Luka 7:7 - Bhibhiliya Nya Guage

⁷ Nyi di dzipwa na nyiri mwalo fanelo nya gu gu khinge; aholu rumela lito limwedo lago basi, githumi gyangu gi na hawuluga.

Luka 7:7 Iomraidhean Croise

Dzindzimo 107:20

A di rumela magana Yaye aya va vbanyisa, a va vbulugisa gufa.

Dzindzimo 33:9

Kholu uye a di ganela, si girega satshavbo; uye a ruma, satshavbo si girega.

Ekisodha 15:26

“Wa gu yingela lito la Pfhumu Nungungulu khu monyo wago watshavbo, u thuma ogu gu lulamidego mahoni gwaye; wa gu yingela milayo ni sileletelo saye satshavbo, gima kha nyi na rumela gwago mitungu nya nga eyi nyi tshanisidego khiyo Vagipiti, kholu Eni kheni Pfhumu Nungungulu nyi gu vbanyisago.”

Marko 1:27

Vatshavbo va di liwuga va gu wudzisana, khavo: “Nari ginani egi? Mu ngu wonani gihevbudzo giphya nya gutale khu tshivba! A dzi kodzago gu kawuka maphuvbo nya guvivbe ma gu mu yingisa.”

Luka 4:36

Vatshavbo va di liwuga, va gu wudzisana khu gyawe, khavo: “Sa gutshamusa ginani esi? Nya gu muthu a dzi kodza gu ruma maphuvbo nya guvivbe ayo, ma gu yingela!”

Luka 5:13

Jesu a di mu handzega mandza, na gukhuye: “Nyi ngu dzina, aga” Khavbo avbo, sokono yi di dzegela gu duga gwaye.

Luka 7:6

Jesu a di hongola navo. Na va vbweta gu vboha ndrangani, muthangeli nya masotshwa a di rumela mwango khu dzipari dzaye, khuye: “U nga dzi garadzi, Pfhumu, kholu nyi mwalo fanelo nya gu uwe u bele ndrangani gwangu.

Luka 7:8

Kholu, eni neni, ambari nyi gu ni vakhongolo vangu, nyi na ni masotshwa nyi ma rumago neni. Mumbe gu mu ruma, kheni: ‘Indra’, a gu hongola; mumbe, kheni: ‘Delu’, ata; githumi gyangu, kheni: ‘Gira egi’, gi gira.”

Dhewuteronome 32:39

Gasi olu, wonani gwadi gukhenu, Eni kheni nyi gu Nungungulu, mwalo mumbe nungungulu vbavbandze ga Eni! Eni kheni nyi ningago guvbanya ni gufa, Eni nyi ngu songa ni guvbanyisa, mwalo a vbulugago mandzani gwangu.

1 Samuweli 2:6

Pfhumu Nungungulu khuye a songago ni gu ninga womi; a ngu kodza gu reledza vathu thowoni ni gu va dusa khumo.