Luka 6:23 - Bhibhiliya Nya Guage

²³ Tsakani ni gu ghiya litshigu lolo, kholu tshatshazelo wanu wu na bani wuri wukhongolo Ndzadzini. Khidzo kharati vababe vawe va nga bani va gu sanisa vaprofeti.

Luka 6:23 Iomraidhean Croise

2 Samuweli 6:16

Avbo Ngasa ya Pfhumu Nungungulu yi nga belago Dhoropani, Mikali, nyamahegyane wa Sawule a di gu holelela khu vbagihogotunu a wona mufumeli Dhavhidhe na gu ndragandraga a hana mbeli ga Pfhumu Nungungulu, uye a di swireka monyoni gwaye.

1 Dzipfhumu 18:4

Kholu, gikhati Jezabheli a nga bani na sasela vaprofeti va Pfhumu Nungungulu, Obhadhiya a di dzega lizana (100) vaprofeti a va kabanisa khu mitsawa mivili nya livbandre magumi (50), a va siha mavbalani a va sayisa khu gu va ninga guhodza ni gu va ninga mati va sela.

1 Dzipfhumu 19:10

Uye a di hakha, khuye: “Nya guvbisega khu gu khathalela ngudzu Pfhumu Nungungulu nya Tshivba Yatshavbo, kholu sanana sa Israyeli, si digide gidzumeledzwano gyago, si khungumude siluvelo sago, va songetede vaprofeti vago khu litshari; kheni nyenga basi nyi vbulugidego, aholu eni neni va ngu nyi piga, va vbweta gu nyi songa.”

1 Dzipfhumu 19:14

Uye a di hakha, khuye: “Eni nya gu vbisega khu ligolo ga Pfhumu Nungungulu nya Tshivba Yatshavbo, kholu sanana sa Israyeli, si digide gidzumeledzwano gyago, si khungumulede siluvelo sago, gambe si songetede vaprofeti vago, kheni basi nyi vbulugidego; aholu eni neni si ngu nyi piga, si vbweta gu nyi songa.

1 Dzipfhumu 19:2

Khavbo avbo, Jezabheli a di rumela mwango guya embela Eliya, khuye: “Vanungungulu va na nyi songe, gya gu vboha gikhati gegi mindru na nyi si gu giri womi wago nya nga edzi uwe u giridego uwo wa vaprofeti.”

1 Dzipfhumu 21:20

Akabi a di hakha Eliya, khuye: “Ina, olu u nyi mane, uwe nala wangu, gani?” Eliya a di hakha, khuye: “Ina nyi gu mane gambe, kholu u dzi rengiside khu gu gira esi si vivbidego mahoni ga Pfhumu Nungungulu.

1 Dzipfhumu 22:27

u naya va embela, khuwe: Mufumeli wari, khuye: Thelani mwama yoyu pasoni mu mu hodzisa guhodza ni gu mu sedza mati nya tshanisa, kala nyi wuya khu gurula.”

1 Dzipfhumu 22:8

Khavbo avbo, Akabi, mufumeli wa Israyeli, a di embela Josafati, khuye: “Womo mumbe mwama nya gupwani khu Mikeya, mwamana wa Inila, khavbo gwaye gu ngu kodzega gu wudzisa Pfhumu Nungungulu. Aholu eni nyi ngu mu nyenya, kholu uye gima a si nyi profeteli silo nya sadi, aholu a gu nyi embela iso nya guvivbe gikhati gyatshavbo.” Josafati, a di mu embela, khuye: “U nga ganeli kharato.”

2 Dzipfhumu 6:31

Khavbo avbo, uye a di ganela, khuye: “Nungungulu a na nyi vete khu tshivba, muhuno hungo wa Elizewu, mwamana wa Safati, wa gu simama wu khala magatani gwaye.”

2 Dzikoronika 36:16

Aholu avo va di vala sirumwa sa Nungungulu, va si khathali khu mahungu yaye, va poyila vaprofeti vaye, gukala likhulo laye li khondrela ngudzu vathu vaye, gu hamugega ni rendre nya guvavbulugise khuwo.

Nehemiya 9:26

Ambari khu guralo, va di bomba, va gu wugela va si gu yingisi, va gu pfhurarela va si landrisi Nayo wago. Va di songa vaprofeti vago, avo va nga bani va va embela gasi va vbindrugedza mavbanyelo va bwelela avbo gwago, va bwelo khavbo va gira gunyenyeza nya gukhongolo.

Dzindzimo 58:11

Vatshavbo va na, khavo: “Bayi furi! Muthu nya gululame a ngu tshatshazedwa! Khu lisine, womo Nungungulu a lamulago litigo!”

Isaya 35:6

Silima si na ndragandraga kha nga dzimangwa, ni malimi nya sidudu ma na kulungela khu gutsaka, kholu mati ma na goga giwulani ni gu buga mitsongo mafuni nya gihala.

Jeremiya 2:30

Nyi tsayiside mahala vathu vago, kholu kha va dzumela gu kawukwa kheni; matshari yanu ma mbembiside vaprofeti vanu kha nga nghala yi vbadzulelago.

