Luka 7:12 - Bhibhiliya Nya Guage

¹² Na va gu vboha dhoropani, va di kotsana ni muthu a nga bani a guya dzingwa, a diri gyanana gya gimwegyo gya mayime moyo nya noni. Va diromo vathu nya vangi va dhoropani mule va nga bani va gu hongola navo, na va gu bangaladza malile wule.

Luka 7:12 Iomraidhean Croise

Genesi 22:12

Yi di engedza gambe yi mu embela, khiyo: “U nga khusi libogo lago u songa gyanana, u nga gi bayisi. Olu nyi ngu wona gukheni u na ni githawo ga Nungungulu, kholu khwa nyi bombela mwanago, gyanana gyago gya gimwegyo basi.”

Genesi 22:2

A di mu embela, khuye: “Dzega mwanago Isaki, gyanana gyago gya gimwegyo basi u gi golago ngudzu, u bela ndzilani u gu hongola tigoni ga Muriya. Nu vbohide iyoyo, u na mu songa u gira khuye mhamba nya phaso nya guvbiswe, gigomoni nyi na gu nonedzago.”

2 Samuweli 14:7

Olu, valongo vatshavbo va gu wugela eni githumi gyago, khavo: Hi ninge uye a nga songago ndriyaye hi mu songe, hi phodzela novba wa ndriyaye a mu songidego, hi vbedzisa kharati gihodza thomba gyogyo. Khu kharato, va gu vbweta gu tshima ligala langu li tshadego, va fuvisa mafuni lina la mwama wangu.”

1 Dzipfhumu 17:12

Aholu nyamayi a di mu embela, khuye: “Nyi ngu sambanya khu womi wa Pfhumu Nungungulu wago, kheni: Nyi mwalo gilo, ambari ni kati moyo basi, vbavbandze basi nya wuguvbyana wudugwana omu nya gifugwana, ni mafuranyana madugwana mu gigasini. Nyi di roledzela dzikhuninyana dzedzi gasi nyi bwelela gaya, nyi ya phula sidugwana sesi si tshadego, nyi hodza eni ni gyanana gyangu, khu hwane hi khedzisela gufa basi.”

1 Dzipfhumu 17:18

Nyamayi a di embela Eliya, khuye: “Gasi mahungu muni nyi gu navo eni ni uwe, muthu wa Nungungulu? U dzude avba gasi guta nyi alakanyisa sighoho sangu ni gu songa gyanana gyangu, gani?”

1 Dzipfhumu 17:23

Khavbo avbo, Eliya a di dzega gyanana a duga nagyo khu nyumbani, a tshiga a ta gi ningela ga mayi waye, khuye: “Wona, mwamana wago a ngu vbanya!”

1 Dzipfhumu 17:9

“Khuga, u hongole tigoni ga Sarepita wa Sidhoni, u ya khala iyoyo; nyi leletede nyamayi nya noni gasi a ta gu ninga guhodza.”

2 Dzipfhumu 4:16

Elizewu a di mu embela, khuye: “Khu mwaga wutago khu gikhati nya nga egi, u na bani u wugarela gyanana.” Nyamayi a di hakha, khuye: “U nga ganeli kharato mune wangu, muthu wa Nungungulu, u nga lipheli githumi gyago.”

2 Dzipfhumu 4:20

Githumi gi di mu yisa ga mayi waye, a mu vega vbamarumbitunu ga mayi waye kala vbakari nya mihani, khu hwane a difa.

Joba 29:13

Gikategiso gya oyu a nga bani nari vbafuvbi ni gufa gi dita avbo gwangu, nyi tsakisa monyo nya noni.

Zakariya 12:10

Aholu nyumbani ga Dhavhidhe ni ga vavbanyi vatshavbo va Jerusalerma nyi na thela Liphuvbo nya wuwadi nilo nya milombelo; va na khedza wule va mu payidego; va na mu lila gukhwatshi va gu lila gyanana gya gimwegyo basi, va garadzega khu uye, gukhwatshi va gu garadzega khu gyanana nya matiwula

Luka 7:11

Khavbo avbo, khu hwane nya esi, Jesu a di hongola dhoropani ga Nayimi, gumogo ni vapizane ni gidzemo nya gingi.

Luka 7:13

Pfhumu na mu wone, a di mu pwela gisiro, a gu mu embela, khuye: “U nga lili.”

Luka 8:42

kholu a diri ni nyamahegyane wa moyo, nya likhumi na mivili myaga, a nga bani a gu dwala nya guhadza gufa. Vbakari nya ndzila, kha nga olu vathu va nga bani vari vangi, Jesu a di gundrwa maphuvbo yatshavbo.

Luka 8:52

Vatshavbo va di gu lila khu gupwa gisiro. Aholu Jesu a di va embela, khuye: “Mu nga lili, kholu gyanana kha gyafa, gi di lala.”

Johane 11:19

Vajudha nya vangi va di hongode ga Marta ni Mariya, gasi guya va bangaladza khu gufa ga ndriyawe.

Mithumo 9:39

Pedro a di dzegela gu khuga a gu hongola navo. Na vbohide, va di mu yisa nyumbani ga vbatshani; dzinoni dzatshavbo dzi di hidzimela vbafuvbi gwaye, dzi mu yeyedza dzingandzu ni myendra a nga sonago Tabhita, na nga gu vbanya navo.

Mithumo 9:41

Pedro a di mu phara khu mandza, a mu phasa gu khuga a ema. Khavbo avbo, a di rana sihathwa ni dzinoni a va ninga muthu wawe na gu vbanya.

Jakobe 1:27

Wukhodwa nya lisine wu lulamidego mahoni ga Nungungulu Babe, khu ogu: Guya holela sigulungu ni dzinoni gusanisekani gwawe, ni gumba dzi nyenyezisa khu silo nya guvivbe sa mafuni momu.