Luka 9:38 - Bhibhiliya Nya Guage

³⁸ Vbakari gwawe a di duga mwama a nga khusedza lito, a lomba na gulumela, khuye: “Muhevbudzi, nyi ngu gu lomba gu, uta wona mwamana wangu, a gu uye wa moyo basi nyi gu naye.

Luka 9:38 Iomraidhean Croise

Genesi 44:20

Ethu hi hakhide ga pfhumu yathu, khethu: Hi na ni babe a gumbidego, ni ndriyathu a ngari gu gyanana, a mu velegidego wukhosaneni waye. Ndriyaye fude, gutshala uye basi ndrani ga mayi waye. Babe waye a gu mu gola ngudzu.

Zakariya 12:10

Aholu nyumbani ga Dhavhidhe ni ga vavbanyi vatshavbo va Jerusalerma nyi na thela Liphuvbo nya wuwadi nilo nya milombelo; va na khedza wule va mu payidego; va na mu lila gukhwatshi va gu lila gyanana gya gimwegyo basi, va garadzega khu uye, gukhwatshi va gu garadzega khu gyanana nya matiwula

Matewu 15:22

Khavbo avbo, nyamayi moyo nya mukhanani, a nga bani a guta khu phuvbo ga iyoyo, a di phela gu gulumela, khuye: “Pfhumu, Mwamana wa Dhavhidhe, nyi pwele wusiwana. Nyamahegyane wangu a ngu saniswa ngudzu khu liphuvbo nya guvivbe.”

Luka 7:12

Na va gu vboha dhoropani, va di kotsana ni muthu a nga bani a guya dzingwa, a diri gyanana gya gimwegyo gya mayime moyo nya noni. Va diromo vathu nya vangi va dhoropani mule va nga bani va gu hongola navo, na va gu bangaladza malile wule.

Luka 9:37

Gandra ni dzimindru, na va gu tshiga khu gigomoni, a di khingwa khu gidzemo nya gingi.

Luka 9:39

A na ni liphuvbo nya guvivbe. La gu mu dugela, la gu mu dzudza khu tshivba ni tshivba, li mu thesa vbavbatshi na gu ndrendremela gumogo ni gu womba dzihuwa ni gu pupuma liguvi khu kanani. Hwane nya gu mu khuyusele sivbango khavbo li mu digago.

Johane 4:47

Na pwide gupwani Jesu vbohide Galileya, na guta khu Judheya, a di mu khinga aya mu lomba gu a hongole gaya gwaye aya hawulugisa mwanaye a nga bani a gu hadza gufa.