Malakiya 1:4 - Bhibhiliya Nya Guage

⁴ Ambari Edhomi a gukhuye: Litigo lathu li pfhungumudwe, aholu ethu hi na vbahedza marumbi; khu guralo, Pfhumu Nungungulu nya Tshivba Yatshavbo a ngu ganela kharati, khuye: Avo va na vbahedza, aholu eni nyi na ma khungumula; ambari Edhomi a gukhuye va na li rana litigo nyambana gukhodwa. Litigo lile Pfhumu Nungungulu a gorogidego khilo gikhati gyatshavbo.

Malakiya 1:4 Iomraidhean Croise

Joba 12:14

Iso Uye a si pfhungumulago, kha si vbahedzwi khu muthu, ni uye a mu khothelago, kha kodzi gu tuledwa khu muthu.

Joba 34:29

Aholu, Uye a gu degula, khu mani a na mu rwegago nandru? A gu siha khovbe yaye, khu mani a na mu wonago? Khu guralo, Uye a ngu fuma vathu gumogo ni mayigo.

Joba 9:4

Uye a na ni monyo nya guti, ni tshivba yaye yikhongolo ngudzu, khu mani a lingidego gu dwana Naye a dugelela?

Dzindzimo 127:1

Nyumba ya gumba vbahwa khu Pfhumu Nungungulu, thumo watshavbo wa vavbahi kha wu phasi gilo; lidhoropa la gumba woneledwa khu Pfhumu Nungungulu, vakhedziseli va gu pilekelana mahala.

Dzindzimo 137:7

Pfhumu Nungungulu, alakanya esi va nga gira vathu va Edhomi litshigu valala va nga belago Jerusalema va li phanga, kholu va di ganela, khavo: “Li khungumuleni, li khungumuleni kala mu sigulela ni siseketelo sakone.” Uwe,

Dzindzimo 33:10

Pfhumu Nungungulu a ngu pfhungumula gikungo gya va nya mayigo ni gu thesa vbavbatshi mipimiso nya mayigo.

Mavingu 21:30

Mwalo muthu a gengedego ni mapimo ambari wusingalagadzi, a vbindrago Pfhumu Nungungulu.

Isaya 10:4

Gi mwalo gambe gi mi tshaledego gu gira, vbavbandze nya gu dzi pateni ni sibotshwa, ni gu thega, mu patana ni sirumbi, ambari khu kharato, likhulo laye kha la bosa gilo, ni libogo laye li nga gu simama guthawuluga.

Isaya 11:14

Mayigo ya mavili ma na wugela Vafilisitiya va Muhwadambo; ma na hongola gumogo ma ya phanga vathu va Khugadambo; ma na dwanisa Vaedhomi ni Vamowabhi, sanana sa Amoni si na khala sithumi sawe.

Isaya 34:10

Wutshigu ni mihani wu na khondra nyamba tshimega; wutshi wu na tuviga wu gwela gikhati gyatshavbo; gu na vbindra situgulwana ni situgulwana na gu ngari marumbi, guvbindra mazanazana myaga, nyamba tsemakanya muthu umomo.

Isaya 34:5

Kholu litshari la Pfhumu Nungungulu li ngu wonega ndzadzini na li tade khu novba; wonani, li na thegela vbatshani ga Edhomi gasi guta mu lamula, vathu nyi va konidego, gasi gu va mbembisa.

Jeremiya 31:17

Pfhumu Nungungulu a ngu ganela, khuye: Uwe u ngari ni gitumbo ga matshigu ma nga gutago, kholu sanana sago si na wuya tigoni gwawe.

Jeremiya 49:20

Khu guralo, upwani makungo ya Pfhumu Nungungulu a ma hungidego khu kotani ya Edhomi, ni mipimiso a gu nayo khu vathu va Temani; khu lisine avo nya vadugwane nya tshambi va na kukulutwa, ni wuhaviseloni gu na ghohetedwa nyamba manega mwasi khu kotani gwawe.

Jeremiya 49:7

Khu kotani ga Edhomi. Pfhumu Nungungulu nya Tshivba Yatshavbo, a ngu ganela kharati, khuye: “Ina kamwe, gu mwalo gambe guti tigoni ga Temani, gani? Ina va nya mapimo kha va nga gu ninga gambe wusingalagadzi, gani? Guti gwawe gu fuvide, gani?

Jeremiya 49:8

Enu mu vbanyago tigoni ga Dhedhani, thavani mu wuya mu ta sihala mavbalani nya guete, kholu nyi ngu hadza gu mbembisa Esawu, gikhati gyaye nya gu mu tsayise gi vbohide.

