Luka 7:22 - Bhibhiliya Nya Guage

²² Jesu a di va hakha, khuye: “Indrani muya tivisa Johane iso mu si pwago ni gu si wona: Sikhumu si ngu wona, sikhurubwa si ngu gimbila, va nya sokono va ngu agiswa, sivbwiri si ngu pwa, vafi va ngu wuga, Mahungu nya Yadi ma ngu hevbudzwa sisiwana.

Luka 7:22 Iomraidhean Croise

Joba 29:15

Eni nyi diri maho nya gikhumu ni mawundru ya gilima.

Dzindzimo 146:8

Pfhumu Nungungulu a ngu tula maho sikhumu, a gu wusa avo va vbelago tshivba; Uye a ngu gola vale va lulamidego.

Isaya 42:16

Nyi na gimbidzisa sikhumu khu ndzila si si yitigo, nyi va gimbidzisa khu sindzilana nya gu gima kha sa nga gimbila khiyo, mbeli gwawe nyi na vbindrugedza gidema gi khala guwonegela, ni dzindzila nya sikhidinga dzi na guledzedwa. Silo sesi nyi na si gira satshavbo nyamba tshiya ni gimwegyo.

Isaya 43:8

Wuyisani vathu va gu ni maho, aholu na vari sikhumu, ni avo va gu ni dzindzeve, aholu na vari sivbwiri.

Jeremiya 31:8

Wonani gukhenu, nyi na va wuyisa khu tigoni ga Wuronga, nyi va tombanisa va duga mahegiso nya litigo; nyi na va wuyisa gumogo ni sikhumu, va nya guhasa, vanyamayi nya dzimimba ni vale va lumwago.

Sofoniya 3:12

Aholu nyi na tshiya vbakari gwago vathu nya sisiwana ni va nya gusolega; va na gu vegago gitumbo gyawe linani la Pfhumu Nungungulu.

Matewu 11:5

Sikhumu si ngu wona, sikhurubwa si ngu gimbila, va nya sokono va ngu agiswa, sivbwiri si ngu pwa, vafi va ngu wuga, Mahungu nya Yadi ma ngu hevbudzwa sisiwana.

Matewu 21:14

Ndrani mule nya Nyumba ya Nungungulu a di tedwa khu sikhumu ni sikhurubwa, a gu si vbanyisa.

Luka 4:18

“Liphuvbo la Pfhumu li nyi tshigede, kholu li nyi phasede gasi guya hevbudza sisiwana Mahungu nya Yadi; li nyi rumede guya tivisa dzikhumbi gutshulega gwawe, guya tivisa sikhumu guwoniswa gwawe, ni ga vasaniseki gutshulega gwawe;

Luka 7:21

Gikhati gyogyo furi Jesu a di hawulugisa vathu nya vangi madwali ni gu vbanyisa ava va nga bani va gu saniswa khu maphuvbo nya guvivbe, gumogo ni gu tula maho sikhumu.

Luka 7:23

Kategide saye wule a gumba khuvekhiswa khu magana yangu.”

Johane 1:46

Natanayeli a di khuye: “Ina gu ngu dzi kodza gu duga gilo nya gyadi khu Nazareta?” Filipi a di khuye: “Delu uta wona.”

Mithumo 26:18

Eni nyi ngu gu rumela guya va tula maho yawe gasi va duga gidemani, va ta guwonegelani; va duga wugumbini wa Sathane, va ta ga Nungungulu, va khodwa gwangu va fela gu divaledwa sighoho sawe, va hakha thomba yi lulamisedwego vbakari nya sihathwa, khu gukhodwa Gwangu.’

Mithumo 8:7

Khu lisine, vathu nya vangi va nga bani vari ni maphuvbo nya guvivbe, va di vbanyiswa, ma duga na ma gu womba dzihuwa. Ni va nya gufa sivbango, ni sigoha va di hawulugiswa.

Jakobe 2:5

Yingisani gwadi, vandriyangu nya sigodwa, ina Nungungulu kha hatha sisiwana sa mafuni momu a si gira sitetema nya gukhodwe, si khala vahodzi nya thomba nya wufumu a nga tumbisago ga vale va mu golago, gani?