Luka 8:37 - Bhibhiliya Nya Guage

³⁷ Vathu vatshavbo va tigoni ga Gerazi, va di mu lomba gu a khuge tigoni gwawe, kholu va di tade khu hwanga. Jesu a di bela ngalavani a gu khuga khu vbale.

Luka 8:37 Iomraidhean Croise

1 Dzipfhumu 17:18

Nyamayi a di embela Eliya, khuye: “Gasi mahungu muni nyi gu navo eni ni uwe, muthu wa Nungungulu? U dzude avba gasi guta nyi alakanyisa sighoho sangu ni gu songa gyanana gyangu, gani?”

Matewu 8:34

Vathu vatshavbo va dhoropani va di yela Jesu gasi guya mu lomba gukhavo a khuge tigoni gwawe.

Marko 5:17

Khavbo avbo, vathu va di mu lomba gu a khuge tigoni gwawe.

Luka 10:16

Khu guralo, a di embela vapizane, khuye: “Uye a yingisago enu, kheni a nyi yingisago; gasi uye a nyenyago enu kheni a nyi nyenyago. Kholu wule a nyi nyenyago, a gu nyenya wule a nga nyi rumelago.”

Luka 5:8

Na wonide esi, Simoni Pedro a di dzi thesa migondroni ga Jesu, khuye: “Leya uya hwindzo gwangu, Pfhumu, kholu nyi gighohi!”

Luka 8:28

Na wonide Jesu, a di dzi thesa migondroni gwaye, na gu gulumela khu tshivba, khuye: “Ginani nyi nga gu ghohela, Jesu, Mwamana wa Nungungulu a Khusegidego ngudzu? Nya gu lomba gukheni u nga nyi tshanisi.”

Luka 8:36

Avo va nga si wonago va di va embela idzo a nga vbanyiswago khidzo madwali mwama wule.

Luka 8:38

Muthu wule a nga duswago maphuvbo nya guvivbe a di mu lomba gu hongola naye, aholu Jesu a di mu embela, khuye:

Luka 9:5

Gasi vale va na gumba mi hakha, gikhati mu dugago tigoni gwawe, phuphuthani kudzudzwane migondroni gwanu, kha nga wufakazi vbakari gwawe.”

Luka 9:56

Kholu Mwamana wa Muthu kha tela guta pfhungumula mihefemulo ya vathu, aholu guta yi vbanyisa. Va di vbindra vaya ga wumbe talala.

Mithumo 16:39

Va di ta va lomba divalelo, va duga navo vbavbandze, va gu va khongotela gu duga khu dhoropani.

Dhewuteronome 5:25

Gasi olu, hi ngafa khu ginani? Kholu nilo yoyu nya wukhongolo khongolo na hi dagarede khuwo; naripwani hi di simamide gu yingisa lito la Pfhumu Nungungulu hi di hadza gufa.

1 Samuweli 6:20

Khavbo avbo, vathu va Bheti-Semesi, va di ganela, khavo: Khu mani a yelago gu ema mbeli ga Pfhumu Nungungulu, Nungungulu yoyu nya gukatege? Ngasa yaye hi na yi rumela hayi gasi yi kodza gu manega hwindzo nethu?