Luka 9:16 - Bhibhiliya Nya Guage

¹⁶ Khavbo avbo, Jesu a di dzega sibaba sile nya livbandre ni dzindzandzi dza dzimbili, a gu khusedza maho a khedza vbatshani, gumogo ni gu bonga Nungungulu khu guhodza gule. Khu vbale, a di si pilela, a ninga vapizane va kabanisela gidzemo.

Luka 9:16 Iomraidhean Croise

Matewu 14:19

Hwane nya gu bani a rumide gidzemo gu khala vbavbatshi, avbo wu nga bani wu romo mwasi, a di dzega sibaba sile nya livbandre ni dzindzandzi dzimbili, a gu khusedza maho, a si kategisa; a di pilela sibaba a gu si ningela ga vapizane, avo va si kabanisela gidzemo.

Matewu 15:36

a dzega sibaba sile nya livbandre na sivili ni sindzandzyana sakone, a bonga, a si pilela, a si ningela ga vapizane, vapizane va si kabanisela vathu.

Marko 7:34

Khavbo avbo, a di khusa maho, a khedza a hefemula khu tshivba, a mu embela, khuye: “Efata” gutshamusago pwani, “Tulega.”

Luka 22:19

Khavbo avbo, a di dzega gibaba, na gu bonga, a di gi kabanisa, a va ninga, khuye: “Egi givili gyangu, gi na ningedwago khu kotani yanu; girani esi khu gialakanyo gyangu.”

Luka 24:30

Na khade vbamezatunu, a di dzega gibaba, a gi kategisa, a gi kabanisa, a va ninga.

Luka 9:15

Avo va di gira iso va nga rumwa, va gu khadzisa vathu vbavbatshi.

Luka 9:17

Vatshavbo va di hodza, va kura; bwelo khavbo va gu tadza likhumi na sivili situndru khu sipandre si nga tshalago.

Johane 6:11

Khavbo avbo, Jesu, a di dzega sibaba a si kategisa, a si kabanisela ga avo va nga bani va khade; na dzegide dzindzandzi, a di gira idzosaye. Vatshavbo va di hodza idzo va nga dzinago khidzo.

Johane 6:23

Dzi di vbohide dzimbe dzingalava khu Tibheriyade vbafuvbi ni vbale va nga hodzago sibaba si nga kategiswa khu Pfhumu.

Mithumo 27:35

Na gu ganela esi, Pawulo a di dzega gibaba, a bonga Nungungulu mbeli ga vatshavbo, a gi pila a phela gu hodza.

Varoma 14:6

Oyu a gukhuye matshigu nya gukari makhongolo, a gu girela gu rungudza Pfhumu. Oyu a hodzago satshavbo a ngu rungudza Pfhumu, kholu a ngu bonga Nungungulu. Oyu a si hodzigo nuye a gu girela gu rungudza Pfhumu, a ngu mu bonga nuye.

1 Vakorinto 10:30

Nya gu bonga Nungungulu khu guhodza nyi hodzago, khu ginani va nga nyi lembago khu kotani nya esi nyi bongago khiso Nungungulu?

1 Vakorinto 11:24

a bonga Nungungulu, a gi pila a ganela, khuye: “Egi khu givili gyangu gi ningedwago khu kotani yanu. Girani esi kha nga gialakanyo gyangu.”

1 Samuweli 9:13

Mwa gu bela dhoropani, mu na dzegela gu mu mana na si gu gweli wulangani nya gigomo gasi guya hodza; kholu vathu kha va na hodza na si gu vbohi, uye khuye a kategisago phaso, khu hwane, khavbo va hodzago vale va rambidwego. Gwelani khu guvbiredza, mu naya dzegela gu mu mana.