Luka 7:44 - Bhibhiliya Nya Guage

⁴⁴ A di thendregedza a gu khedza nyamayi wule, a embela Simoni, khuye: “U ngu mu wona nyamayi yoyu? Eni nyi bede ndrangani gwago, khwa nyi ninga mati nya guhandze migondro yangu; gasi uye a nyi handzide migondro khu marongo yaye, bwelo khavbo a yi bavbulela khu ndzudzu waye.

Luka 7:44 Iomraidhean Croise

Genesi 18:4

Nyi na rumela gu reswe mati madugwana mu ta hambani mawundru, mu hefemula mutsani nya simbo yoyu.

Genesi 19:2

A di ganela, khuye: “Nyi ngu mi lombani dzipfhumu dzangu! Belani nyumbani ga githumi gyanu, nyi na mu handza mawundru gasi mu hefemule wutshigu wowu; mindru mu na vindrugela gu bela ndzilani gwanu.” Aholu avo va di hakha, khavo: “Ahihi. Ethu ha gu vbweta gu khala vbavbandze.”

Genesi 43:24

Muthangeli wule a di va bedza nyumbani ga Josefe; a va ninga mati va hamba mawundru; a va ninga gambe mwasi sirengo sawe.

2 Samuweli 11:8

Khu hwane Dhavhidhe a di embela Uriya, khuye: “Indra gaya gwago uya hamba migondro yago.” Avbo Uriya a nga dugago khu nyumbani nya wufumu, a di landredwa khu giningwa nya gudugele nyumbani ga mufumeli.

Luka 7:38

ata khala khu hwane gwaye na gu lila. A di naganisa migondro ya Jesu khu marongo, a gu yi bavbulela khu ndzudzu waye, a gu yi bhejari ni gu yi todza mafura nya gunungele.

Luka 7:43

Simoni a di hakha, khuye: “Khu lisine, nya gu wona gukheni khu wule a nga mu tsetselela mangava nya mangi.” Jesu a di mu embela, khuye: “U hakhide gwadi.”

Johane 13:5

Khavbo avbo, a di thela mati gyomboni, a phela gu handza migondro vapizane, a va bavbula khu tuwayi a nga bani a sumede.

1 Thimoti 5:10

Gu vbwetega a tidwa nga nyamayi moyo a giridego mithumo nya gululame, a hevbudzidego gwadi sanana saye, a kodzago gu hakha sisiwana, a dzi vegidego vbavbatshi thumoni nya vakhodwa, a phasedzedego sisiwana sigaradzoni gwawe, a thumidego mithumo yatshavbo nya yadi.

Jakobe 2:6

Aholu, enu mwa gu nyenya sisiwana. Ina khandriso sitetema si mi sololago si mi yisani phathani muya lamudwa, gani?

Valamuli 19:21

A di mu dzega a mu yisa gaya gwaye, aya mu ninga lihawo nya dziburu dzaye; va di hamba migondro, va hodza ni gu sela.

1 Samuweli 25:41

Khavbo avbo, Abhigayili a di kuga a khidzima a kuha mafu khu khovbe, a ganela, khuye: “Githumi gyago nyi velegedwe gu handza migondro ya sithumi sa mune wangu.”