Luka 6:8 - Bhibhiliya Nya Guage

⁸ Na wonide mahingigedzo yawe, Jesu a di embela uye a nga bani a limade libogo, khuye: “Nga ema vbakari vbavba.” Uye a di khuga a ema.

Luka 6:8 Iomraidhean Croise

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

1 Dzikoronika 29:17

Nungungulu wangu, nyi ngu dziti gukheni, Uwe u ngu khedza myonyo ni gu gambe, U ngu salalegiswa khu gululama; khu guralo, eni neni khu gutsaka nya monyo wangu nyi ngu gu ninga silo sesi, olu nyi wonide khu gunengela iso vathu vago va guromo avba va ningedego khu gugola nya myonyo yawe.

Joba 42:2

“Nyi ngu dziti gwadi gukheni khu padwi khu gilo, ni gimwegyo nya makungo yago kha gi thindrekiswi.

Dzindzimo 44:21

ina Nungungulu a sa hi tugula gani, uye a yitigo misihalo ya myonyoni, gani?

Isaya 42:4

Kha na vbela tshivba ambari gu garala, kala a gu tivisa gululama tigoni; mayigo ya sidwani ma na lirela gupwa sihevbudzo saye.

Matewu 9:4

Aholu Jesu, na wonide maalakanyo yawe, a di va wudzisa, khuye: “Khu ginani mu khalago ni maalakanyo nya guvivbe kharato?

Marko 3:3

Khavbo avbo, Jesu a di embela mwama nya gulimale libogo, khuye: “Delu u ta ema vbakari vbavba.”

Luka 13:12

Jesu, na mu wone, a di mu rana, a gu mu embela, khuye: “Nyamayi, hawuluga wudwali wago.”

Luka 5:22

Aholu Jesu, na tugude maalakanyo yawe, a di khusedza lito a gu va wudzisa, khuye: “Mahingigedzo muni mu gu nawo myonyoni gwanu?

Luka 6:9

Khavbo avbo, Jesu a di khuye: “Olu nya guvbweta gu mi wudzisani: Ginani gi yelago gu girwa khu Sabhadho: Gu gira nya sadi, mwendro nyamba sadi? Guvbanyisa muthu, mwendro gu mu mbembisa?”

Johane 2:25

Kha nga vbweta gu embedzedwa mavbanyelo ya moyo ni moyo, kholu uye mune a di gu yiti myonyo yawe.

Johane 21:17

A di mu wudzisa nya wuraru, khuye: “Simoni, mwamana wa Jona, ina kamwe u ngu nyi gola uwe?” Pedro a di garadzega, kholu a nga mu wudzisa nya wuraru, khuye: “U ngu nyi gola, gani?” A di mu hakha, khuye: “Pfhumu! U nguti satshavbo; u ngu dziti gwadi khuwe nyi ngu gu gola.” Jesu a di mu embela, khuye: “Havisa dzinvuta dzangu.

Johane 9:4

Nyi fanede gu gira mithumo ya uye a nyi rumedego na gu ngari mihani; wu nguta wutshigu, avbo muthu a si kodzigo guthuma.

Mithumo 20:24

Aholu kha nyi khathali khu womi wangu. Egi gi vbwetegago khu gu eni nyi vbohisa mahegiso liendro langu, nyifela gu vbedzisa ndrima nya thumo nyi pharisidwego khu Pfhumu yathu Jesu Kristo, nya gutivise Mahungu nya Yadi nya lihaladzo la Nungungulu.

Mithumo 26:26

Avba womo mufumeli Agiripa a si tigo gwadi silo sesi; pima kholu nyi ganelago na nyi tshulegide mahoni gwago. Gimwalo na gimwegyo gi giridwego khu gisihaledza.

Vafilipi 1:28

Mu nga khalini hwanga khu kotani ya valala vanu, kholu silo sesi ga avo, si na khala giyeyedzo nya gumbembe. Aholu, ga enu, si na khala giyeyedzo nya guvbanyiswe. Silo satshavbo sa guta khu ga Nungungulu.

Vahebheru 4:13

Gimwalo ni gimwegyo gi sihadego mahoni ga Nungungulu. Sivangwa satshavbo somo tendrelani mahoni ga Nungungulu. Ethu hatshavbo hi na ema mbeli gwaye, a hi lamula.

1 Pedro 4:1

Kha nga ulo Kristo a nga saniseka givilini gwaye khu kotani gwathu, enu nenu gu vbwetega mu saniseka kha nga edzi a nga saniseka khidzo uye. Kholu, oyu a sanisekago givilini kha dzi digi a fumedwa khu gighoho.

Gutuledwa 2:23

Nyi na rwega lufu ga sanana saye gasi mabandla yatshavbo ma dziti gukhayo kheni muloli nya mahingigedzo ni myonyo, kholu nyi na ninga moyo ni moyo gukhedza khu mithumo yaye.