Malakiya 1:11 - Bhibhiliya Nya Guage

¹¹ Aholu gukhugela Khugadambo kala Muhwadambo. Lina langu likhongolo ngudzu vbakari nya mayigo; malangani gwatshavbo va ngu nyi rungudza, va vbisa libani khu lina langu, va nyi girela miphaso yi agidego, kholu lina langu likhongolo vbakari nya mayigo, a ngu ganela Pfhumu Nungungulu nya Tshivba Yatshavbo.

Malakiya 1:11 Iomraidhean Croise

1 Dzikoronika 16:25

kholu Pfhumu Nungungulu khongolo, fanede gu rungudzwa, a ngu thavisega guvbindra vanungungulu vatshavbo.

Dzindzimo 111:9

Uye dzegiside vathu vaye; a gira navo gidzumeledzwano nya gupindruge; lina laye li agide li ngu thavisega.

Dzindzimo 113:3

A na dhumiswe Pfhumu Nungungulu gukhugela Khugadambo kala Muhwadambo.

Dzindzimo 138:5

Va na embelela va dhumisa sigiro saye, kholu wudhumo wa Pfhumu Nungungulu wukhongolo.

Dzindzimo 141:2

Nombelo wangu wu na gwele kha nga libani li vbiswago mbeli gwago, mandza yangu ma na khugege iyo gwago kha nga phaso nya silambo.

Dzindzimo 45:17

Lina lago nyi na li gira li alakanywa khu mimela ni mimelana, mayigo ma na gu rungudza gikhati gyatshavbo kala gupindruga.

Dzindzimo 48:10

Kha nga lina lago, Nungungulu, kharato nuwo wuzundzo wago wu ngu vboha mahegiso nya litigo; libogo lago la nyamudye li tade khu gululama.

Dzindzimo 48:11

Gi ngu tsaka gigomo gya Siyoni, sanana sa Judha si ngu nengela khu kotani nya gulamule gwago.

Dzindzimo 50:1

Pfhumu Nungungulu nya Tshivba Yatshavbo, ganede, a ramba vathu gukhugela Khugadambo kala Pfoladambo.

Dzindzimo 65:9

U ngu khatalela litigo u li sayisa; u li rumela ndzadzi ni gu li velegisa mihandro; u ngu tadza mitsongo khu mati ni gu dandrisa sivbila, u ngu dongisela kharati wulime.

Dzindzimo 67:2

gasi vathu nya mayigo yatshavbo vati gugola gwaye, guvbanyisa gwaye gu wonwa khu mahundzu yatshavbo.

Dzindzimo 86:9

Mifumo yatshavbo u yi giridego yi nata khidzima mbeli gwago uwe Pfhumu, yi na dhumisa lina lago.

Dzindzimo 96:8

Khusedzani Pfhumu Nungungulu khu wuzundzo nya lina laye, resani miphaso mu bela siluveloni gwaye.

Isaya 12:4

Ga litshigu lolo, mu na embelela ndzimo yeyi, khenu: “Bongani Pfhumu Nungungulu, mu khozela lina laye, pwadzelani mayigo sigiro saye, ma tiviseni khenu, lina laye likhongolo.

Isaya 12:5

Embelelani wuzundzo ga Pfhumu Nungungulu, kholu giride silo nya sikhongolo ngudzu, tivisani esi tigoni gwatshavbo.

Isaya 19:21

Pfhumu Nungungulu a na tidwa tigoni ga Egipito, Vagipiti va na muti Pfhumu Nungungulu litshigu lolo; avo va na mu khozela va mu girela dzimhamba nya miphaso ni miningelo nya dzimbewu, va na gira sisambanyo ga Pfhumu Nungungulu, va bwelo khavbo va si landrisa.

Isaya 30:27

Wonani nya gukhenu lina la Pfhumu Nungungulu la guta khu hwindzo na liri ni giviti. Likhulo laye na la gu khondra li dusa wutshi nya guthise, kanani gwaye gu tade khu khorodza, ni lidimi laye la gu fanana ni nilo nya gumbembise.

