Luka 8:44 - Bhibhiliya Nya Guage

⁴⁴ A di hidzimela khu hwane gwa Jesu, aya mu kuha tshoka nya libhadzi laye. Khavbo avbo, a di dzegela gu hawuluga, novba wu guhegisa gu duga.

Luka 8:44 Iomraidhean Croise

Ekisodha 15:26

“Wa gu yingela lito la Pfhumu Nungungulu khu monyo wago watshavbo, u thuma ogu gu lulamidego mahoni gwaye; wa gu yingela milayo ni sileletelo saye satshavbo, gima kha nyi na rumela gwago mitungu nya nga eyi nyi tshanisidego khiyo Vagipiti, kholu Eni kheni Pfhumu Nungungulu nyi gu vbanyisago.”

Matewu 20:34

Na pwide gisiro, Jesu a di va kuha maho. Ma di dzegela gu tulega, va gu mu landra.

Matewu 8:3

Jesu na mu handzegide mandza, a di mu embela, khuye: “Nyi ngu dzina, hawuluga!” Mudwali wule a di dzegela gu hawuluga.

Matewu 9:20

Khavbo avbo, nyamayi moyo a nga bani a dwala khu gu dugelela novba gipimo nya likhumi na mivili myaga, a di hidzimela khu hwane gwaye aya kuha tshoka nya mwendra waye.

Marko 6:56

Ni evbini a nga bani a gu bela, mitalalani, madhoropani ni dzindrangani, va di vega vadwali dzindzilani, gasi a va hawulugise, va mu lomba gu va dzumedzisa gu kuha tshoka nya ngandzu yaye. Ava va nga mu kuha, vatshavbo va di hawuluga.

Luka 13:13

A di mu handzega mandza. Khavbo avbo, nyamayi a di dzegela gu ololoka, a phela gu rungudza Nungungulu.

Luka 7:38

ata khala khu hwane gwaye na gu lila. A di naganisa migondro ya Jesu khu marongo, a gu yi bavbulela khu ndzudzu waye, a gu yi bhejari ni gu yi todza mafura nya gunungele.

Luka 8:43

Vbakari gwawe a di romo nyamayi moyo a nga bani ari ni madwali nya gudugelele novba. Giride gipimo nya likhumi na mivili myaga, na gu phalalegisela thomba yaye yatshavbo dzinyangani, nyamba mana ni mweyo nya gu mu vbanyise.

Luka 8:45

Jesu a di wudzisa, khuye: “Khu mani a nga nyi kuha?” Kha nga ulo vatshavbo va nga ganedzago. Pedro ni vangana vaye a di khuye: “Muhevbudzi, vathu va gu gundrago ni gu gu rindrividza maphuvbo yatshavbo nu gukhuwe: Khu mani a nga nyi kuha.”

Johane 5:13

Gani olu uye a disi muti uye a nga mu vbanyisago, kholu a di dzimeledwa khu Jesu, khaguva gu diri ni vathu nya vangi wulanga wowo.

Mithumo 19:12

gu di vboha avbo vathu va nga dzega sikhongelo va gu kuha khiso mili waye, va gu si yisa ga vadwali va gu hawuluga, ni maphuvbo nya guvivbe ma gu duga ma hongola.

Mithumo 5:15

Va di dzega vadwali va gu va rwala khu mathatho mu dzindzilani, gasi gikhati Pedro a vbindrago va kuhwe khu mwedzi waye.

Dhewuteronome 22:12

U na lugelela matshakafula umo nya dzitshoka dza dzina nya gifenengelo u na fenengelago.