Luka 7:46 - Bhibhiliya Nya Guage

⁴⁶ Uwe khwa nyi phorodza mafura hungoni; gasi uye a nyi todzide migondro khu mafura nya gunungele.

Luka 7:46 Iomraidhean Croise

2 Samuweli 12:20

Khavbo avbo, Dhavhidhe a di wuga khu vbavbatshi, a hamba, a tola mafura, a ambala dzimbe dzingandzu, a bela Nyumbani ga Pfhumu Nungungulu, aya khozela. A di wuya nyumbani gwaye ata lomba gukhuye va mu ninga guhodza a hodza.

2 Samuweli 14:2

a di rumela va mu resela khu Tekowa, nyamayi moyo nya gugengele ni guti ata mu embela, khuye: “Gira gukhwatshi wa gu vbisega ngudzu, u ambala dzitshalu nya gililo, u nga toli mafura, dzi gire kha nga khwatshi u malile khu gale khu kotani nya gufedwe.

Dzindzimo 104:15

Mafu ma ngu ninga vbinyu yi tsakisago myonyoni nya vathu, mafura ma nyelugisago dzikhovbe, ni guhodza gu wusedzago tshivba.

Dzindzimo 23:5

U ngu nyi dongisela buzo, mbeli ga valala vangu, u ngu nyi phorodza mafura hungoni gikombe gyangu gi ngu vbalagela.

Muhevbudzi 9:8

Gikhati gyatshavbo ambala dzingandzu nya guage, u tola mafura nya gunungele hungoni gwago.

Dhaniyeli 10:3

Nyi di si hodzi guhodza nya gutshambe, nyama, ambari gu sela vhinya, ambari gu tola mafura nya gunungele, kala guvbindra semana tharu.

Amosi 6:6

Enu mu selago vbinyu khu mikanvu, mu tola mafura nya lisima, gambe kha mu khathali khu gumbembiswa ga Josefa.

Mikeya 6:15

U na yala, aholu khu na nga vbwera; u na gamela dziolivha, aholu khu na tola mafura yakone; u na gamela dziuvha, aholu khu na sela vbinyu yakone.

Matewu 6:17

Gasi uwe, wa gu hala, hamba khovbe, u phorola mafura hungoni,

Luka 7:47

Khu kharato, nyi ngu gu embela, kheni: A ngu tsetseledwa sighoho saye nya singi, kholu yeyedzide lihaladzo nya likhongolo. Aholu wule a tsetseledwago silo nya sidugwana, a ngu gola vbadugwana.”

Rute 3:3

Khu guralo, hamba u tola mafura, u ambala guambala gwago nya gwadi, u relela githalatunu; aholu u nga dzi tugudzisi gwaye, na si gu vbedzi gu hodza ni gu sela.