Luka 8:47 - Bhibhiliya Nya Guage

⁴⁷ Nyamayi wule na wonide nya gukhuye tugudwe, a di hidzimela, na gu ndrendremela. Na dzi theside migondroni gwaye, a di ganela na gu pwidwa khu vathu vatshavbo, iso si nga mu gira gu a khuhe Jesu, nidzo a nga dzegela gu hawuluga khidzo.

Luka 8:47 Iomraidhean Croise

Dzindzimo 2:11

Khozelani Pfhumu Nungungulu khu githawo mu tsaka ni gu ndrendremela mbeli gyaye.

Dzindzimo 38:9

Pfhumu, gusuva gwangu gomo mbeli gwago, khu hangwi khu gudilela gwangu.

Dzindzimo 66:16

Deluni enu mwatshavbo mu gu ni githawo ga Nungungulu, deluni mu ta nyi yingisa nyi na mi embeledzela mithumo a nyi giredego.

Isaya 66:2

Kholu mandza yangu, khayo ma giridego silo satshavbo sesi, ni silo satshavbo sesi si di girega; a ngu ganela Pfhumu Nungungulu, aholu nyi na khedza uye a dzi thesago vbavbatshi: Wule a gu ni monyo wu khuvegidego, sisiwana ni vale va ndrendremelago khu gupwa magana yangu.

Hoseya 13:1

Avbo Efrayimi a nga bani na gu ganela, vathu va di ndrendremela, a di khusedzidwe tigoni ga Israyeli. Aholu a dzi rwegide nandru khu gu khozela Bhahali, uye fude.

Hoseya 5:3

Efrayimi nyi ngu muti; Israyeli nuye kha na nyi sihalela, kholu, olu, uwe Efrayimi u dzi ningedzede wubhayini, litigo la Israyeli li nyenyezide.

Habhakuka 3:16

Avbo nyi nga mupwago, monyo wangu wu di ndrendremela, khu lito laye, sigundru sangu si di ndrendremela, maramboni gwangu gu bela guhina, eni na nyi gu ndrendremela; a na nyi hefemudze litshigu nya wuvi na nyi tangade, avbo a na gutago ata wugela vathu a va tsayisa.

Matewu 28:8

Vanyamayi vale, na va tade khu hwanga, gumogo ni gunengela, va di khuga khu vbale khu guvbiredza, va gu tutuma, gasi guya tivisa vapizane.

Marko 5:33

Nyamayi wule, khu hwanga ni gu ndrendremela khu guti esi si nga mu dugelelago, adiya khidzima migondroni gwaye a mu embela lisine latshavbo.

Luka 8:46

Aholu Jesu a di engedza gambe, khuye: “Womo a nyi khuhidego, kholu nyi ngupwa nya gukheni yi dugide tshivba khavbo gwangu.”

Luka 8:48

Jesu a di mu embela, khuye: “Mwanangu, gukhodwa gwago gu gu vbanyiside; indra khu gurula.”

Mithumo 16:29

Khavbo avbo, ghadhi yi di lomba kandriya yi gu bela khu guvbiredza na yi gu ndrendremela, yi ya khidzima mawundruni ga Pawulo ni Silasi.

1 Vakorinto 2:3

Nyi di khala nanu khu gu dzi sodzisa ni githawo, nyi ndrendremela ngudzu khu hwanga.

2 Vakorinto 7:15

Lihaladzo laye khu enu la gu engedzela ngudzu, a gu dundruga gu yingisa gwanu mwatshavbo edzi mu nga mu hakha khidzo khu githawo nya gikhongolo ngudzu.

Vafilipi 2:12

Khu kharato, vandriyangu, sigodwa sangu, kha nga mu nyi yingisidego gikhati gyatshavbo nyi khadego vbakari gwanu, nyi yingiseni gambe ni olu nyi guromo hwindzo. Thumelani guvbanyiswa gwanu khu githawo ni gu dzi nogisa,

Vahebheru 12:28

Khu guralo, hongoleni hi bonge, kholu, hi hakhide Mufumo wa ndzadzini, owu wu si kodzigo gu kutsungwa. Hongoleni hi bonge, hi khozela Nungungulu khu magirelo nya gu mu tsakise ni githawo.

1 Samuweli 16:4

Khu guralo, Samuweli a di gira iso a nga embedwago khu Pfhumu Nungungulu, a ta Bhetlehema. A di khingwa khu madhota ya dhoropani, na va gu ndrendremela va mu wudzisa, khavo: “Guta gwago khwa gurula, gani?”