Matewu 5:12

“Nengelani mu ghiya, kholu tshatshazelo wanu wu na bani wuri wukhongolo Ndzadzini. Kholu khidzo kharati va nga sanisago khidzo vaprofeti va gale.

Luka 1:41

Elizabheta, na pwide gulosa ga Mariya, gyanana gi di ndragandraga khu gunengela ndrani gwaye. Khavbo avbo, Elizabheta, na tade khu Liphuvbo nya Guage,

Luka 1:44

Kholu, me ni gupwa gulosa gwago, gyanana gi di ndragandraga khu gutsaka ndrani gwangu.

Luka 6:35

Gasi enu, golani valala vanu, girani esi si gu sadi; lombisani, na mu si lindreli gu livbwa. Mwa gu gira kharato, tshatshazelo yanu yi na bani yiri yikhongolo. Gambe, mu na bani muri sanana sa Wule a khusegidego ngudzu, kholu uye khwadi ambari ga vale va si gu vadi, va si mu bongigo.

Mithumo 14:10

a di mu embela khu lito nya likhongolo, khuye: “Khuga u lulame khu mawundru yago.” Uye a di ndraga a khuga a gimbila.

Mithumo 3:8

mwama a di ndraga a ema khu mawundru yaye, a phela gu gimbila. A di bela navo Nyumbani ga Nungungulu, na gu gimbila, na gu ndragandraga ni gu rungudza Nungungulu.

Mithumo 5:41

Vapostoli va di duga khu phathani na va tade khu gunengela, kholu Nungungulu a di va ningide wuhigo nya gusaniswe khu kotani nya lina la Jesu.

Varoma 5:3

Kha hi nengeli basi khesi, ha gu dzi zundza gambe khu kotani nya gusaniseke gwathu, kholu hi ngu dziti nya gukhethu gusaniseka khugo gu girago gutimisela:

2 Vakorinto 12:10

Khidzo kharato nyi nengelago khu gupwa guvbunguga nya tshivba yangu, khu gu vadwa, ni sigaradzo, ni gunyenywa, ni gusaniseka khu khota ya Kristo. Kholu gikhati nyi dzi pwago na nyi vbungugide tshivba, khavbo nyi gu ni tshivba.

Vakolosi 1:24

Olu nyi ngu nengela khu gusaniseka gwangu, nyi sanisekago khu kotani gwanu; nya gu tadzisa milini gwangu, avba gu nga bani gu tshade gusanisekani ga Kristo khu kotani nya Libandla a gu givili gyaye.

2 Thimoti 2:12

Ha gu saniseka gumogo naye, hi na fuma naye. Ha gu mu danga, uye nuye a na hi danga.

Vahebheru 11:26

A di wona nari tshukwana gu nyenywa khu kotani ya Kristo guvbindra gu fuma dzithomba dzatshavbo dza Egipito. Maho yaye ma di khedza tshatshazelo wu nga gutago.

Vahebheru 11:6

Khu guralo, muthu nyamba khodwa kha dzi kodzi gutsakisa Nungungulu, kholu, oyu a hidzimelago ga Nungungulu fanede gukhodwa gukhuye Nungungulu womo, ni gukhuye a ngu tshatshazela avo va mu vbwetago.

Jakobe 1:2

Vandriyangu, ni gevbini gilingo mu gi manago, tsakani, mu nengela.

1 Pedro 4:13

Aholu, nengelani khu gu hengela gusaniseka ni Kristo gasi mu tale khu gutsaka gikhati wudhumo waye wu na wonegiswago.

Gutuledwa 2:17

“Wule a gu ni dzindzeve a na pwisise esi Liphuvbo li embelago mabandla: Wule a na palago nyi na mu ninga manaha ma sihidwego. Nyi mu ninga gambe giwindri nya guage gi lovidwego lina nya liphya, eli li si tidwigo khu muthu vbavbandze nya wule a nga riywago ilo.”

Gutuledwa 2:26

Ga gikhati gyogyo wule a na palago ni gu landrisa mithumo yangu kala mahegiso, nyi na mu ninga tshivba nya gufumele mayigo.

Gutuledwa 2:7

“Wule a gu ni dzindzeve a na pwisise esi Liphuvbo li embelago mabandla. Ga wule a na palago, nyi na mu dzumedzisa gu hodza handro nya simbo nya womi wu guromo thembweni ga Nungungulu.”

Gutuledwa 21:7

Oyu a na palago a na hakha thomba yeyi, eni nyi na khala Nungungulu waye, ni uye a khala gyanana gyangu.

Gutuledwa 3:12

Gasi wule a na palago nyi na mu gira lidingo Nyumbani ga Nungungulu wangu, umo nya gu gima kha na duga kala gupindruga. Nyi na mu lova lina la Nungungulu wangu, ni lina nya lidhoropa la Nungungulu wangu, Jerusalema nya guphya, gu tshigago khu ndzadzini, gutago khiyo ga Nungungulu wangu, bwelo khavbo nyi mu lova lina langu nya liphya.

Gutuledwa 3:5

Uye a na palago a na ambala dzingandzu nya guage; eni gima kha nyi na nga futa lina laye mu libhukuni nya womi. Nyi na tivisa lina laye ga Babe wangu ni ga dzingilozi dzaye.