Luka 9:45 - Bhibhiliya Nya Guage

⁴⁵ Aholu avo kha va nga dziti khavo a gu vbweta khuye ginani, kholu a diri sihalo gwawe. Ambari ulo kha va mu wudzisa, kholu va di gu mu thava.

Luka 9:45 Iomraidhean Croise

Matewu 16:22

Pedro a di mu rana khu phuvbo, aya mu kawuka, khuye: “Isoso si nga giregi gwago, Pfhumu! Silo nya nga isoso gima kha si na gu dugelela!”

Matewu 17:22

Na va tshanganide Galileya, Jesu a di va embela, khuye: “Mwamana wa Muthu a na ni fanelo nya gu ningedwe mandzani nya vathu,

Marko 9:10

Khu kharato, va di degula naso esi va nga embedwa. Aholu va di wudzisana khu gyawe, khavo: “Sa gu tshamusela ginani guwuga khu ga vafudego?”

Marko 9:32

Avo kha va nga pima tshamuselo yoyu, aholu va di khala hwanga gu mu wudzisa.

Luka 18:34

Gani olu, avo kha va nga si pima a gu vbweta gukhuye ginani. Maganelelo yale ma di si beli mapimoni gwawe, khu kharato, kha va nga bani va dziti a gu thula ginani.

Luka 2:50

Aholu avo kha va nga wu pima gwadi tshamuselo nya magana ya Jesu.

Luka 9:46

Tshigu mwedo vapizane va di ganedzisana, khu gu vbweta guti khu mani a gu khongolo vbakari gwawe.

Johane 12:16

Guhegulani, vapizane vaye kha va nga wuti tshamuselo nya satshavbo sesi, aholu gikhati Jesu a nga dhumiswago, va di dundruga gukhavo esi si lovidwe na si gu mu lumba, gumogo ni gu wona gukhavo khiso si nga tadzisega gwaye.

Johane 12:34

Gidzemo gi di mu hakha, khigyo: “Nayo wu ngu hi hevbudza nya gukhuwo Kristo a na vbanya kala gupindruga. Khu ginani u gukhuwe Mwamana wa Muthu a na ni fanelo nya gu khusedzwe? Khu mani Mwamana yoyo wa Muthu?”

Johane 14:5

Tomasi a di khuye: “Pfhumu, ethu kha hi guti iyo u hongolago, hi na yiti kharini ndzila yakone?”

Johane 4:33

Vapizane va di wudzisana khu gyawe, khavo: “Nari mani a nga mu reselago guhodza?”