Luka 8:46 - Bhibhiliya Nya Guage

⁴⁶ Aholu Jesu a di engedza gambe, khuye: “Womo a nyi khuhidego, kholu nyi ngupwa nya gukheni yi dugide tshivba khavbo gwangu.”

Luka 8:46 Iomraidhean Croise

Luka 5:17

Tshigu mwedo, Jesu, a di gu hevbudza, vbakari nya vathu va nga bani va mu yingisa. Va diromo navo vafarisi ni vahevbudzi nya Nayo va nga tago khu Galileya, khu Judheya ni Jerusalema. A di gu hawulugisa madwali khu tshivba ya Pfhumu.

Luka 6:19

Vathu vatshavbo va di vbweta gu mu kuha, kholu yi di gu duga khu mu givilini gyaye tshivba yi nga bani yi gu hawulugisa vatshavbo.

Luka 8:47

Nyamayi wule na wonide nya gukhuye tugudwe, a di hidzimela, na gu ndrendremela. Na dzi theside migondroni gwaye, a di ganela na gu pwidwa khu vathu vatshavbo, iso si nga mu gira gu a khuhe Jesu, nidzo a nga dzegela gu hawuluga khidzo.

1 Pedro 2:9

Aholu, enu mu lifumbu li hathidwego, mu vaphasi va Pfhumu, mu lihundzu li agisedwego Nungungulu, mu vathu mu lumbago uye. Enu mu hathidwe gasi mu huwelela tshivba ya Nungungulu, a mi ranidego mu duga gidemani, muta wenengedzoni gwaye nya gusamadzise.