Luka 8:54 - Bhibhiliya Nya Guage

⁵⁴ Gasi uye, na gi pharide khu libogo, a di gi rana khu tshivba, khuye: “Nyamahegyane, wuga.”

Luka 8:54 Iomraidhean Croise

Jeremiya 31:32

Aholu gi na hambana ni gile nyi giridego ni vababe vawe, litshigu nyi va pharidego khu libogo gasi gu va dusa tigoni ga Egipito; aholu avo va digide gidzumeledzwano gyangu, khu guralo, eni nyi di hambana navo; a ngu ganela Pfhumu Nungungulu.

Matewu 9:25

Na va dugide vatshavbo vbavbandze, Jesu a di bela. Na mu pharide khu libogo, nyamahegyane a di wuga.

Marko 1:31

Na mu yede, a diya mu phara khu libogo a gu mu wusa. Khavbo avbo, feveri yi di dzegela guvbindra, a gu wuga a va sayisa.

Marko 8:23

A di dzega gikhumu a gi phara khu libogo, a gu duga naye vbavbandze nya talala. A di mu todza dzindrura mahoni a mu handzega mandza, a mu wudzisa, khuye: “U ngu wona gilogyo, gani?”

Marko 9:27

Aholu, Jesu a di gi phara khu libogo a gi wusa, gikhwathana gi di khuga gi ema.

Luka 8:51

Na vbohide ndrangani kha dzumedzisa gu bela nyumbani vambe vathu, vbavbandze ga Pedro, Johane ni Jakobe, ni vavelegi va gyanana.

Luka 8:53

Kha nga ulo va nga bani va gu dziti nya gukhavo gyanana gi fude khu lisine, va di mu hega.

Luka 8:55

Hefemulo waye wu di wuya, a gu dzegela gu wuga, a khuga a ema. Jesu a di va ruma gu mu ninga guhodza.

Johane 11:43

Na ganede esi, a di khusedza lito, a gu rana, khuye: “Lazaro, duga vbavbandze.”

Johane 5:21

Kha nga ulo Babe a wusago va nya gufa ni gu va ninga womi, kharato nuye Mwamana a na vbanyisa avo a vanago.

Mithumo 9:40

Aholu, Pedro, na rumide vathu vatshavbo gu duga vbavbandze, a di khidzima a gira nombelo. Na thendregedzide a khedza girumbi, a di khuye: “Tabhita, wuga!” Uye a di hapfhula; na wonide Pedro, a di khala khu giwunu.

Varoma 4:17

Kha nga yi ganelago Milowo nya Guage, yi gukhiyo: “Eni nyi gu giride babe nya mayigo nya mangi,”Abrahama khade babe wathu mbeli gwa Nungungulu a gu uye a vbanyisago va nya gufa, a tumbunugisago silo si nga bani siri mwalo.