Luka 8:35 - Bhibhiliya Nya Guage

³⁵ Va di hongola vathu, gasi guya wona iso si nga dugelelago. Na va vbohide avbo a nga bani a romo Jesu, va diya wona wule a nga bani ari ni maphuvbo nya mandriki, na khade migondroni gwaye, na ambade dzingandzu dzaye, nari ni mapimo yaye yatshavbo, va di khala hwanga.

Luka 8:35 Iomraidhean Croise

Dzindzimo 51:10

Nungungulu, vega monyo nya wadi ndrani gwangu u wusedza liphuvbo nya gutiye monyoni gwangu;

Isaya 53:12

Khu guralo, nyi na mu ninga vathu nya vangi, kha nga gipandre gyaye nya thomba, a na kabana phango gumogo ni sitetema; kholu a di ningela womi waye a songwa; a sayedwa gumogo ni sighohi, gikhati a rwadego sighoho sa vathu nya vangi, a di lombelela khu sighohi.

Matewu 4:24

Ndruma yaye yi di phalalega ni Siriya gwatshavbo. Va di mu resela vatshavbo avo va nga bani vari ni madwali ni dzingumbe nya dzingi ni simbe sigaradzo; avo va nga bani vari ni maphuvbo nya guvivbe, va nya guhandruga ni va nya sitshira, ni sikhurubwa. A di va hawulugisa vatshavbo.

Marko 5:15

Na va vbohide avba a nga bani a romo Jesu, va di wona muthu wule a nga bani ari ni maphuvbo nya guvivbe na khade, na ambade dzingandzu dzaye, nari ni mapimo yaye yatshavbo, va di khala hwanga.

Luka 10:39

Uye a diri ni ndriyaye nya gupwani khu Mariya, uye a ngata khalago vbafuvbi ga Pfhumu, gasi gupwa magana yaye.

Luka 15:17

Khavbo avbo, a di wuyisa mapimo, a gu hingigedza, khuye: Olu gaya, sithumi sa babe wangu si ngu hodza si khura, eni avba nyi ngu fa khu ndzala!

Luka 2:46

Hwane nya matshigu mararu va diya mu mana Nyumbani ga Nungungulu na khade vbakari nya vahevbudzi nya Nayo a va yingisa gumogo ni gu va wudzisa.

Luka 8:27

Na dugide khu ngalavani, Jesu a di khingwa khu mwama moyo a nga bani a guta khu dhoropani. Mwama yoyo a diri ni maphuvbo nya mangi nya guvivbe. Adiri gale a nga bani a gu khala nyamba ambala gilo a di si khali ndrangani, a di vbanyela marowoni.

Luka 8:34

Vahavisi vakone, na va wonide esi, va di thava, vaya bika mahungu yaya madhoropani ni dzindrangani.

Mithumo 22:3

“Eni nyi Mujudha, nyi givelegwa gya Tarisu, tigoni ga Silisiya. Aholu nyi dandrede dhoropani momu ga Jerusalema. Nyi hevbude gambe omu, ga Gamaliyeli, gu landrisa milayo ya vababe vathu khu githawo. Nyi di khathalela Nungungulu khu tshivba, nga edzi enu mwatshavbo mu mu khathalelago khidzo muhuno.

1 Johane 3:8

Oyu a simamago gu ghoha a gu lumba Sathane. Kholu Sathane ghohide gukhugela guhegulani. Mwamana wa Nungungulu a dzi wonegiside khu kotani nya isoso; guta pfhungumula mithumo ya Sathane.