Luka 7:16 - Bhibhiliya Nya Guage

¹⁶ Vatshavbo va di tala khu githawo, va gu dhumisa Nungungulu, khavo: “Tumbulugide vbakari gwathu muprofeti nya khongolo; Nungungulu endrede ngamo yaye.”

Luka 7:16 Iomraidhean Croise

Dzindzimo 65:9

U ngu khatalela litigo u li sayisa; u li rumela ndzadzi ni gu li velegisa mihandro; u ngu tadza mitsongo khu mati ni gu dandrisa sivbila, u ngu dongisela kharati wulime.

Ekisodha 4:31

Vathu va di khodwa. Avo na va pwide nya gupwani Pfhumu Nungungulu holede sanana sa na Israyeli, a gu wona gutshaniseka gwawe, va di noga va mu khozela.

Jeremiya 33:9

“Dhoropani momu ga Jerusalema gu na khala ni lina nya gutsake, wuzundzo ni wudhumo, mbeli nya mayigo yatshavbo ya mafuni ma na gu pwago makategwa yatshavbo nyi na gu girelago, va na liwuga ni gusamala khu gu wona makategwa ni thomba nyi na gu ningago.”

Matewu 15:31

Vathu vale va di liwuga khu gu wona sidudu na si gu ganela, silima na si gu gimbila gwadi na si lulamide, sikhurubwa na si gimbila, sikhumu na si gu wona. Va di dhumisa Nungungulu wa Israyeli.

Matewu 21:11

Gidzemo gi di hakha, khigyo: “Khu Jesu, muprofeti wa Nazareta gwa Galileya.”

Matewu 28:8

Vanyamayi vale, na va tade khu hwanga, gumogo ni gunengela, va di khuga khu vbale khu guvbiredza, va gu tutuma, gasi guya tivisa vapizane.

Matewu 9:8

Gidzemo, na gi wonide esi, gi di tala khu githawo, gi dhumisa Nungungulu a nga ningago vathu tshivba nya nga yile.

Luka 1:65

Vaakelane vatshavbo va di tala khu githawo, ni ndruma yakone yi di pwala mugigomoni gwatshavbo gwa Judheya.

Luka 1:68

“A na rungudzwe Pfhumu Nungungulu wa Israyeli, kholu endrede vathu vaye ni guta va vbulugisa.

Luka 19:44

Va na gu tshigira mafuni, uwe ni sanana sago, kha va na tshiya giwindri vbatshani nya giwindri gikwawe, kholu u ngamba liti litshigu u nga holedwago khilo!”

Luka 2:20

Vahavisi va di bwelela na va gu dhumisa ni gu rungudza Nungungulu khu gu wona nya gukhavo satshavbo va nga si wonago ni gu sipwa si ngu fanana niso va nga embedwago khu ngilozi.

Luka 24:19

Jesu a di va wudzisa, khuye: “Gasi ginani gi nga giregago?” Va di mu embela, khavo: “Iso si nga dugelelago Jesu wa Nazareta, muprofeti nya sigiro ni magana nya tshivba mahoni ga Nungungulu ni mahoni nya vathu vatshavbo.

Luka 5:26

Vatshavbo va di liwuga ngudzu ni gu tala khu githawo, gumogo ni gu dhumisa Nungungulu, khavo: “Muhuno hi wonide siliwugiso.”

Luka 5:8

Na wonide esi, Simoni Pedro a di dzi thesa migondroni ga Jesu, khuye: “Leya uya hwindzo gwangu, Pfhumu, kholu nyi gighohi!”

Luka 7:15

Mufi a di wuga a khala khu giwunu gyaye, a gu phela gu ganela. Khavbo avbo, Jesu a di mu ningela ga mayi waye.

Luka 7:39

Mufarisi wule a nga mu ranago, na wonide esi, a di ganela enga mapimoni gwaye, khuye: “Nari gupwani oyu mwama muprofeti kamwe, na gu muti khu mani, ni gu muthu muni nyamayi a mu khuhago, kholu gighohi!”

Luka 8:37

Vathu vatshavbo va tigoni ga Gerazi, va di mu lomba gu a khuge tigoni gwawe, kholu va di tade khu hwanga. Jesu a di bela ngalavani a gu khuga khu vbale.

Luka 9:19

Va di mu hakha, khavo: “Vomo va gukhavo khuwe Johane Mubhapatisi, vambe vari khavo khuwe Eliya, gasi vambe vari khavo u moyo nya vaprofeti va gale a nga wugago.”

Johane 1:21

Va di mu wudzisa nyaluphye, khavo: “Gasi khuwe mani? Khuwe Eliya, gani?” A di va hakha, khuye: “Khandreni.” Va di mu wudzisa gambe, khavo: “Khuwe muprofeti?” A di va hakha, khuye: “Ahihi.”

Johane 1:25

va di mu wudzisa, khavo: “Khu ginani u bhapatisago, gasi khandruwe Kristo, mwendro Eliya mwendro muprofeti?”

Johane 4:19

Nyamayi a di mu embela, khuye: “Pfhumu, nyi ngu wona gukheni u muprofeti.

Johane 6:14

Vathu vale, khu gu wona giliwugiso a nga girago, va di khavo: “Khu lisine, khuye oyu muprofeti a emisedwego guta tigoni.”

Johane 9:17

Va di wudzisa nyaluphye mwama a nga bani nari gikhumu, khavo: “U ngu khuwe ginani khu wule a gu tudego maho?” A di va hakha, khuye: “Muprofeti.”

Mithumo 5:5

Na pwide magana yaya Ananiya a di thega vbavbatshi a sala afa. Khavbo avbo, vatshavbo va nga mapwago mahungu yaya, va di khala hwanga.

Mithumo 7:37

Khuye Mosi a nga ganela ga va na Israyeli, khuye: ‘Nungungulu a na wusa vbakari ga vandriyanu muprofeti nya nga eni.’

Vagalatiya 1:24

Va di dhumisa Nungungulu khu eni.

Dhewuteronome 18:15

Pfhumu Nungungulu wago, a na gu wusela muprofeti vbakari gwago ni ga vandriyago, nya gufanane ni eni; guvbweta u mu yingisa,