Luka 6:6 - Bhibhiliya Nya Guage

⁶ Khu yimbe Sabhadho a di bela nyumbani nya nombelo, a gu phela gu hevbudza. A diromo vbale muthu a nga bani a limade libogo.

Luka 6:6 Iomraidhean Croise

1 Dzipfhumu 13:4

Avbo mufumeli Jerobhowamo, a nga yingisago magana ya muthu wa Nungungulu a nga bani na gu ma huwelela khu giluvelo gya Bheteli, a di thawuludza mandza vbagiluvelotunu a rumela, khuye: “Mu moleni!” Aholu libogo a nga li thawuludzago, li di khwanyela li banga nyamba petega gambe.

Zakariya 11:17

Libango ga muhavisi nya gipumbu, a si sayisigo tshambi; a na paywe libogo laye khu litshari, li mu pole liso la nyamudye; libogo laye latshavbo li na bange ni liso laye la nyamudye li na khale gidzogo.

Matewu 4:23

Jesu a di gimbila tigoni gwatshavbo ga Galileya, na gu hevbudza mudzinyumbani nya nombelo, gumogo ni gu tivisa Mahungu nya Yadi nya mufumo, na gu hawulugisa vathu dzingumbe dzawe dzatshavbo, ni madwali.

Luka 13:10

Jesu a di bani a gu hevbudza khu litshigu nya Sabhadho nyumbani nya nombelo.

Luka 14:3

Jesu, a di wudzisa ga vahevbudzi nya Nayo ni Vafarisi, khuye: “Gu ngu dzumedziswa mwendro gu himbedzedwa gu hawulugisa khu Sabhadho, gani?”

Luka 4:16

A dita Nazareta, avbo a nga dandrelago avbo. Kha nga giolovedzo gyaye, a di bela nyumbani nya nombelo khu litshigu nya Sabhadho. A di khuga a ema, gasi gu hevbula libhuku.

Luka 4:31

Khu vbale, Jesu a di relela a gu hongola Kafarinawume, dhoropani ga Galileya, iyo a ngaya simama guhevbudza vathu khu dzisabhadho.

Luka 6:1

Tshigu mwedo nya Sabhadho, Jesu a di vbindra khu thembweni nya mavbila. Vapizane va di fanya mavbila madugwana, va tshigira mandzani, va hodza.

Luka 6:5

A di engedza gambe, khuye: “Mwamana wa Muthu a ngu fuma Sabhadho yinene.”

Johane 5:3

Myanyani momo va di khala vadwali nya vangi: Sikhumu, silima, sikhurubwa. Va nga bani va gu virela gu wunvudzwa mati,

Johane 9:16

Na va pwide esi, vambe Vafarisi, va di khavo: “Muthu yoyu khati khu ga Nungungulu, kholu kha vegedzi Sabhadho.” Gasi vambe va di khavo: “A ngu dzi kodza kharini muthu nya gighohi gu gira siliwugiso nya nga esi?” Gu di manega guhambana vbakari gwawe.