Luka 9:32 - Bhibhiliya Nya Guage

³² Pedro ni vangana vaye va di wongomedwa khu ligovbe. Aholu, na va khendzugide, va di wona gungangamela ga Jesu ni madhota yale ya mavili ma nga bani mari naye.

Luka 9:32 Iomraidhean Croise

Isaya 60:19

Lidambo kha li na khala gambe wenengedzo wago wa vbamihanitunu, ambari gu wengwa khu ngima, kholu Pfhumu Nungungulu a na bani ari uye wenengedzo wago kala gupindruga, Nungungulu wago a na bani ari uye wudhumo wago.

Dhaniyeli 10:9

Khavbo avbo, nyi dipwa lito nya magana yaye, avbo nyi nga pwago magana yaye, nyi di thega khu khovbe mafuni, nyi titivala.

Dhaniyeli 8:18

A di ganela ni eni, na nyi titivade, khovbe yangu na yi pfugunyede mafuni. Khavbo avbo, uye a di nyi kuha a nyi khusa nyi ema.

Marko 14:40

Na wide gambe, a dita va mana na va lade, kholu maho yawe ma di tade khu ligovbe. Negi nya gu mu hakhe va di si giti.

Johane 1:14

Lito li di dzi gira muthu, li gu vbanya vbakari gwathu. Ethu hi wonide gidhumo gyaye, gidhumo li nga ningwago khu Babe waye, kha nga Mwamana wa moyo nya gutale khu wuhigo ni lisine.

Johane 17:24

“Baba, nya guvbweta gukheni vale u nyi ningidego va manege navo avbo nyi na gu manegago eni, gasi vafela gu wona gidhumo gyangu, gidhumo gile u nyi ningidego, kholu uwe u nyi gode na li si gu vangwi litigo.

2 Pedro 1:16

Kholu ethu gima kha ha mi hevbudzani silo nya gu si luge, gikhati hi nga mi tivisani Mahungu nya Yadi nya gute ga Pfhumu yathu Jesu Kristo nya gungangamele, nya gutale khu tshivba; kholu ethu hi wonide wugulu waye khu maho yathu.

1 Johane 3:2

Sigodwa sangu, ethu olu hi sanana sa Nungungulu, aholu, hi si gu dziti gukhethu hi na bani hiri ginani. Ethu ha guti esi nya gukhethu, gikhati Kristo a na dzi wonegisago, hi na fanana naye, kholu hi na mu wona wurumba waye, nga edzi a guromo khidzo.