Luka 6:30 - Bhibhiliya Nya Guage

³⁰ Uye a gu lombago mu ninge; uye a gu dzegelago silo sago u nga mu wudzisi gambe;

Luka 6:30 Iomraidhean Croise

Dzindzimo 112:9

A ngu kabana silo saye ni sisiwana; gululama gwaye gu ngu simama kala gupindruga, tshivba yaye yi na khusedzwa khu wudhumo.

Dzindzimo 41:1

Kategide oyu a alakanyago gisiwana; litshigu nya sigaradzo a na vbanyiswa khu Pfhumu Nungungulu.

Mavingu 19:17

Uye a phasago gisiwana a gu fiyarisa Pfhumu Nungungulu, Uye a na mu bweledzela wuwadi waye.

Mavingu 21:26

Muthu nya wudogodogo a gu khala khu gunavela litshigu latshavbo, aholu muthu nya gululame, a gu thawuludza mandza a ningela nyamba hegisa.

Mavingu 22:9

Muthu nya wuhindzi, a na mana makategwa, kholu iso a gu naso, a gu hodza gumogo ni gisiwana.

Muhevbudzi 11:2

Kabana iso u gu naso ni livbandre na vavili mwendro livbandre na vararu vathu, kholu khu liti libango muni li na gu dugelelago mafuni momu.

Muhevbudzi 8:16

Nyi dzi garadzide khu tshivba yangu yatshavbo khu gu vbweta guti, ni gu pima ni gu khevisela satshavbo esi vathu va girago, mafuni momu; kholu vomo va si manigo ligovbe wutshigu ni mihani.

Matewu 18:35

Khidzo kharati a na gu mi girago Babe wangu a guromo Ndzadzini, muthu ni muthu a gumba tsetselela khu monyo nya wadi ndriyaye.”

Matewu 5:39

Gasi eni nyi ngu mi embelani gukheni: Mu nga dzi vhikeli ga valala vanu. Wa gu vetwa pama gihaya gya nyamudye, ningedzela gambe gya nyambade.

Matewu 6:12

Hi pwele sihoso sathu, kha nga ethu hi va pwelago avo va hi hoselago.

Luka 11:41

Phelani khu gu ningela sisiwana iso mu gu naso, khavbo satshavbo si na mi dugela gwadi.

Luka 12:33

Rengisani dzithomba dzanu, mu kabanisela sisiwana. Sonani sikhwama nyamba hagala, mu wungedzela Ndzadzini thomba nyamba vbela, iyo yi si dzi kodzigo gu phangwa khu dzimbafa ni gu hodzwa khu muhwa,

Luka 18:22

Na pwide esi, Jesu a di mu embela, khuye: “Gimwegyo basi gi nga tshadego. Rengisa satshavbo u gu naso, u kabanisela dzitsapawu dzakone sisiwana, gasi u mane thomba ya Ndzadzini. Nu giride isoso, delu uta nyi landrela.”

Luka 6:29

Wa gu vetwa pama gihaya gimwegyo, ningedzela gimbe gihaya; uye a gu dzegelago libhadzi, mu dige a dzega gambe ni ngandzu.

Luka 6:31

iso mu golago gukhenu va mi girele, va gireleni nenu.

Luka 6:38

Ningani, mu na ningwani nenu; mu na ningwa gipimo nya gyadi, nya gutale, gi gonyeledwa, bwelo khavbo gi phathamela. Kholu Nungungulu a na mi pimela khu gipimo mu na pimago khigyo vakwanu.”

Mithumo 20:35

Nyi mi yeyedzide khu magirelo yatshavbo gukheni, mwa gu thuma khu mawogo yanu khavbo mu na kodzago gu phasedzela vale va keneledwago. Dundrugani magana ya Pfhumu Jesu a gukhuye: ‘Kategide ngudzu oyu a ningago guvbindra oyu a hakhago.’ ”

2 Vakorinto 8:9

Mu ngu wuti wuhindzi wa Pfhumu yathu Jesu Kristo: Uye a nga bani fumide, a di dzi gira gisiwana khu kota yanu, mufela gu mana gufuma khu kota nya wusiwana waye.

Vaefeso 4:28

Oyu a nga bani a guba, a ngabi gambe, a na thume afela guvbanya khu mihandro nya lithonga laye, ni gu mana esi nya guphasedzele khiso sisiwana.