Luka 9:61 - Bhibhiliya Nya Guage

⁶¹ A di manega mumbe a nga khuye: “Pfhumu, eni nya guvbweta gu gu landrela neni, aholu nyi dige guphela nyi ya vbangana gaya.”

Luka 9:61 Iomraidhean Croise

1 Dzipfhumu 19:20

Khavbo avbo, Elizewu a di diga khu guvbiredza dzimombe dzaye, a tutuma a landra Eliya khu hwane, a ganela, khuye: “Nyi dige nyi ya bhejari babe ni mayi wangu, khavbo nyi na hongolago nago.” Eliya a di hakha, khuye: “Ina. Indra, aholu u ya wuya gambe, kholu u ngu siti gwadi iso nyi giredego gwago.”

Muhevbudzi 9:10

Satshavbo u si kodzago gu si thuma khu mandza yago, si thume khidzo u dzi kodzago khidzo, kholu phalani nya vafi u hongolago umo, gu mwalo thumo, makungo, mapimo, ambari wugengeli nya gukari.

Luka 14:26

“Uye atago gwangu a mba diga babe, mayi, mwangadzi, sanana, vandriyaye, ni gu dzi diga uye mune, kha dzi kodzi gu khala mupizane wangu.

2 Vakorinto 2:13

Ambari ulo hefemulo wangu kha wa mana gurula, khu gumba ya mana ndriyangu Tito. Khu guralo nyi di vbangana vathu vale nyi khuga nyi hongola Makedhoniya.

Dhewuteronome 33:9

wule U nga embelago babe ni mayi waye, khuwe: Gima nyi si gu mi woni; ni vandriyaye kha nga vati, uye a si khathaleligo sanana saye, kholu vegedzide magana yago ni gu landrisa gidzumeledzwano gyago.