Luka 7:41 - Bhibhiliya Nya Guage

⁴¹ Jesu, khuye: “A diromo muthu a nga bani a fiyariside dzitsapawu vathu vavili: Moyo wakone a diri ni mangava nya livbandre mazana (500) dzipondro; mumbe, lizana dzikinyeta.

Luka 7:41 Iomraidhean Croise

Isaya 50:1

Pfhumu Nungungulu a ngu ganela kharati, khuye: “Lomo hayi lidangalila nya musi li fakazago gukhilo nyi hude mayi wanu? Mwendro khu mani nyi gu na ni mangava naye, nyi mu rengisidego gwanu? Wonani gukhenu khu kotani nya sighoho sanu, khiso si mi rengisidego, gambe mayi wanu hudwe khu kotani nya sighoho sanu.

Jeremiya 3:11

Aholu Pfhumu Nungungulu a di nyi embela, khuye: “Israyeli ambari a ngamba tumbega, nandru waye wu vbevbugide guvbindra wa Judha a nga nyi kanganyisa.”

Mitengo 27:3

va ganela, khavo: “Babe wathu fude giwulani, aholu a diri mwalo vbakari nya avo nya tsawa wa Kore va nga wugelago Pfhumu Nungungulu. Aholu uye fude khu kotani nya sighoho saye, nyamba tshiya sanana nya sikhwathana.

Matewu 18:28

Na dugide khu vbale, a di mana mungana waye a nga bani a mu fiyaride lizana dzitsapawu. A di mu dzwinya ngolo, a mu sokhovedza, na gukhuye: ‘Livba mangava yangu!’

Matewu 6:12

Hi pwele sihoso sathu, kha nga ethu hi va pwelago avo va hi hoselago.

Marko 6:37

Aholu uye a di va hakha, khuye: “Va ningeni enu guhodza.” Vapizane va di khavo: “Ina wa gu pimisa nya gukhuwe khu mazana mavili nya dzitsapawu hi nga dzi kodza gu renga sibaba nya guenedze vathu, gani?”

Luka 11:4

Hi tsetselele sihoso sathu, kha nga ethu hi tsetselago avo va hi hoselago. U nga hi digi hi thega mu gusengwani.’ ”

Luka 12:48

Gasi gile gi na girago, khu wuhangi, silo si fanelago dzimboma, gi na kwapwa vbadugwanana. Kholu, ga wule a nga ningwa nya singi a na hengudwa ngudzu; wule a nga thembwago ngudzu a na lombwa ngudzu.”

Luka 13:4

Ina mwa gu hingigedza nya gukhenu vale nya likhumi na livbandre na vararu va nga thegedwago khu langwe ya Silowe, va gufa, khavo vakone va nga bani vari ni nandru guvbindra vathu vatshavbo va Jerusalema, gani?

Luka 7:40

Khavbo avbo, Jesu a di mu embela, khuye: “Simoni, gyomo nyi vbwetago gu gu embela.” A di hakha, khuye: “Ganela, Muhevbudzi.”

Luka 7:47

Khu kharato, nyi ngu gu embela, kheni: A ngu tsetseledwa sighoho saye nya singi, kholu yeyedzide lihaladzo nya likhongolo. Aholu wule a tsetseledwago silo nya sidugwana, a ngu gola vbadugwana.”

Varoma 3:23

Kholu vathu vatshavbo va ghohide, va hamugisa guralo wudhumo wa Nungungulu.

Varoma 5:20

Nayo wu tede guta engedzela gighoho. Aholu avbo gighoho gi nga dandra, wuhigo wa Nungungulu wu di engedzela gu dandra ngudzu.