Jeremiya 5:17

Va nata hodza dzimbewu dzago ni guhodza gwago, va hodza madzaha yago ni dzimbiri dzago; va na hodza dzinvuta ni dzimombe dzago; va na ghohetela gambe marembwe yanu nya mikandzu nayo nya miuvha; va khungumulela khu matshari madhoropa yago nya makhokhola u ma tumbago.

Gililo 3:37

Khu mani a gukhuye gi na girege gilo nya gukari, gi girega vbavbandze nya gurume ga Pfhumu, gani?

Ezekiyeli 11:10

Mu na songwani khu matshari, eni nyi na mi lamula mivbinganoni ga Israyeli. Mu na dzitini gukhenu eni kheni Pfhumu Nungungulu.

Ezekiyeli 25:13

Khu guralo, Mune Pfhumu Nungungulu, a ngu ganela kharati, khuye: Nyi na khusedza libogo langu nyi wugela Edhomi, nyi na songetela masotshwa yaye ni sirengo saye. Nyi na va sasela gukhugela Temani kala Dhedhani, avo va na songetedwa khu matshari.

Ezekiyeli 25:14

Eni nyi na phodza ga Edhomi, khu mandza ya Israyeli, a gu vathu vangu, Israyeli a na lamula Edhomi gukhedza khidzo nyi gorogidego khidzo ni likhulo langu; va na Edhomi va na liti likhulo langu,” a ngu ganela Mune Pfhumu Nungungulu.

Ezekiyeli 26:14

Nyi na gu gira u khala giwindri nya gutiye, u na khala wulanga wu khalegidego gasi gu ladza dzikhoga nya gugoge;” gima khu na vbahedzwa gambe, kholu Eni, Mune Pfhumu Nungungulu, nyi ganede; a ngu ganela Mune Pfhumu Nungungulu.

Ezekiyeli 35:4

Nyi na vbindrugedza madhoropa yago ma khala marumbi, uwe u na mbembiswa. Khavbo avbo, u na dziti gukhuwe eni kheni Pfhumu Nungungulu.

Ezekiyeli 35:9

Nyi na gu gira marumbi kala gupindruga, ni madhoropa yago, gima kha ma na nga khadwa khu vathu; kharati mu na dzitini gukhenu Eni kheni Pfhumu Nungungulu.

Amosi 1:11

Pfhumu Nungungulu a ngu ganela kharati, khuye: Khu kotani nya sighoho siraru mwendro sina sa Edhomi, kha nyi na bweledza tsayiso, kholu lundride ndriyaye khu litshari, a mu tshanisa nyamba mu pwela wusiwana, a simama gu khala ni giviti khuye gikhati gyatshavbo.

Amosi 3:15

Nyi na khungumula nyumba ya vbagirametunu ni nyumba nya maronga, dzinyumba dzi mburisedwego khu magwaha nya dzindzofu dzi na fuviswa, gu na fuviswa gambe ni dzinyumba nya dzikhongolo, a ngu ganela Pfhumu Nungungulu.”

Amosi 5:11

Khu guralo, kha nga olu mu gandredzelago gisiwana, mu gi gurumedza gu livba gikhaba nya tirigu. Khu guralo, mu na vbahani dzinyumba nya siwindri nya guvatwe, aholu kha mu na khala umo; mu limani marembwe nya miuvha mu ma golago, aholu kha mu na sela wadwa wakone.

Amosi 6:11

Kholu wona nya gukhuwe Pfhumu Nungungulu, a ngu rumela gukhuye nyumba nya yikhongolo yi na pfhungumudwe yi khala marumbi nyumba nya yidugwana yi pandreledwa yi khala malufa.

Amosi 6:2

Vbindrani khu dhoropani ga Kaline, mu li wona; khu vbale indrani kala Hamati nya gukhongolo; mu relela kala Gati, nya Vafilisitiya. Ina madhoropa yaya ma mburide guvbindra mifumo yanu, gani? Mwendro litigo lawe likhongolo guvbindra lanu, gani?

Obhadhiya 1:1

Giwoniso gya Obhadhiya. Pfhumu Nungungulu a ngu ganela kharati khu kotani ya Edhomi, khuye: “Hi pwide magana ya Pfhumu Nungungulu ni moyo nya girumwa a rumedwego ga mayigo ya vbavbandze, a ganela, khuye: Khugani mu eme! Hongoleni hi wugela Edhomi hi ya mu sasela.

Obhadhiya 1:10

Khu kotani nya olu u nga wugelago ndriyago Jakobe, u na fenengedzwa khu dzitshoni, u mbembisedwa muphelo.

Malakiya 1:3

aholu nyi nyenya Esawu; nyi gira sigomo saye si khala gihala gya giwulani, nyi ningela litigo lawe ga migehe ya khabini.”

Matewu 12:30

Uye a si emigo ni eni a ngu nyi wugela; uye a si hengeligo ni eni a ngu phalalegisa.