Luka 9:47 - Bhibhiliya Nya Guage

⁴⁷ Jesu, na tugude mapimo yawe, a di dzega gyanana, a gi emisa vbakari gwawe, khuye:

Luka 9:47 Iomraidhean Croise

Dzindzimo 139:2

U ngu nyi pima gukhuga ni guema, khu hwindzo u ngu yiti mipimiso yangu.

Dzindzimo 139:23

Nyi khedzise gwadi, uwe Nungungulu; nyi linge uti mapimo yangu;

Jeremiya 17:10

Eni, kheni Pfhumu Nungungulu, nyi ngu khedza mapimo nyi linga myonyo; gasi nyi ninga moyo ni moyo tshatshazelo yaye, ni mihandro nya sigiro ni thumo waye.

Matewu 12:15

Jesu, na dzitide, a di khuga khu vbale. Vathu nya vangi va di mu landra. Uye a di vbanyisa vatshavbo,

Matewu 9:4

Aholu Jesu, na wonide maalakanyo yawe, a di va wudzisa, khuye: “Khu ginani mu khalago ni maalakanyo nya guvivbe kharato?

Luka 5:22

Aholu Jesu, na tugude maalakanyo yawe, a di khusedza lito a gu va wudzisa, khuye: “Mahingigedzo muni mu gu nawo myonyoni gwanu?

Johane 16:30

Olu hi ngu wona nya gukhethu u nguti satshavbo, khu lireli gu wudziswa khu muthu, khu guralo hi ngu khodwa gukhethu wa guta khu ga Nungungulu.”

Johane 2:25

Kha nga vbweta gu embedzedwa mavbanyelo ya moyo ni moyo, kholu uye mune a di gu yiti myonyo yawe.

Johane 21:17

A di mu wudzisa nya wuraru, khuye: “Simoni, mwamana wa Jona, ina kamwe u ngu nyi gola uwe?” Pedro a di garadzega, kholu a nga mu wudzisa nya wuraru, khuye: “U ngu nyi gola, gani?” A di mu hakha, khuye: “Pfhumu! U nguti satshavbo; u ngu dziti gwadi khuwe nyi ngu gu gola.” Jesu a di mu embela, khuye: “Havisa dzinvuta dzangu.

1 Vakorinto 14:20

Vandruye, mu nga khali sanana mapimoni gwanu, aholu, khalani sanana ga esi nya guvivbe, mu khala vagulu nya vathu khu gu pima.

Vahebheru 4:13

Gimwalo ni gimwegyo gi sihadego mahoni ga Nungungulu. Sivangwa satshavbo somo tendrelani mahoni ga Nungungulu. Ethu hatshavbo hi na ema mbeli gwaye, a hi lamula.

Gutuledwa 2:23

Nyi na rwega lufu ga sanana saye gasi mabandla yatshavbo ma dziti gukhayo kheni muloli nya mahingigedzo ni myonyo, kholu nyi na ninga moyo ni moyo gukhedza khu mithumo yaye.