Malakiya 1:10 - Bhibhiliya Nya Guage

¹⁰ Khu mani vbakari gwanu a na segago malimba nya Nyumba ya Nungungulu gasi gu si khondriswi gambe nilo nyambana fanelo vbagiluvelotunu gwangu? Kholu enu kha mu nyi salalegisi gambe, kha nyi na hakha gambe miphaselo yanu. A ngu ganela Pfhumu Nungungulu nya Tshivba Yatshavbo.

Malakiya 1:10 Iomraidhean Croise

2 Dzipfhumu 12:6

Ambari khu kharato, hwane nya magumavili na miraru, nya gufume ga Jowasi, vaphasi nya mhamba va di si gu lulamiseli malufa nya Nyumba ya Pfhumu Nungungulu.

Mavingu 15:8

Phaso wa vathu nya guvivbedwe khu monyo, manyala ga Pfhumu Nungungulu, aholu nombelo wa vathu nya gululame, khuwo wu mu tsakisago.

Jeremiya 14:10

Khu kotani nya vathu vava, Pfhumu Nungungulu a ngu ganela kharati, khuye: “Kha nga va nga tsakelago guhambana ni eni, va gola gu legalega; khu guralo, Pfhumu Nungungulu kha tsakiswi khavo, a na va tsayisa khu gu alakanya sighoho sawe.”

Jeremiya 14:12

“Ambari va gu hala, eni kha nyi na yingisa gulila gwawe, va gu nyi girela dzimhamba nya guvbiswe ni dzimhamba nya guhodze, kha nyi na tsakiswa khidzo; nyi na va mbembisa khu matshari, ndzala ni mitungu.”

Jeremiya 6:13

kholu gukhugela ga sanana kala vakhongolo, vatshavbo va gu vbweta gu ghanya. Vaprofeti ni vaphasi nya mhamba, vatshavbo sidambane.

Jeremiya 6:20

Ma gu nyi phasa ginani mabani mu nyi reselago khu tigoni ga Sabha, ni mafura nya gunungele mu nyi reselago khu mayigoni ya hwindzo? Miphaso yanu nya guvbiswe ni dzimhamba dzanu kha dzi nyi nengedzisi.

Jeremiya 8:10

Khu guralo, nyi na ningela vagadzi vawe ga vambe vama, ni marembwe yawe ma na ningedwa ga valala vawe; kholu gukhugela sanana kala vakhongolo, vaprofeti ni vaphasi nya mhamba, moyo ni moyo wawe a dzi ningede umo nya wudambane.

Hoseya 5:6

Va na hongola gumogo ni mitshambi yawe, ni dzimombe dzawe nya migadzi, gasi guya vbweta Pfhumu Nungungulu, aholu kha va na mu mana. Kholu uye hambanide navo.

Mikeya 3:11

Vathangeli vawe va gu lamula, va gu rwega milandru vathu khu gu rengeledwa, vaphasi vawe nya mhamba va gu hevbudza khu gu vbweta gu hakha, vaprofeti va gu profeta khu gu vbweta dzitsapawu, aholu va gu dzi seketela khu Pfhumu Nungungulu, khavo: Khu lisine Pfhumu Nungungulu mwalo vbakari gwathu. Li mwalo libango li na gu hi dugelelago.

Malakiya 1:13

Mu engedza gambe, khenu: Hi garade khu satshavbo sesi, aholu mu simama gumba nyi ningani githawo, a ngu ganela Pfhumu Nungungulu nya Tshivba Yatshavbo. Mwa gu nyi reselani sirengo nya gubidwe, nya guhase niso nya gudwale mu ta nyi girelani khiso miphaso; ina mwa gu pimisani gukhenu eni nyi na si hakha na nyi tsakide khu mandzani gwanu, gani? A ngu wudzisa Pfhumu Nungungulu nya Tshivba Yatshavbo.

Malakiya 2:12

Muthu watshavbo a girago isoso, Pfhumu Nungungulu a na fuvisa vatshavbo avo va mu phasago ni gu mu emela, gumogo ni wule a ningelago siningwa nya miningelo ga Pfhumu Nungungulu nya Tshivba Yatshavbo.

Malakiya 2:13

Gomo gambe gumbe guvivba mu gu girago. Mwa gu tadzani khu marongo giluvelo gya Pfhumu, khu gu lila ni gu keta; kholu Pfhumu Nungungulu kha nga gu dzumela gambe gu hakha miningelo yanu, ambari gu hakha khu matsenya ndruwo ya mandzani gwanu.

Johane 10:12

Gasi wule a thumelago gu hakha, a si gu muhavisi, a si gu mune dzinvuta, a gu wona lisolwa na li guta, a gu diga dzinvuta a thava; lisolwa li tutumisa dzinvuta, li dzi phalalegisa,

1 Vakorinto 9:13

Ina mwa gu hangwa khu gukhenu ava va thumelago Nyumbani ga Nungungulu va na ni fanelo nya guhodziswe khu Nyumba ya Nungungulu, gani? Vaningeli nya mhamba kha va ngu hakha gipandre nya miningelo ya vbagiluvelotunu, gani?

Vafilipi 2:21

Vatshavbo vambe va gudwanela basi gu gira guhaladza gwawe, nasiri ogu ga Kristo.

Vahebheru 10:38

Muthu wangu a lulamidego a na vbanya khu gukhodwa; aholu, oyu a bwelelago hwane, eni kha nyi na tsakiswa khuye.”

1 Pedro 5:2

Havisani gwadi tshambi wa Nungungulu wu guromo vbakari gwanu; wu sayiseni na mu tshulegide myonyo kha nga idzo a dzinago khidzo Nungungulu; nasiri khu gugurumedzwa. Mu nga thumeli gu hakha dzitsapawu. Aholu thumani khu gudzina gwanu.