Malakiya 1:2 - Bhibhiliya Nya Guage

² Pfhumu Nungungulu a ngu ganela, khuye: “Eni nyi mi gode gikhati gyatshavbo; aholu enu mwa gu ganela, khenu: U hi gode khu magolelo muni? Pfhumu Nungungulu a ngu hakha, khuye: Gasi Esawu khandri a diri ndruye wa Jakobe, gani? Aholu eni nyi di gola Jakobe,

Malakiya 1:2 Iomraidhean Croise

Genesi 25:23

Uye a di mu hakha, khuye: “Ndrani gwago momo mayigo mavili: Mahundzu mavili nya vathu ma na dugago khu ndrani gwago. Lihundzu limwedo li na pala limbe, koma a na thumela nandra.”

Genesi 25:25

Uye a nga phela khuye gu duga a diri ni libonvu, na fenengedzidwe khu mafefeleti mili waye watshavbo kha nga volo, khidzo kharato va nga mu ningago lina nya gupwani khu Esawu.

Genesi 25:26

Khu gu landrela gu di duga nuye ndriyaye na mode gitshinandro gya Esawu. Khigyo gi nga gira va mu ninga lina nya gupwani khu Jakobe Gikhati va velegidwego, Isaki a diri ni tanga nya livbandre na limwedo magumi myaga nya guvelegwe gwaye.

Genesi 27:33

Isaki a di liwuga khu tshivba, a ganela, khuye: “Gasi khu mani a nga nyi resela nyama nya gusotwe nyi hodzidego eni nu si gu vbohi uwe? Nyi mu kategiside, khu guralo khuye a kategisidwego.”

Genesi 48:4

a nyi embela, khuye: “Nya gu vbweta gukheni u dandre u ninge mihandro; nyi na gu vbindrugedza nyi gu gira talo nya vathu nya mahundzu, nyi na ninga litigo leli ga sanana nya livelego lago, hwane ga uwe, li khala thomba yawe kala gupindruga.”

1 Dzipfhumu 10:9

A na bongwe Pfhumu Nungungulu wago, a tsakisidwego khuwe, khu gu gu vega vbagikhalotunu nya wufumu wa Israyeli; kholu Pfhumu Nungungulu a ngu gola Israyeli khu lihaladzo nya gupindruge, khu guralo, a gu emiside gu khala mufumeli, gasi u lamula khu gululama.”

2 Dzipfhumu 3:8

Khavbo avbo, Joramo a di mu wudzisa, khuye: “Khu yevbini ndzila hi na gu gwelago khiyo?” Uye a di mu hakha, khuye: “Khu ndzila ya giwulani gya Edhomi.”

Isaya 43:4

Kholu uwe u di gu golega mahoni gwangu, ni gu zundzega, gambe nyi gu gode, nyi na gu dzegisa khu vathu, nyi na ningela mayigo gasi gu khala mhamba nya gu gudzegise.

Isaya 63:1

Khu mani muthu yoyu atago khu dhoropani ga Bhozira, tsindza wa Edhomi, na ambade dzingandzu nya gufuvile? Oyu a ambadego dzingandzu nya wuzundzo a gimbilago na tade khu tshivba yaye nya yikhongolo? Kheni oyu nyi ganelago khu gululama, na nyiri ni tshivba nya guvbanyise.

Jeremiya 2:31

Enu melana yoyu! Yingisani magana ya Pfhumu Nungungulu. Ina kamwe eni nyi khade giwula ga va na Israyeli, gani? Mwendro litigo nya gidema nya guthise, gani? Khu ginani vathu vangu va gukhavo: Ethu hi tshulegide! Gima kha hi na bwelela gambe avbo gwago?

Jeremiya 2:5

Pfhumu Nungungulu a ngu ganela kharati, khuye: “Gasi guvivba muni va gu wonidego vababe vanu avbo gwangu, gu kala va hambana ni eni, va ya namarela ga sifananiso nyamba phasa gilo, va vbindrugedza va khala maphuphulu?”

Jeremiya 31:3

Pfhumu Nungungulu a dzi wonegiside khu matshigu ma vbindridego, a ganela, khuye: “Eni nyi gu gode khu lihaladzo li si vbeligo; khu kotani nya wuwadi wangu nyi gu ndrindredzede.”

Amosi 1:11

Pfhumu Nungungulu a ngu ganela kharati, khuye: Khu kotani nya sighoho siraru mwendro sina sa Edhomi, kha nyi na bweledza tsayiso, kholu lundride ndriyaye khu litshari, a mu tshanisa nyamba mu pwela wusiwana, a simama gu khala ni giviti khuye gikhati gyatshavbo.

Malakiya 2:17

Enu mu reride Pfhumu Nungungulu khu magana yanu; gambe mu nga guganela, khenu: “Hi mu reride khu ginani?” Kholu mu ganelago, khenu: Muthu watshavbo a ghohago a ngu golega mahoni ga Pfhumu Nungungulu, ni gukhenu, a ngu nengedziswa khu vathu vovo; mwendro avbo mu wudzisago, khenu: “Womo hayi Nungungulu nya gulamule?”

Luka 10:29

Aholu muhevbudzi nya Nayo khu gu vbweta gu dzi vhikela, a di wudzisa, khuye: “Gasi khu mani muthu khwathu?”

Johane 15:12

Nayo wangu khoyu: Haladzanani kha nga idzo nyi mi haladzidego khidzo.

Dhewuteronome 10:15

Aholu Pfhumu Nungungulu a di tangadziswa khu vababe vago, a va gola, bwelo khavbo a hatha enu sanana sawe vbakari nya mafumbu yatshavbo nya mambe mayigo, kha nga idzo mu dzi wonago khidzo muhuno.

Dhewuteronome 23:5

Khu guralo, Pfhumu Nungungulu wago, kha yingisa guvala ga Bhalahama; aholu, a di vbindrugedza givalo khu gikategiso, kholu Pfhumu Nungungulu wago a di gu mi gola.

Dhewuteronome 33:3

Khu lisine, Uwe U ngu gola vathu; va nya guaga vago vatshavbo, vomo mandzani gwago; va khala migondroni gwago, va hevbula nayo wago.

Dhewuteronome 4:37

Khu guralo, khu kotani nya lihaladzo ga vababe vago, hathide uwe livelego lawe, a gu dusa khu tigoni ga Egipito, uye mune wurumba khu tshivba yaye nya yikhongolo,