Luka 8:30 - Bhibhiliya Nya Guage

³⁰ Jesu a di mu wudzisa, khuye: “Khuwe mani, lina lago?” Mwama a di hakha, khuye: “Kheni lidhuma.” A di hakha kharati, kholu maphuvbo nya mangi a nga bani ari nawo.

Luka 8:30 Iomraidhean Croise

Matewu 26:53

Wa gu pimisa nya gukhuwe nya gu tandrwa khu gu lomba ga Babe wangu gu a nyi rumela nugunugu likhumi na sivili sikwata nya dzingilozi, ni gu vbindrisa, gani?

Matewu 4:24

Ndruma yaye yi di phalalega ni Siriya gwatshavbo. Va di mu resela vatshavbo avo va nga bani vari ni madwali ni dzingumbe nya dzingi ni simbe sigaradzo; avo va nga bani vari ni maphuvbo nya guvivbe, va nya guhandruga ni va nya sitshira, ni sikhurubwa. A di va hawulugisa vatshavbo.

Matewu 8:29

Avo va di gulumela, khavo: “Ginani hi nga gu ghohela, Mwamana wa Nungungulu? U tede guta hi tshanisela ginani, na gi si gu vbohi gikhati gyakone?”

Marko 16:9

Na wugide khu gufani ni dzimindru nya litshigu nya guhegule nya semana, Jesu a di hegula khu gu dzi wonegisa ga Mariya Madhalene, wule a nga mu dusa livbandre na mavili maphuvbo nya guvivbe.

Marko 5:9

Khavbo avbo, Jesu a di mu wudzisa, khuye: “Gasi khuwe mani lina lago?” Uye a di mu hakha, khuye: “Kheni lidhuma, kholu hi vangi.”

Luka 8:2

va diri naye vanyamayi vale a nga va vbanyisago khu gu va tutumisela maphuvbo nya guvivbe ni gu va hawulugisa dzingumbe nya gutale. Adiri avo: Mariya Madhalene, a nga mu dusela livbandre na mavili maphuvbo nya guvivbe,

Luka 8:29

A di ganela kharati, kholu Jesu a nga ruma liphuvbo nya guvivbe gasi li mu dige; kholu ilo li di gu mu sanisa dzinyondro nya dzingi. A di gu hungwa khu makhetshe ni gu thedwa maphili, aholu a di kavila ni gu pandra satshavbo, a gu pepudwa khu liphuvbo lile aya giwulani.