ta nyi girelani khiso miphaso; ina mwa gu pimisani gukhenu eni nyi na si hakha na nyi tsakide khu mandzani gwanu, gani? A ngu wudzisa Pfhumu Nungungulu nya Tshivba Yatshavbo.

Malakiya 1:8

Khandri gunyenyeza gu nyi reselani sirengo nya gufe maho, nya guhase nesi nya gudwale, gani? Nga hongolani mu ya luva khiso ga mufumeli wago. Ina si na mu tsakisa? Ina a na mi hakhani gwadi, gani? A ngu ganela Pfhumu Nungungulu nya Tshivba Yatshavbo.

1 Vakorinto 10:21

Enu kha mu dzi kodzi gu sela gikombe nya phaso wa Pfhumu, mu wuya khavbo muta sela gambe gikombe nya miphaso nya vanungungulu nya malipha. Kha mu dzi kodzi gu hodza mbiyani nya Mhamba ya Pfhumu, mu wuya khavbo mu hodza gambe mbiyani nya dzimhamba nya vanungungulu nya malipha.

Dhewuteronome 15:21

Aholu ma gu bani ma haside, gu ndzodola mwendro nari gikhumu, mwendro khu wumbe wulima nya wukhongolo, u nga si phaseli Pfhumu Nungungulu wago.