Luka 7:2 - Bhibhiliya Nya Guage

² Muthangeli moyo nya gikwata nya lizana masotshwa a diri ni githumi gyaye nya gu gi gole ngudzu gi nga bani gi gu dwala nya guhadza gufa.

Luka 7:2 Iomraidhean Croise

Genesi 24:27

a ganela, khuye: “A na rungudzwe Pfhumu Nungungulu wa mune wangu Abrahama, a ngamba diga gu wonegisa wuwadi ni gutumbega ga mune wangu, a nga nyi gimbidzisa kala ndrangani ga valongo va pfhumu yangu.”

Genesi 35:8

Gikhati gyogyo, a difa Dhebhora, githumi gya Rebheka, va mu dzinga releloni ga Bheteli, mutsani nya nguhu, wu ranwago gupwani Nguhu nya Gililo.

Joba 31:5

Nya gu bani nyi dzegide ndzila nya malipha, ni gu mwendro ngondro wangu wu vbiredzide guya muwudambaneni;

Mavingu 29:21

Uye a henago githumi gyaye gukhugela wudzahani waye, khu guhegisa gi na mu lomba gu khala gyanana gyaye.

Matewu 27:54

Muthangeli nya gikwata nya lizana masotshwa, gumogo navo a nga bani a gu ghadha navo Jesu, na va wonide girevareva gile, gumogo niso si nga bani si dugelela, va di tala khu hwanga, va ganela, khavo: “Khu lisine oyu a diri Gyanana gya Nungungulu!”

Luka 23:47

Muthangeli nya lizana masotshwa a nga bani a romo vbale, na wonide iso si nga bani si dugelela, a di dhumisa Nungungulu, khuye: “Khu lisine oyu a diri muthu nya gululame!”

Luka 7:1

Jesu na vbedzide gu ganela iso a nga embela gidzemo, a di hongola Kafarinawume.

Luka 7:3

Na pwide ndruma ya Jesu, a di rumela madhota nya gukari nya Vajudha gasi guya mu lomba gu ata vbanyisa githumi gyaye.

Luka 8:42

kholu a diri ni nyamahegyane wa moyo, nya likhumi na mivili myaga, a nga bani a gu dwala nya guhadza gufa. Vbakari nya ndzila, kha nga olu vathu va nga bani vari vangi, Jesu a di gundrwa maphuvbo yatshavbo.

Mithumo 10:1

Sezareya a di gu vbanya mwama moyo nya gupwani khu Korineliyo, a diri muthangeli nya gikwata nya lizana masotshwa, ma nga bani ma gu ranwa pwani “Vaitaliya.”

Mithumo 10:7

Ngilozi ya Nungungulu, na yi vbedzide gu ganela esi, yi di mwalalega. Khavbo avbo, Korineliyo a di rana sithumi saye sivili ni musotshwa moyo nya githawo ni Nungungulu, a gu avo a nga bani a gu va tumba.

Mithumo 22:26

Na pwide magana yaya, muthangeli nya masotshwa a di vbweta ndruna a yi embela, khuye: “Ginani u vbwetago gu gira? Oyu mwama givelegwa gya Roma.”

Mithumo 23:17

Pawulo a di rana moyo nya muthangeli nya nyimbi a mu embela, khuye: “Dzega gikhwathana gegi, indra nagyo ga ndruna, momo mahungu gi vbwetago guya mu embela.”

Mithumo 27:1

Gikhati va nga vbweta gu hi khiledza hi hongola Italiya, va di ningela Pawulo ni simbe sibotshwa ga muthangeli nya gikwata nya lizana masotshwa, nya gupwani khu Juliyo, nya gikwata gi ranwago “Tsawa wa Sezari”

Mithumo 27:3

Na gugide, hi di vboha siwoni ga Sidhoni, Juliyo a di sayisa gwadi Pawulo; a mu dzumedzisa gu duga aya wona valongo vaye, afela gu mana gu phasedzedwa khavo.

Mithumo 27:43

Aholu muthangeli, a nga bani ari ni makungo nya guvbanyise Pawulo, gima kha va dzumedzisa. A di ruma gukhuye vatshavbo va nga bani va gu kodza gu hambela va phela khavo gu ndragela matini, va zama gu vboha funguni khu mayaka gasi gu dzi vbanyisa.

Vakolosi 3:22

Sithumi, yingelani siloni gwatshavbo vale mu va thumelago mafuni momu, nasiri basi gikhati va mi ghadhago, nga khwatshi mwa gu dwanela basi gu va tsakisa, aholu khu gutshulega nya myonyo yanu ni gu thava Pfhumu.