Luka 6:26 - Bhibhiliya Nya Guage

²⁶ “Libango lanu mwa gu zundzwa khu vathu vatshavbo. Khidzo kharati vababe vawe va nga bani va gu gira ni vaprofeti nya malipha.

Luka 6:26 Iomraidhean Croise

Mavingu 27:21

Ndralama ni parata sa gu nyiviligiswa khu nilo kharato nuye muthu a gu lingwa khu wuzundzo waye.

Isaya 30:10

Avo va gu embela vama nya liwoni va tugulago misihalo, khavo: “Mu nga woni gambe siwoniso!” Va embela vaprofeti, khavo: Mu nga hi gireli siphrofeto nya lisine! Aholu hi embeleni iso si na gu hi tsakisago, profetani milotelote;

Jeremiya 5:31

Vaprofeti va di profeta malipha, ni vaphasi nya mhamba va di fuma khu gugola gwawe; gambe khiso si vbwetwago khu vathu vangu. Khu guralo, mu na rini litshigu gu na vbohago mahegiso nya silo sesi?

Mikeya 2:11

A gu manega muthu nya malipha ni wukanganyisi, a ta ganela, khuye: Nyi na mi profetela khu vbinyu ni wadwa nya guvave; muprofeti yoyo a na khala muprofeti wa tigoni momo.

Matewu 7:15

“Dzi woneleni ni vaprofeti nya malipha, va tago vbakari gwanu kha nga dzinvuta, gasi khu ndrani masolwa nya guvbelele.

Luka 6:25

Libango lanu enu mu khuridego olu; kholu mu na khala ni ndzala. Libango lanu enu mu hegelago olu, kholu mu na womba dzihuwa ni gu lila.

Johane 15:19

Nari pwani mwa gu lumba litigo, ilo na li mi gola, kha nga li golago vathu vaye; aholu, la gu mi nyenya, kholu kha mu lumbi litigo, ni gu eni nyi mi hathideni vbakari gwaye.

Johane 7:7

Litigo kha li dzi kodzi gu mi zondra, aholu eni li ngu nyi zondra, kholu nya gu li tugudzisa mithumo yaye nya guvivbe.

Varoma 16:18

kholu vathu nya nga avovo kha va thumeli Kristo, Pfhumu yathu, aholu va gu thumela sirumbu sawe. Va gu pfhadza vathu nya vangi khu magana yawe nya gulombele na ma tade khu wuhephi.

Jakobe 4:4

Vathu nyamba khodwa! Ina kha mu dziti nya gukhenu wa gu khala pari nya mafu, wa gu dzigira nala wa Nungungulu, gani? Oyu a vbwetago gu khala pari nya litigo, a gu khala nala wa Nungungulu.