Luka 6:7 - Bhibhiliya Nya Guage

⁷ Vahevbudzi nya Nayo ni Vafarisi va di khusa maho va mu khedza, gasi gu mu wona mwendro a na mu hawulugisa khu Sabhadho, va fela gu mana igyo nya gu mu mole khigyo.

Luka 6:7 Iomraidhean Croise

Dzindzimo 38:12

Va ngu nyi riyela milaphwi avo va zamago gu nyi songa; avo zamago gu nyi tshongisa, va gu ganela guvivba, va luga gikungo nya gukanganyise litshigu latshavbo.

Isaya 29:21

vatshavbo avo va rwegago nandru muthu khu guhoheta nya gukari, ni valamuli va rengeledwago gasi gu rwega nandru wule a ngamba ghoha.

Jeremiya 20:10

Kholu nyi dipwa gidzemo na gi gu lemba, khigyo: “Khu maphuvbo yatshavbo hi randredwe khu sighevenga! Mu thuledzeni! Hongoleni hi mu thuledze!” “Avo va nga bani vari dzipari dzangu, va gu khedzisela guthega gwangu, va ganela, khavo: Ha gu mu tshunganisa hi na mu mana, hi kodza gu dzi phodzela.”

Matewu 5:39

Gasi eni nyi ngu mi embelani gukheni: Mu nga dzi vhikeli ga valala vanu. Wa gu vetwa pama gihaya gya nyamudye, ningedzela gambe gya nyambade.

Marko 3:2

Vatshavbo va di khusa maho va mu khedza, gasi gu mu wona mwendro a na mu hawulugisa khu litshigu nya Sabhadho, vafela gu mu rwega nandru.

Luka 13:14

Aholu muthangeli nya nyumba nya nombelo, na wonide khuye Jesu hawulugiside muthu khu Sabhadho, a di goroga, a gu embela gidzemo, khuye: “Mu na ni livbandre na limwedo matshigu vbakari nya semana gasi gu girani mithumo yanu. Deluni khu matshigu yoyo gasi guta hawulugiswani, nasiri khu Sabhadho.”

Luka 20:20

Va di mu riya, va mu rumela vathu nya guya mu linga. Avo va di hongola kha nga vathu nya vadi, na va lindrela gukhavo a na hoheta likana, gasi gu mu ningela mandzani ga mufumo.

Johane 9:16

Na va pwide esi, vambe Vafarisi, va di khavo: “Muthu yoyu khati khu ga Nungungulu, kholu kha vegedzi Sabhadho.” Gasi vambe va di khavo: “A ngu dzi kodza kharini muthu nya gighohi gu gira siliwugiso nya nga esi?” Gu di manega guhambana vbakari gwawe.