Isaya 45:6

gasi gukhugela Khugadambo kala Muhwadambo, vatshavbo va dziti gukhavo mwalo mumbe vbavbandze gwangu. Eni kheni Pfhumu Nungungulu, mwalo mumbe.

Isaya 54:5

Kholu Muvangi wago, khuye a gu mwama wago; lina laye a gu uye Pfhumu Nungungulu nya Tshivba Yatshavbo; Mudzegisi wago, khoyu a Agidego wa Israyeli; a ranwago gupwani Nungungulu nya litigo latshavbo.

Isaya 59:19

Khu guralo, gukhugela Muhwadambo, vathu va na ninga githawo lina la Pfhumu Nungungulu, gukhugela Khugadambo, va na ninga githawo wudhumo waye, avbo nala a tago kha nga mati ma khulungago khu tshivba, Liphuvbo la Pfhumu Nungungulu li na mu tutumisa.

Isaya 66:18

Kholu mithumo yawe ni mipimiso yawe, nyi ngu yiti! Gi nguta gikhati nyi na gu tombanisago mayigo ni malimi yatshavbo; va nata vata wona wudhumo wangu.

Jeremiya 10:6

Mwalo a fananago nago uwe Pfhumu Nungungulu; u khongolo, lina lago likhongolo li na ni tshivba.

Jeremiya 10:7

U Mufumeli nya mayigo, khu mani a si yeligo gu gu ninga githawo? U fanede gu ningwa githawo; kholu vbakari ga va nya guti nya mayigo yatshavbo ni mifumo yawe yatshavbo, mwalo a fananago nago.

Jeremiya 4:2

wa gu sambanya khu lina la Pfhumu Nungungulu a vbanyago, u gimbila khu ndzila ni lisine ni gululama, mayigo yatshavbo ma na kategiswa, gambe ma na zundzega khu kotani yago.

Dhaniyeli 2:45

“Kha nga u wonidego nya gukhuwe, khu gigomoni gu di wumbuluga giwindri nyamba pidwa khu muthu, gita pfara ni gu phwatisela simbi, sugu, libumba, parata ni ndralama. Nungungulu nya Tshivba Yatshavbo tiviside mufumeli iso si na gu giregago khu matshigu ma natago. Eli khu lisine nya ndroro, tshamuselo yaye yi tiyide khya lisine.”

Amosi 9:12

gasi vathu vangu va fumela mitshaledwa ya Edhomi ni mayigo yatshavbo ma ranwago khu lina langu, a ngu ganela Pfhumu Nungungulu, a girago silo sesi.

Mikeya 5:4

Uye a na simama a havisa vathu tshivbani ga Pfhumu Nungungulu, ni wugulu nya tshivba khu lina la Pfhumu Nungungulu waye avo va na khala mugurulani, kholu wugulu waye wu na vboha kala mahegiso nya litigo.

Sofoniya 2:11

Pfhumu Nungungulu a na thisa vbakari gwawe, kholu a na fuvisa vbakari gwawe vanungungulu vatshavbo va mafuni; vatshavbo va nata mu khozela, muthu ni muthu gukhugela tigoni gwawe, ambari sidwa sa hwindzo ni lihundzu lawe.

Sofoniya 3:9

Khu kharato, nyi na agisa magana nya mayigo, gasi vathu vatshavbo va kodze gu rana lina la Pfhumu Nungungulu, ni gu mu thumela khu monyo moyo.

Zakariya 8:7

Pfhumu Nungungulu nya Tshivba Yatshavbo a ngu ganela kharati, khuye: “Wonani gukhenu nyi na vbulugisa vathu vangu nyi va dusa ga mayigo ya Khugadambo ni ga mayigo ya Muhwadambo;

Malakiya 1:14

Kholu libango ga muthu nya mukanganyisi a pimisago gu nyi luva khu girengo nya gyadi gya tshambini gwaye, aholu a tumbisa guluva Pfhumu Nungungulu khu girengo nya guhase; kholu eni kheni Pfhumu nya Yikhongolo, a ngu ganela Pfhumu Nungungulu nya Tshivba Yatshavbo, lina langu li ngu ningwa githawo vbakari nya mayigo.

