Luka 7:6 - Bhibhiliya Nya Guage

⁶ Jesu a di hongola navo. Na va vbweta gu vboha ndrangani, muthangeli nya masotshwa a di rumela mwango khu dzipari dzaye, khuye: “U nga dzi garadzi, Pfhumu, kholu nyi mwalo fanelo nya gu uwe u bele ndrangani gwangu.

Luka 7:6 Iomraidhean Croise

Genesi 32:10

eni nyi mwalo fanelo nya wuhigo wago watshavbo ni gutumbega gwatshavbo u gu wonegisidego ga eni githumi gyago, kholu guta gwangu nyi tsemakanyide tsongo yoyu wa Joridhani na nyiri ni ndronga basi mandzani, olu nyi mune nya mitsawa mivili.

Mavingu 29:23

Muthu nya matshandza a na vbwasamiswa, aholu uye nya gu dzi nogise a na khusedzwa.

Matewu 20:28

Kholu Mwamana wa Muthu nuye kha tela guta thumedwa, aholu guta thumela ni gu ningela womi waye gasi gu dzegisa va nya gutala.”

Matewu 3:11

Eni nya gu mi bhapatisa khu mati, gasi mu vbindrugedze; aholu uye a tago khu hwane gwangu a na ni tshivba gu nyi vbindre; eni nyi mwalo fanelo nya gutshule silato saye. Uye a na mi bhapatisa khu Liphuvbo nya Guage ni nilo.

Marko 5:24

Jesu a di hongola naye, a landrwa khu gidzemo nya gingi gi nga bani gi mu gundra maphuvbo yatshavbo.

Luka 5:8

Na wonide esi, Simoni Pedro a di dzi thesa migondroni ga Jesu, khuye: “Leya uya hwindzo gwangu, Pfhumu, kholu nyi gighohi!”

Luka 7:4

Na va vbohide ga Jesu, va diya mu lomba pharamawundru, khavo: “Uye a ngu fanela gu giredwa wuhindzi wowo,

Luka 7:5

kholu a ngu gola va na gyathu; gambe khuye a nga hi vbahela nyumba nya nombelo.”

Luka 7:7

Nyi di dzipwa na nyiri mwalo fanelo nya gu gu khinge; aholu rumela lito limwedo lago basi, githumi gyangu gi na hawuluga.

Luka 8:49

Na nga guganela, wu di vboha mwango khu ndrangani ga muthangeli nya nyumba nya nombelo, wuta khuwo: “Mwanago fude; u nga garadzi gambe Muhevbudzi.”

Mithumo 10:38

Nungungulu a di tadza khu tshivba nya Liphuvbo nya Guage Jesu wa Nazareta uye a nga gimbilago malangani yatshavbo, na gu gira silo nya sadi ni gu hawulugisa vathu vatshavbo va nga bani va gu saniswa khu Sathane, kholu Nungungulu a diri ni uye.

Jakobe 4:10

Dzi sodziseni mbeli ga Pfhumu, uye a na mi khusedza.

Jakobe 4:6

Uye a ngu ninga giphaso; kholu, Milowo nya Guage yari, khiyo: “Nungungulu a ngu wugela va nya matshandza, a phasedzela va nya gu dzi nogisa.”