Luka 9:22 - Bhibhiliya Nya Guage

²² A di engedza gambe, khuye: “Mwamana wa Muthu a na ni fanelo nya gusaniseke ngudzu ni gu nyenywa khu madhota, ni vakhongolo nya vaphasi ni vahevbudzi nya Nayo. A na songwa, aholu khu litshigu nya wuraru a na wuga.”

Luka 9:22 Iomraidhean Croise

Genesi 3:15

Nyi na vega livengo ga uwe ni nyamayi, ga gitugulwana gyago ni gitugulwana gyaye. Igyo gi na gu pfara hungo, uwe u na zama gu gi hodza gitshinandro.”

Dhaniyeli 9:26

Khu hwane nya livbandre na limwedo magumi dzisemana, Gihathwa gya Pfhumu, gi na songwa, kha gu na manega uye nya gu mu emele. Lidhoropa ni nyumba nya miphaso, si na khungumudwa khu dzinyimbi dza mufumeli a na gutago. Mahegiso gwaye gu na gira nga ndrambi yi resago nyimbi ni gu sasela nya gupfhungumule kala mahegiso; si vegisidwe kharato.

Zakariya 13:7

Uwe litshari, khuga u wugela Muhavisi wangu, ni gu wugela mwama a gu mubangaladzi wangu, a ngu ganela Pfhumu Nungungulu nya Tshivba Yatshavbo. Bayisa Muhavisi dzi fela gu phalalega dzinvuta, Eni nyi na thawuludza libogo nyi phasedzela avo nya vadugwane.

Matewu 17:12

Aholu eni nyi ngu mi embelani, kheni: Eliya dzude, aholu kha va mu tugula. Va di mu phara idzo va nga dzinago khidzo. Kharati nugo, va na sanisa Mwamana wa Muthu.”

Matewu 17:22

Na va tshanganide Galileya, Jesu a di va embela, khuye: “Mwamana wa Muthu a na ni fanelo nya gu ningedwe mandzani nya vathu,

Matewu 27:63

“Mwamangulu, hi ngu dundruga nya gukhethu mukanganyisi wule na nga gu vbanya a di nga ganela, khuye: ‘Nyi na wuga hwane nya matshigu mararu.’

Marko 8:31

Khavbo avbo, a di phela gu va hevbudza, khuye: “Mwamana wa Muthu a na ni fanelo nya gusaniseke ngudzu, a gu nyenywa khu madhota, ni vakhongolo nya vaphasi nya mhamba, ni vahevbudzi nya Nayo, a songwa. Aholu, khu litshigu nya wuraru a na wuga.”

Marko 9:31

kholu a di gu hevbudza vapizane vaye mahungu nya gukhuye: “Mwamana wa Muthu a na ningedwa mandzani ga vathu, va gu mu songa; aholu, hwane nya gubani na fude a na wuga khu litshigu nya wuraru.”

Luka 17:25

Aholu emedwe khu gu phela khu gu saniseka ngudzu ni gu nyenywa khu melana yoyu.

Luka 24:26

Gasi Kristo a di si emeli gu saniseka, afela gu bela wudhumoni gwaye, gani?”

Luka 24:44

Khavbo avbo, a di va embela, khuye: “Khayo aya magana nyi nga mi embelani na nyi ngari nanu, gikhati nyi nga, kheni: Womo fanelo nya gutadzisege satshavbo si nga lowago khu Mosi, khu Vaprofeti ni Dzindzimo, na si gu ganela khu eni.”

Luka 24:7

Mwamana wa Muthu emede gu ningedwa mandzani nya sighohi si mu khokhothela, aholu khu litshigu nya wuraru a na wuga.”

Luka 9:44

“Yingisani gwadi iso nyi vbwetago gu mi embela: Mwamana wa Muthu a ngu vbweta gu ningedwa ga va nya mayigo.”

1 Vakorinto 15:4

Dzingidwe, a wuga khu litshigu nya wuraru, kha nga yi ganelago Milowo nya Guage.

1 Pedro 1:11

Va zamide gu vbweta guti gikhati muni, matelo muni; Liphuvbo la Kristo li nga bani liri gwawe li va tiviside gikhati gyogyo khu gu va embela sisaniso a nga hadza gu si mana Kristo, ni wudhumo wu nga vbweta gu manega khu hwane nya iso.