Malakiya 3:3

A na khala vbavbatshi a lodza ni gu huta parata; a na agisa sanana sa Levhi a va huta gu fanana ni ndralama ni parata. Khavbo avbo, va na resa ga Pfhumu Nungungulu miningelo nya gululame.

Mitengo 7:74

ni gimbiyana nya ndralama, gi gu ni pimo nya likhumi dzisekeli, na gi tade khu libani;

Matewu 28:19

Khu kharato, indrani mu gimbila mu hevbudza mayigo yatshavbo, mu bhapatisa vathu khu lina la Babe, ni la Mwamana, ni la Liphuvbo nya Guage.

Matewu 8:11

Nyi ngu mi embelani nya gukheni va nata nya vangi khu Khugadambo ni Muhwadambo vata khala vbamezatunu gumogo ni Abrahama, ni Isaki, ni Jakobe Mufumoni wa Ndzadzini,

Luka 1:10

Vathu vatshavbo va di tshala vbavbandze va lombelela khu gikhati nya guvbiswe libani.

Varoma 12:1

Nyi ngu mi lomba vandriyangu khu wuhindzi wa Nungungulu, gukheni mu dzi ningele wurumba wanu mu khale mhamba nya guvbanye, nya gukatege, nya gunengedzise Nungungulu. Eyi khiyo mhamba nya lisine nya maningano yi tsakisago Nungungulu.

Varoma 15:16

nya guthumele Jesu Kristo ga va nya mayigo. Kha nga muphasi nya mhamba, thumo wangu khu gu tivisa Mahungu nya Yadi ya Nungungulu gasi va nya mayigo va ningedwe ga Pfhumu kha nga mhamba nya gutsakise Uye, yi agisidwego khu Liphuvbo nya Guage.

Vafilipi 4:18

Eni nyi naso satshavbo khu gutala nya iso. Olu nyi hakhidego satshavbo esi mu nga nyi rumela khu mandzani ya Epafrodito, nyi si mane khu gutala guvbindra esi nyi si vbwetago. Ningelo yoyu kha nga mahema nya yadi nya mhamba yi hakhwago khu Nungungulu yi mu salalegisa.

2 Vatesalonika 1:12

Khu magirelo yoyo, Pfhumu yathu Jesu Kristo, a na dhumiswa khu gu dzi vegisa gwanu, enu nenu mu na dhumiswa khuye, khu wuhigo wa Nungungulu wathu ni wa Pfhumu Jesu Kristo.

1 Thimoti 2:8

Khu kharato, nya gu vbweta vama vatshavbo va gira nombelo, ni wevbini wulanga, va khusedza mandza ma agidego nyambana likhulo ni wukhusu.

Gutuledwa 11:15

Ngilozi nya livbandre na dzimbili yi di womba pundru. Khavbo avbo, gu di pwala ndzadzini na va gu kulungela khu tshivba, khavo: “Olu, Mufumo nya litigo wa gu lumba Pfhumu yathu, ni Kristo a na fumago kala gupindruga nya gupindruge.”

Gutuledwa 15:4

Khu mani a na dzi kodzago gumba gu ninga githawo? Khu mani a na dzi kodzago gumba dhumisa lina lago? Kholu, khuwe basi u Agidego! Mayigo yatshavbo ma nata khidzima mbeli gwago, kholu gulamula gwago nya gululame, gu wonegide mahoni ga vathu vatshavbo.”

Gutuledwa 5:8

Na gu hakha libhuku, sirengo sile sa sina ni madhota yale nya magumavili na mana ma di khidzima mbeli ga Nvutana, mari ni sitendre ni sikombe nya gugirwe khu ndralama na si tade khu libani, a gu milombelo nya sihathwa.